دنیا میں بہت سارے ممالک ہیں دنیا میں ایک ایسا بھی ملک ہے جو قدرتی وسائل سے مالا مال ہے۔ جس کی زمین سونا اُگلتی ہے دریا رواں دواں ہیں زمین کے اندر معدنیا ت کی دولت بھری پڑی ہے اس نے اپنے قیام کے ابتدائی ایّام میں دوسرے بدحال ممالک کو قرضے دیکر خود کو اپنے پیروں پر کھڑا کیا۔ اس ملک کے حزب اقتدار اور حزب اختلاف دونوں آپس میں ایسے لڑتے ہیں جس طرح کتّے آپس میں لڑتے ہیں کبھی ان کو پر سکون نہیں دیکھا گیا ہر بات میں ایک دوسرے سے اختلاف کرتے ہیں ایک دوسرے کے قابل ستائش کاموں کو بھی بدنیتی کا شاخسانہ قرار دیتے دونوں ایک سے بڑھ کر ایک رعایا کے ہمدرد اور خیر خواہ اپنے آپ کو باور کراتے ہیں۔ مگر کچھ دنوں پہلے یہ عجیب بات دیکھنے میں آئی سارے حیران رہ گئے ایک بل اسمبلی میں پیش ہوا اور اس پر ساری حزب اختلاف اور حزب اقتدار شیر شکر ہوگئے سب نے مکمل اتفاق رائے سے اس بل کو منظور کرلیا جی ہاں وہ اپنی اپنی تنخواہوں مراعات میں اضافے کا بل تھا۔ اس بل کی منظوری پر ایک دوسرے کو گلے لگا کر مبارک باد بھی دی گئی اس طرح ان کی تنخواہوں اور مراعات میں 140 فی صد اضافہ ہوگیا ہے۔
یہ اس ملک کی صورت حال جو 120 ارب ڈالر کا قرضدار ہے قرضے کی قسطیں ادا کرنے کے لیے ایک نیا قرض لینا پڑتا ہے جب قرض کی قسط منظور ہوجاتی ہے تو یہاں کا وزیر اعظم سجدۂ شکر بجا لاتا ہے، ملک کے حالات بہتری کی طرف جارہے ہیں اس کی نوید قوم کو بار بار سناتا ہے ساتھ ساتھ یہ بھی کہتا جاتا ہے کہ مزید بہتری کے لیے مشکل فیصلے کرنے ہوں گے۔ گویا عوام کی مشکیں مزید کسی جائیں گی کمال کی بات یہ ہے کہ ٹیکس چوروں کی سب سے بڑی تعداد یہاں سرمایا داروں، حکومتی اداروں اور جاگیر داروں کی شکل میں موجود ہے۔ سب سے زیادہ ٹیکس عام لوگ اور تنخواہ دار طبقے سے وصول کیا جاتا ہے کسی اور کے لیے باعث شرم ہوگی۔ یہ بات کہ بچّوں کی پنسل، ٹافیوں اور بسکٹ کے پیکٹوں پر ٹیکس وصول کیا جاتا ہے۔ عوام کسی مردہ لاش کی طرح ان کے سامنے ہیں جس پر گدھ کی طرح اس لاش کے جسم پر سے گوشت نوچ نوچ کر یہ اپنے شکم بھر تے ہیں۔ یہ پورے کے پورے خاندان عوام کے گرد منڈلا رہے ہیں عوام کی بدحالی کی خبریں روزانہ کی بنیاد پر پرنٹ اور الیکٹرونک میڈیا میں آتی رہتی ہیں کہ آج کسی باپ نے اپنے معصوم بچّوں اور بیوی کو تیز دھار آلے سے سوتے میں قتل کردیا، آج کسی ماں نے اپنی بچّے کی شکایت پر خود کشی کرلی۔ نوجوان بیروزگاری سے تنگ آکر خودکشیاں کررہے ہیں غیر قانونی راستے سے ملک سے باہر جاتے ہوئے سمندر کی لہروں کی نذر ہوجارہے ہیں یہی روز کی خبریں ہوتی ہیں کوئی دوسرا نہیں یہی حکومت کے لوگ ہیں جن کے ایجنٹ جو ان نوجوانوں کو روزگار کا لالچ دے کر سمندر کی بے رحم موجوں کی نذر کرکے پیسے کما رہے ہیں۔ ڈھائی کروڑ بچّے اسکول سے باہر ہیں بے روزگاری اتنی بڑھ چکی ہے کہ ایک نوکری کے لیے ہزاروں امیدوار آتے ہیں مگر نوکری اس کو ملتی ہے جو برسر اقتدار جماعت کا خاص آدمی ہوتا ہے فوجیں اپنے دشمن پر فتح حاصل کرتی ہیں مگر یہاں اپنی ہی قوم کو فتح کرنے کی بار بار کوشش کی جاتی ہے۔ وزیر خزانہ گھنٹوں پریس کانفرسوں میں اعشاریے بتارہے ہوتے ہیں کہ معیشت استحکام کی طرف جارہی ہے۔ استحکام کی جانب سفر ہے کہ طویل ہوتا چلا جارہا ہے۔ وزیر اعظم صاحب کہہ رہے تھے کہ میرا بس چلے تو شرح سود پندرہ فی صد سے کم کردوں مگر آئی ایم ایف سے مجبور ہوں۔
انسان کی مجبوریاں کیا ہوتی ہیں یہ مجبوریاں وہ ہوتی ہیں جن کو ہم مفادات کہتے ہیں ایک آئس کا نشہ کرنے والے کو اگر آئس نہ ملے اور کوئی اس کو کہے کہ میں تم کو آئس لاکر دیتا ہوں مگر شرط یہ ہے کہ تم کو میرا فلاں کام کرنا ہوگا اس طرح اس سے کام لیا جاتا ہے۔ ملک کے موجودہ صورتحال جس نے ایک سیاسی بحران پیدا کردیا ہے۔ حالیہ پی ٹی آئی کے پی ڈی ایم کے خلاف دھرنے اور تحریکیں کس بات کا شاخسانہ ہیں اس میں صرف اور صرف اپنے ذاتی مفادات کو حاصل کرنا ہے اس میں عوام کہیں موجود نہیں ہیں اگر موجود ہیں تو ان کے سامنے ایک ایسے جسم کی مانند کہ جس میں کچھ زندگی کی رمق موجود ہے اور اوپر اس کے گرد یہ گدھ منڈلارہے ہیں۔ زندگی کا ثبوت اگر دینے میں عوام کامیاب ہوگئی تو خیر ہے زندگی کا ثبوت قومی زندگی میں بھی تحریک کے شعور سے آتا ہے اپنے حق کے حصول کے لیے عوام بڑی تعداد میں ایک تحریک برپا کرتے ہیں یہ کسی قائد اور اجتمائی نظم کے بغیر ممکن نہیں ہے۔ شب کی گہری تاریکی اس بات کا ثبوت ہوتی ہے کہ عنقریب سحر ہونی والی ہے۔
.ذریعہ: Jasarat News
پڑھیں:
وزیرِاعظم کی سعودی ولی عہد شہزادہ محمد بن سلمان سے ملاقات ، اسرائیل کی جارحیت کے بعد پیدا ہونے والی صورتحال پر تبادلہ خیال
وزیرِاعظم کی سعودی ولی عہد شہزادہ محمد بن سلمان سے ملاقات ، اسرائیل کی جارحیت کے بعد پیدا ہونے والی صورتحال پر تبادلہ خیال WhatsAppFacebookTwitter 0 15 September, 2025 سب نیوز
دوحہ (سب نیوز)وزیرِاعظم پاکستان محمد شہباز شریف نے سعودی عرب کے ولی عہد اور وزیرِاعظم، شاہی عالی جاہ شہزادہ محمد بن سلمان بن عبدالعزیز آل سعود سے دوحہ میں ہونے والے ہنگامی عرب اسلامی سربراہی اجلاس کے موقع پر ملاقات کی۔ یہ اجلاس 15 ستمبر 2025 کو قطر پر اسرائیل کے حالیہ حملے کے بعد طلب کیا گیا تھا۔انتہائی پرعزم اور خوشگوار ماحول میں ہونے والی اس ملاقات میں دونوں رہنماوں نے اسرائیل کی جارحیت کے بعد پیدا ہونے والی صورتحال پر تبادلہ خیال کیا۔
