ڈی سی بدین نے بچوں کو پولیو کے قطرے پلاکر مہم کا آغاز کردیا
اشاعت کی تاریخ: 1st, February 2025 GMT
ماتلی ( نمائندہ جسارت) ڈپٹی کمشنر بدین یاسر بھٹی نے سول اسپتال بدین میں بچے کو پولیو سے بچاؤ کے قطرے پلا کر انسداد پولیو مہم کا افتتاح کر دیا ہے افتتاح کے بعد عوام میں پولیو کے متعلق آگاہی پیدا کرنے کے لیے سول اسپتال بدین سے ڈی ایچ او آفس تک آگاہی واک بھی کیا گیا ۔آگاہی واک سے خطاب کرتے ہوئے ڈپٹی کمشنر بدین یاسر بھٹی نے کہا کہ پولیو ایک خطرناک بیماری ہے جو ہمارے بچوں کو عمر بھر کی معذوری میں مبتلا کر سکتی ہے، اس لیے والدین کو چاہیے کہ وہ اپنے بچوں کو پولیو سے بچاؤ کے قطرے ضرور پلائیں ۔انہوں نے کہا کہ پولیو کے خاتمے کے لیے ہر شہری کو اپنا کردار ادا کرنا ہوگا۔ محکمہ صحت اور ضلعی انتظامیہ پولیو کی روک تھام کے لیے پرعزم ہیں، اور ہمیں یقین ہے کہ جلد ہی ہمارا ملک پولیو سے پاک ہوگا۔ آگاہی واک کے دوران شرکا کو پولیو کی روک تھام کے بارے میں آگاہ کیا گیا آگاہی واک کے بعد پولیو سے بچاؤ کی قومی مہم کی تیاری کے سلسلے میں ڈپٹی کمشنر بدین یاسر بھٹی کی زیر صدارت دربار ہال میں ریڈینیس اجلاس بھی منعقد کیا گیا۔ اجلاس سے خطاب کرتے ہوئے ڈپٹی کمشنر نے کہا کہ نئے سال کی پہلی انسداد پولیو مہم 3 فروری سے شروع ہو رہی ہے جس کے لیے تمام تیاریاں مکمل ہیں۔ انہوں نے کہا کہ مہم کو کامیاب بنانے کے لیے تمام وسائل استعمال کیے جائیں گے۔ ڈپٹی کمشنر نے محکمہ صحت کے افسران اور پولیو ٹیموں کو ہدایت کی کہ وہ گھر گھر جا کر ہر بچے کو پولیو سے بچاؤ کے قطرے پلائیں اور کسی بھی علاقے کو نظرانداز نہ کریں۔ انہوں نے والدین کو آگاہ کرنے کے لیے شعوری مہمات چلانے کی بھی ہدایت کی تاکہ کوئی بچہ پولیو سے بچاؤ کے قطرے پینے سے محروم نہ رہے ۔اس سلسلے میں انہوں نے ایڈیشنل ڈائریکٹر سوشل ویلفیئر عبدالغفار کھوسہ کو ہدایت دی کہ لوگوں میں آگاہی پیدا کرنے کے لیے ضلع بدین میں کام کرنے والی سماجی تنظیموں کی خدمات حاصل کی جائیں۔ انہوں نے مزید کہا کہ پولیو کے خاتمے کے لیے عوام، محکمہ صحت، پولیس، سوشل ویلفیئر اور ضلعی انتظامیہ کو مل کر کام کرنا ہوگااور اس حوالے سے کوتاہی برتنے والوں کے خلاف کارروائی کی جائے گی۔ ڈپٹی کمشنر نے اجلاس میں ڈسٹرکٹ ایجوکیشن آفیسر پرائمری شوکت علی ملاح کی غیر حاضری پر سخت برہمی کا اظہار کیا جبکہ کچھ ٹاؤن آفیسرز کی غیر حاضری پر بھی ناراضگی کا اظہار کیا۔ انہوں نے کہا کہ ٹاؤن آفیسرز پولیو سے بچاؤ کی قومی مہم کی کمیٹی کے ممبر ہیں اور ان کی غیر موجودگی افسوسناک ہے۔ ایسے ٹاؤن آفیسرز کے خلاف قانونی کارروائی کے لیے لوکل گورنمنٹ کے سیکرٹری کو خط لکھا جائے گا۔ اجلاس میں این اسٹاپ آفیسر ڈاکٹر منظور میمن نے تفصیلی بریفنگ دیتے ہوئے بتایا کہ پولیو مہم کے دوران پیدائش سے 5 سال تک کے 4 لاکھ 25 ہزار 824 بچوں کو پولیو سے بچاؤ کے قطرے پلائے جائیں گے۔ انہوں نے بتایا کہ اس مہم میں 1259 موبائل ٹیمیں، 104 فکسڈ سائٹس، 73 ٹرانزٹ پوائنٹ ٹیمیں اور 80 ای پی آئی سینٹر شامل ہیں۔ اجلاس میں ڈسٹرکٹ ہیلتھ آفیسر ڈاکٹر انجم علی سومرو، ڈسٹرکٹ ایجوکیشن آفیسر سیکنڈری احمد خان زئنور، ایڈیشنل ڈائریکٹر سوشل ویلفیئر عبدالغفار کھوسہ، ایڈیشنل ڈپٹی کمشنر ٹو راجیش دلپت، ڈی ایس پی شہزاد سومرو، ڈسٹرکٹ منیجر پی پی ایچ آئی بدین اے میجر ریٹائرڈ ناصر علوی، ڈسٹرکٹ منیجر پی پی ایچ آئی بدین بی رضیہ اجن، ڈاکٹر کامل میمن، ڈاکٹر رجنیش، سی سی او ساون لطیف جونیجو، رمضان قمبرانی، تعلقہ ایجوکیشن آفیسر دلاور ہلیو، ڈی آئی بی انچارج انسپکٹر ایاز میمن، پروگرام منیجر ہینڈز ممتاز راہو سمیت ضلع کے تمام اسسٹنٹ کمشنرز اور دیگر متعلقہ افسران نے بھی شرکت کی۔
