اغوا کی گئی 8 سالہ بچی چند گھنٹوں میں بازیاب‘ ملزم گرفتار
اشاعت کی تاریخ: 1st, February 2025 GMT
کراچی (اسٹاف رپورٹر ) اغوا کی گئی 8 سالہ بچہ کو چند گھنٹوں میں بازیاب کر کے ملزم کو گرفتار کرلیا گیا ،مغوی بچہ 11سالہ کاشف ولد عبد النظیم کو بحفاظت بازیا ب کرلیا گیا ،ایس ایس پی انویسٹی گیشن ضلع ملیر نے تفتیشی افسر کو بچے کی بازیابی پر CC-III جاری کیا۔ تفصیلات کے مطابق سعودآباد میں پولیس نے اغوا کی گئی آٹھ سال کی بچی کو چند گھنٹوں میں بازیاب کروا کر اغوا کار کو گرفتار کرلیا۔پولیس نے بتایا کہ علاقہ مکین نے نامعلوم شخص کو بچی لے جاتے ہوئے دیکھ کر پولیس کو اطلاع دی۔جس پر پولیس نے بچی کی تلاش شروع کر دی اور چند ہی گھنٹوں میں بچی کو بازیاب کرکے ملزم کو گرفتار کرلیا۔ملزم کی شناخت شان کے نام سے کی گئی تاہم مقدمہ درج کرکے ملزم کو تفتیشی حکام کے حوالے کردیا گیا ہے۔ دوسری جانب گمشدہ/ مغوی بچہ11سالہ کاشف ولد عبدالنظیم کو بحفاظت بازیاب کر لیا گیا۔ مدعی مقدمہ نے بچے کی بحفاظت واپسی پر ایس ایس پی انویسٹیگیشن ضلع ملیر ، تفتیشی افسر و سندھ پولیس کا شکریہ ادا کیا۔
.ذریعہ: Jasarat News
کلیدی لفظ: گھنٹوں میں بازیاب کر کی گئی
پڑھیں:
مری؛ سرکاری اسپتال کی ڈاکٹر کے ساتھ مری کے نجی ہوٹل میں زیادتی، ملزم گرفتار
MURREE:گورنمنٹ ٹی بی اسپتال کی خاتون ڈاکٹر کو مری کے نجی ہوٹل میں زیادتی کا نشانہ بنایا گیا تاہم پولیس نے مقدمہ درج کرکے ملزم کو گرفتار کرلیا۔
پولیس کے مطابق گورنمنٹ ٹی بی اسپتال میں تعینات خاتون ڈاکٹر سے مری کے نجی ہوٹل میں زیادتی کی گئی تاہم پولیس نے تھانہ مری میں مقدمہ درج کیا اور ملزم اسد خان کو گرفتار کر لیا ہے۔
مری پولیس کی جانب سے درج مقدمے کے مطابق زیادتی کرنے والا ملزم اسد خان نے خود کو وزیر اعلیٰ پنجاب کا مشیر ظاہر کیا، ملزم پہلے اسپتال گیا جہاں سیکیورٹی گارڈز سے گالم گلوچ کی اور خاتون ڈاکٹر کو اپنی بیوی ظاہر کر کے زبردستی اسپتال سے لے گیا۔
ایف آئی آر میں کہا گیا کہ نامزد ملزم اسد خان نے سنی بینک سے قریب نجی ہوٹل میں لیڈی ڈاکٹر کو رات بھر زیادتی کا نشانہ بنایا، ملزم اسد خان نے اس سے پہلے بھی لاہور میں خاتون ڈاکٹر سے زیادتی کرنے کی کوشش کی تھی۔
مقدمے میں مزید کہا گیا کہ ملزم اسد اور خاتون ڈاکٹر خانیوال کے ایک ہی گاؤں سے تعلق رکھتے ہیں اور خاتون ڈاکٹر کو پہلے مختلف اسپتالوں میں نوکری کا جھانسہ دیا کہ میں تعیناتی کروا دوں گا۔
متن کے مطابق لیڈی ڈاکٹر کی مری ٹی بی سینٹوریم اسپتال میں تعیناتی میرٹ پر ہوئی اور ان کی مری اسپتال میں تعیناتی کو صرف دو دن ہوئے تھے۔
پولیس نے کہا کہ اسد خان نامی شخص اہم سرکاری عہدہ رکھنے کا کوئی ثبوت پیش نہیں کر سکا، ملزم اسد خان جعلی سرکاری افسر اور خود کو مشیر ظاہر کرتا رہا ہے۔
پولیس نے مزید کہا تھا کہ ملزم کے خلاف قانون کے مطابق کارروائی عمل میں لائی جا چکی ہے۔
پی آئی اے کا لاہور سے پیرس براہ راست فلائٹ آپریشن شروع کرنے کا فیصلہ