وزیرِاعظم پاکستان نے اسرائیل کے اقدام کی سخت مذمت کرتے ہوئے کہا کہ یہ ایک دانستہ کوشش ہے تاکہ مشرقِ وسطی میں امن کی کوششوں کو سبوتاژ کیا جا سکے۔وزیرِاعظم نے امتِ مسلمہ کو یکجا کرنے میں شہزادہ محمد بن سلمان کی جرات مندانہ اور بصیرت افروز قیادت کو زبردست خراجِ تحسین پیش کیا۔ اس موقع پر وزیرِاعظم نے یقین دلایا کہ پاکستان مکمل طور پر سعودی عرب کے ساتھ سفارتی سطح پر کھڑا ہے، بالخصوص اقوامِ متحدہ کی سلامتی کونسل میں، جہاں پاکستان اس وقت غیر مستقل رکن ہے، نیز دیگر تمام کثیر الجہتی فورمز بشمول او آئی سی میں بھی۔وزیرِاعظم نے کہا کہ دوحہ میں ہنگامی عرب اسلامی سربراہی اجلاس کا انعقاد اس بات کا واضح پیغام ہے کہ دنیا بھر کے مسلمان اسرائیل کی غیر قانونی اور غیر ذمہ دارانہ جارحیت کے خلاف ایک آواز میں بول رہے ہیں، جو خطے کے امن و سلامتی کے لیے سنگین خطرہ ہے۔
وزیرِاعظم نے پاکستان اور سعودی عرب کے تاریخی اور برادرانہ تعلقات کو ایک بار پھر دہرایا اور سعودی عرب کی طرف سے ہر مشکل گھڑی میں پاکستان کی غیر متزلزل حمایت پر ولی عہد کا شکریہ ادا کیا۔شہزادہ محمد بن سلمان نے کہا کہ وہ وزیرِاعظم پاکستان کے آئندہ سرکاری دورہ ریاض کے منتظر ہیں، جو اس ہفتے متوقع ہے۔ یہ دورہ دونوں ممالک کو دوطرفہ تعلقات کے ساتھ ساتھ علاقائی اور عالمی امور پر جامع تبادلہ خیال کا اہم موقع فراہم کرے گا۔وزیرِاعظم نے خادمِ حرمین شریفین، شاہ سلمان بن عبدالعزیز آل سعود کے لیے اپنے پر خلوص احترام اور نیک خواہشات بھی پہنچائیں۔شہزادہ محمد بن سلمان نے وزیرِاعظم پاکستان کی قیادت اور قطر کے ساتھ اظہارِ یکجہتی کے لیے پاکستان کی فعال سفارتی کاوشوں، بالخصوص سلامتی کونسل اور او آئی سی میں کردار کی تعریف کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیئرمین سی ڈی اے سے قازقستان کے سفیر یرژان کیستافین کی ملاقات، شہری تعاون، ثقافتی تبادلے اور ماحول دوست منصوبوں پر تفصیلی گفتگو چیئرمین سی ڈی اے سے قازقستان کے سفیر یرژان کیستافین کی ملاقات، شہری تعاون، ثقافتی تبادلے اور ماحول دوست منصوبوں پر تفصیلی گفتگو وزیراعظم، مسلح افواج کے سربراہان اور دیگر کو کیا تحائف ملے، توشہ خانہ کا 6 ماہ کا ریکارڈ جاری نیپال کی نئی عبوری وزیراعظم کا کرپشن ختم کرنے اور مظاہرین کے مطالبات پورے کرنے کا اعلان چیئرمین سی ڈی اے کی زیر صدارت اجلاس، غیر قانونی کار پارکنگ کے خلاف زیرو ٹالرینس اپنانے کا فیصلہ میچ ریفری کیخلاف آئی سی سی کو دیر سے خط، پی سی بی کے ڈائریکٹر انٹرنیشنل کرکٹ معطل لکی مروت اور شمالی وزیرستان میں دو نئے پولیو کیسز کی تصدیق،رواں سال کیسز کی تعداد 26ہوگئیCopyright © 2025, All Rights Reserved
رابطہ کریں ہماری ٹیم
امریکی فیڈرل ایوی ایشن اتھارٹی اور پاکستان کے محکمہ شہری ہوابازی کے حکام کی ملاقات