.ذریعہ: Jasarat News
کلیدی لفظ: ڈپٹی کمشنر نے کہا کہ انہوں نے پولیو کے کے قطرے بچوں کو کے لیے ا فیسر
پڑھیں:
وزیراعظم سے برطانوی ہائی کمشنر کی ملاقات، پاک برطانیہ تعلقات پر تبادلہ خیال
وزیراعظم سے برطانوی ہائی کمشنر کی ملاقات، پاک برطانیہ تعلقات پر تبادلہ خیال WhatsAppFacebookTwitter 0 23 July, 2025 سب نیوز
اسلام آباد(آئی پی ایس) وزیراعظم محمد شہبازشریف سے برطانوی ہائی کمشنر جین میریٹ نے آج ملاقات کی اور پاک برطانیہ تعلقات پر تبادلہ خیال کیا۔
تفصیلات کے مطابق ملاقات کے دوران وزیراعظم نے کنگ چارلس سوئم اور وزیر اعظم کیئر اسٹارمر کے لیے اپنی نیک خواہشات کا اظہار کیا اور کہا کہ وہ اس سال کے اواخر میں برطانیہ کی قیادت کے ساتھ اپنی ملاقات کے منتظر ہیں۔
انہوں نے برطانوی حکومت کی جانب سے پی آئی اے کی پروازوں کی بحالی کے حالیہ فیصلے کا خیرمقدم کیا۔ وزیر اعظم نے کہا کہ اس مثبت پیش رفت سے برطانوی پاکستانی کمیونٹی کو درپیش مشکلات کو دور کرنے کے ساتھ ساتھ لوگوں کے درمیان تبادلے کو بڑھانے میں بھی مدد ملے گی۔ انہوں نے اس سلسلے میں ہائی کمشنر کے مثبت کردار کو خاص طور پر سراہا۔
وزیراعظم نے پاکستان اور برطانیہ کے درمیان دوطرفہ تعاون کی مثبت رفتار پر اطمینان کا اظہار کرتے ہوئے کہا کہ دونوں ممالک کے درمیان حال ہی میں ہونے والے تجارتی مذاکرات دونوں فریقین کے لیے باہمی طور پر فائدہ مند ثابت ہوں گے۔
انہوں نے کہا کہ پاکستان اقوام متحدہ کی سلامتی کونسل میں بھی برطانیہ کے ساتھ قریبی تعاون کر رہا ہے، جس کی اس وقت پاکستان کے پاس صدارت ہے۔
ملاقات میں جنوبی ایشیا اور مشرق وسطیٰ کی علاقائی صورتحال پر بھی تبادلہ خیال کیا گیا۔ وزیراعظم نے پاک بھارت کشیدگی میں کمی کے لیے برطانیہ کے کردار کو سراہتے ہوئے اس بات کا اعادہ کیا کہ پاکستان بھارت کے ساتھ تمام تصفیہ طلب مسائل پر بامعنی مذاکرات کے لیے تیار ہے۔
برطانوی ہائی کمشنر نے وزیراعظم کو اپنے حالیہ دورہ لندن کے بارے میں بتایا جہاں انہوں نے پاکستان اور برطانیہ کے درمیان تعلقات کو بڑھانے کے حوالے سے وسیع مشاورت کی۔
برطانوی ہائی کمشنر نے وزیر اعظم کے وژن اور قیادت میں گزشتہ ڈیڑھ سال میں حکومت کی معاشی کارکردگی کو سراہا جس سے تمام اہم میکرو اکنامک اشاریوں میں نمایاں بہتری آئی۔
ملاقات میں برطانوی ہائی کمشنر نے وزیراعظم کے ساتھ جنوبی ایشیا اور مشرق وسطیٰ میں ہونے والی علاقائی پیش رفت پر برطانیہ کے نقطہ نظر کے حوالے سے گفتگو کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرگلگت بلتستان میں لینڈ سلائیڈنگ ،مون سون کی تباہی، لیکن ذمہ دار کون؟ ایم کیو ایم رہنما فضل ہادی کے قتل پر شدید ردعمل، قاتلوں کی گرفتاری کا مطالبہ سی ڈی اے افسران کو زرعی پلاٹ کی منتقلی کیلئے خلیجی ملک جانے سے روک دیا گیا سابق گورنر پنجاب میاں محمد اظہر کی نماز جنازہ ادا اسلام آباد ہائیکورٹ: سی ڈی اے کی تحلیل کا فیصلہ برقرار، فوری معطلی کی استدعا مسترد پبلک اکاؤنٹس کمیٹی: چینی کی درآمد کیلئے ٹیکسز کو 18 فیصد سے کم کرکے 0.2 فیصد کرنے کا انکشاف ناکام ’’پریشن سندور‘‘کا دعویٰ ایک بار پھر جھوٹا ثابت، امریکی صدر کے ہاتھوں بھارت کو سبکی کا سامناCopyright © 2025, All Rights Reserved
رابطہ کریں ہمارے بارے ہماری ٹیم
ٹرمپ لائبیریا کے صدر کی رواں انگریزی پر حیران رہ گئے