سی پیک کے تحت 25 ارب ڈالرز کی سر ما یہ کاری نے پا کستان میں معیشت کو نئی توانائی فراہم کی، محمد ضمیر اسدی
اشاعت کی تاریخ: 30th, January 2025 GMT
اسلام آباد (نیوز ڈیسک) چائنا انٹرنیشنل پریس کمیونیکیشن سینٹر کے ریسرچ فیلو محمد ضمیر اسدی نے کہا ہے کہ چین پاکستان اقتصادی راہداری کے پہلے مرحلے میں 25 ارب ڈالر سے زائد کی سرمایہ کاری کی گئی ہے۔چینی سر ما یہ کاری نے پا کستان میں معیشت کو نئی توانائی فراہم کی اور صنعتی ترقی کو فروغ دینے کی مضبوط بنیاد رکھی ہے۔ جمعرات کو ریڈیوپاکستان سے گفتگو کرتے ہوئے انہوں نے کہاکہ دونوں ممالک دوطرفہ تعاون کو مزید مضبوط بنانے کے لیے پرعزم ہیں تاکہ سی پیک کے دوسرے مرحلے کے تحت ان منصوبوں کو آگے بڑھایا جا سکے اب چین پاکستان میں اپنی سرمایہ کاری کو دوگنا کرنے جا رہا ہے۔ اس حوالے سے، زراعت اور صنعتی شعبوں میں غیر ملکی سرمایہ کاری پاکستانیوں کے لیے لاکھوں ملازمتیں پیدا کرے گی۔ ہمیں متعین شدہ شعبوں میں اپنی برآمدات کو چین تک بڑھانے کی ضرورت ہے۔ انہوں نے کہاکہ چینی نئے سال کا آغاز ترقیاتی منصوبوں اور منصوبہ بندی کو آگے بڑھانے کے عزم کے ساتھ کرتے ہیں۔چینی نئے سال میں سی پیک کے تحت پا کستان میں شا ندار سر ما یہ کا ری ہو گی، پا کستانی کاروباری طبقے کو چینی مارکیٹ میں برآمدات کے حوالے سے مواقع تلا ش کر نے کی ضرورت ہے۔ چین دبنا کی سب سے بڑی در آمدی منڈی بن چکا ہے۔ پا کستانی تاجر چین میں درآمد ات سے اربوں ڈالرز کے فوائد حاصل کر سکتے ہیں جس سے پا کستان میں معیشت کو مضبوط بنا نے میں مز ید مدد ملے گی۔چینی صدر شی جن پھنگ بھی پا کستان کے ساتھ سی پیک کے تحت سرما یہ کاری بڑ ھا نے کا ارادہ ظاہر کر چکے ہیں ، ہمارے کا روباری طبقے کو اپنی مصنوعات کی ویلیو ایڈیشن کے ذ ریعے چینی ما رکیٹ میں فوائد مل سکتے ہیں۔ ایک سوال کے جواب میں انہوں نے کہا کہ چینی عوام نئے سال کی تعطیلات منانے کے لیے ٹرینوں اور ہوائی جہاز کے ذریعے اپنے آبائی علاقوں کا رخ کرتے ہیں ، جسے دنیا کی سب سے بڑی انسانی ہجرت قرار دیا جاتا ہے۔ چینی نیا سال دنیا بھر میں اپنی آ ب وتاب کے ساتھ چینی ثقافت کو متعارف کروا رہا ہے۔ انہوں نے کہا کہ چین میں رواں نئے سال کو “سانپ کے سال” کے طور پر منایا جا رہا ہے اور لوگ سال سے منسوب جانوروں کی خصوصیات کو اجاگر کرنے کی کوشش کرتے ہیں ۔
.ذریعہ: Daily Mumtaz
کلیدی لفظ: پا کستان میں سی پیک کے انہوں نے ما یہ کا نئے سال یہ کاری کے تحت
پڑھیں:
دینہ منورہ میں بسوں اور ٹرینوں کے ذریعے آنے والے عازمینِ حج کے استقبال کی تیاریاں مکمل
سعودی حکام نے حج کی ادائیگی کے بعد مسجد نبوی کی زیارت کے لیے مدینہ منورہ آنے والے عازمین کی میزبانی کے لیے اپنی تیاریاں مکمل کر لی ہیں، یہ اقدامات مدینہ کے زائرین کو ایک منظم، پُرامن اور روحانی طور پر خوشگوار ماحول فراہم کرنے کے عزم کا مظہر ہیں۔
مدینہ ریجن کے گورنر اور حج و زیارت کمیٹی کے چیئرمین شہزادہ سلمان بن سلطان کی براہِ راست نگرانی میں متعلقہ ادارے حج کے بعد کے مرحلے کے لیے جامع عملی منصوبے پر عمل درآمد کر رہے ہیں۔ زائرین کے ابتدائی قافلے اتوار کی شام، 12 ذو الحجہ کو بسوں اور حرمین ہائی اسپیڈ ٹرین کے ذریعے مدینہ پہنچیں گے۔
ٹریفک کے ہموار بہاؤ کو یقینی بنانے کے لیے المیدان سطح پر بھی نگرانی جاری ہے، خصوصاً ہجرہ ایکسپریس وے، القصیم اور تبوک سے آنے والے راستوں پر سیکیورٹی اور احتیاطی تدابیر سخت کر دی گئی ہیں۔
مسجد نبوی امور کی جنرل اتھارٹی نے مسجد اور اس کے تمام سہولتی انتظامات کو صاف، محفوظ اور خوش آمدیدی ماحول کے ساتھ زائرین کے استقبال کے لیے ایک مربوط منصوبہ نافذ کر دیا ہے۔ مرد و خواتین کے داخلے کے لیے 141 دروازے کھول دیے گئے ہیں، جبکہ مسجد کے اندر آمد و رفت کو منظم کرنے کے لیے 100 راستوں پر رہنمائی ٹیمیں تعینات کی گئی ہیں۔
روضہ شریف میں داخلے کے لیے خصوصی انتظامات کیے گئے ہیں، جہاں زائرین کو باقاعدہ وقت لینے کے بعد داخلے کی اجازت دی جا رہی ہے، یہ نظام باضابطہ ایپلی کیشنز کے ذریعے چلایا جا رہا ہے تاکہ ہجوم کی ترتیب برقرار رہے اور زائرین کو پر سکون زیارت کا موقع ملے۔
مسجد کے مختلف داخلی راستوں پر ڈیجیٹل اسکرینیں راہنمائی فراہم کر رہی ہیں اور زائرین کو روحانی تجربے کو بہتر بنانے کے لیے زمزم کے پانی کی بوتلیں بھی فراہم کی جا رہی ہیں۔
ان تمام انتظامات کا مقصد زیادہ سے زیادہ زائرین کو روضہ نبویؐ میں نفل نماز ادا کرنے اور حضور نبی کریمؐ اور آپؐ کے دونوں جلیل القدر صحابہ کرامؓ کو سلام پیش کرنے کے روحانی تجربے سے مستفید ہونے کا موقع فراہم کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حجاج روضہ نبوی سعودی عرب مدینہ منورہ مکہ
وہیل مچھلیوں کی ہلاکت میں اچانک اضافہ، ماہرین تشویش میں مبتلا