9 مئی کیس: 10 پی ٹی آئی کارکنوں کی سزا معطل، رہائی کا حکم
اشاعت کی تاریخ: 31st, January 2025 GMT
اسلام آباد ہائیکورٹ نے 9 اور 10 مئی 2023 کے احتجاج پر پاکستان تحریک انصاف (پی ٹی آئی) کے 10 کارکنوں کی سزا معطل کر دی اور انہیں رہا کرنے کا حکم دے دیا۔
اسلام آباد ہائی کورٹ میں بانی پی ٹی آئی کی 9 مئی کو ہونے والی گرفتاری کے بعد 10 مئی 2023 کے احتجاج پر درج مقدمے کے 5 افغان شہریوں سمیت پی ٹی آئی کے 10 کارکنوں کی سزا معطلی کی درخواست پر سماعت جسٹس محسن اختر کیانی اور جسٹس سردار اعجاز اسحٰق خان نے کی جس دوران متعلقہ حکام عدالت میں پیش ہوئے۔
عدالت نے کہا کہ ایف آئی آر میں ملزمان پر فیض آباد میں پولیس پر حملے اور پولیس چوکی جلانے کا الزام ہے،
عدالت نے مزید کہا کہ ریکارڈ کے مطابق کوئی ایک بھی ملزم جائے وقوعہ سے گرفتار نہیں کیا گیا۔
کیس میں دلائل کے بعد اسلام آباد ہائیکورٹ نے 5 افغان شہریوں سمیت 10 پی ٹی آئی کارکنوں کی سزا معطل کرتے ہوئے 25 ہزار روپے کے مچلکوں کے عوض ضمانت منظور کرکے انہیں رہا کرنے کا حکم دیا۔
.ذریعہ: Jasarat News
پڑھیں:
اسلام آباد میں سی ڈی اے کے شعبوں میں کیش لیس نظام نافذ کرنے کا فیصلہ
وفاقی دارالحکومت میں عوامی سہولت اور شفافیت کو فروغ دینے کے لیے کیپیٹل ڈیولپمنٹ اتھارٹی (سی ڈی اے) نے اپنے مختلف شعبوں میں کیش لیس نظام متعارف کرانے کا فیصلہ کیا ہے، جس کے بعد شہری اب مختلف سروسز کی ادائیگیاں آن لائن اور ڈیجیٹل ذرائع سے کر سکیں گے۔
یہ فیصلہ چیئرمین سی ڈی اے محمد علی رندھاوا کی زیر صدارت اہم اجلاس میں کیا گیا، جہاں انہوں نے ہدایت دی کہ ادارے کی تمام سروسز کی فیسوں کی ادائیگی کے لیے کیو آرکوڈ سسٹم متعارف کروایا جائے تاکہ شفافیت اور عوامی سہولت کو یقینی بنایا جا سکے۔
یہ بھی پڑھیں: اسلام آباد کے 16 فیصد فلٹریشن پلانٹس کا پانی آلودہ، سی ڈی اے کا اعتراف
چیئرمین سی ڈی اے کا کہنا تھا کہ اب پراپرٹی ٹیکس، واٹر چارجز، زمین کی منتقلی، پارکنگ فیس سمیت دیگر تمام فیسیں ڈیجیٹل طریقے سے ادا کی جا سکیں گی۔
انہوں نے مزید کہا کہ سی ڈی اے اسلام آباد کو سیف سٹی سے اسمارٹ سٹی میں تبدیل کرنے کے لیے پرعزم ہے، اور اس مقصد کے لیے جدید ٹیکنالوجی کے استعمال کو فروغ دیا جا رہا ہے۔
مزید پڑھیں: اسلام آباد: نالوں اور سرکاری زمینوں پر غیر قانونی تعمیرات کے خلاف سی ڈی اے کا کریک ڈاؤن
اس ضمن میں بینکوں کے تعاون سے آن لائن پورٹل اور موبائل ایپلیکیشنز بھی جلد متعارف کروائی جائیں گی، جن کے ذریعے شہری گھر بیٹھے خدمات حاصل کر سکیں گے۔
محمد علی رندھاوا نے سی ڈی اے عملے کی تربیت اور عوامی آگاہی مہم شروع کرنے کی بھی ہدایت کی، جبکہ ون ونڈو فسیلیٹیشن سینٹر میں بھی کیش لیس نظام نافذ کرنے کا فیصلہ کیا گیا ہے۔
مزید پڑھیں: اسلام آباد میں ڈیجیٹل پارکنگ اور ایم ٹیگ سسٹم نافذ کرنے کا فیصلہ
سی ڈی اے کے ترجمان کے مطابق یہ اقدام نہ صرف مالی شفافیت کو فروغ دے گا بلکہ شہریوں کو آسان، تیز اور محفوظ سروسز کی فراہمی میں بھی مددگار ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسمارٹ سٹی ٹیکنالوجی چیئرمین ڈیجیٹل سی ڈی اے سیف سٹی کیپٹل ڈیولپمنٹ اتھارٹی محمد علی رندھاوا
پٹرولیم مصنوعات کی قیمتوں میں بڑی کمی کا امکان