امریکی خاتون واپس جانے کےلیے راضی، ایک اور فرمائش کردی
اشاعت کی تاریخ: 1st, February 2025 GMT
کراچی کے نوجوان سے محبت میں دھوکا کھانے والی خاتون بالآخر واپس جانے کےلیے راضی ہوگئی ہیں۔
امریکی خاتون اونیجا اینڈریو رابنس نے اپنے تازہ بیان میں کہا ہے کہ وہ امریکا واپس جانے کےلیے تیار ہیں۔
اونیجا کا کہنا تھا کہ وہ اپنے ملک واپس جانے کےلیے تیار ہیں لیکن ان کے پاس اس وقت پیسوں کی کمی ہے۔
اونیجا نے مطالبہ کیا کہ ہے مجھے نیویارک جانے کےلیے ٹکٹ دیا جائے، میں اپنے ملک جانے کےلیے تیار ہوں۔
یاد رہے کہ امریکی خاتون اونیجا اینڈریو رابنس کو کراچی کے علاقے گارڈن کے رہائشی 19 سالہ ندال احمد میمن سے سوشل میڈیا کے ذریعے محبت ہوگئی تھی۔
دو بچوں کی ماں اونیجا 11 اکتوبر کو کراچی آئی تھیں لیکن ندال کے گھر والوں نے اس شادی سے انکار کردیا۔ جس کے بعد اونیجا کئی ماہ تک کراچی میں دربدر رہیں اور پھر ان کا واپسی کا ٹکٹ بھی ختم ہوگیا۔
ویزے کی مدت ختم ہونے کے بعد، اے ایس ایف نے انہیں ائیر پورٹ پولیس کے حوالے کردیا تھا۔
Tagsپاکستان.
ذریعہ: Al Qamar Online
کلیدی لفظ: پاکستان پاکستان کھیل
پڑھیں:
پنجاب حکومت سے مناظرے کیلئے تیار ہوں: میئر کراچی
میئر کراچی مرتضیٰ وہاب—فائل فوٹومیئر کراچی مرتضیٰ وہاب نے کہا ہے کہ پنجاب حکومت سے مناظرے کے لیے تیار ہوں۔
سفاری پارک میں میڈیا سے گفتگو میں مرتضیٰ وہاب نے کہا کہ لگتا ہے کہ سیلاب کی وجہ سے پنجاب حکومت دباؤ میں ہے۔
انہوں نے کہا کہ وزیرِ اعلیٰ پنجاب مریم نواز کو گُل دستہ بھجوانا چاہتا ہوں اور کہنا چاہتا ہوں کہ اطمینان رکھیں مشکلات آتی رہتی ہیں۔
میئر کراچی نے کہا کہ چاہتے ہیں کہ سیاسی ٹمپریچر کم رہے، پنجاب حکومت بیان بازی کے بجائے سیلاب متاثرین کی مدد کرے۔
میئر کراچی مرتضیٰ وہاب نے وفاق سے 200 ارب روپے مانگ لیے۔
اُن کا کہنا ہے کہ پنجاب حکومت کے مزے ہیں، ان کو مشکل وقت بہت کم دیکھنے کو ملتا ہے، اب جب مشکل وقت آیا ہے تو اطمینان کریں اور ہمت سے کام لیں۔
مرتضیٰ وہاب نے کہا کہ سیاسی استحکام کے بعد معاشی استحکام آ رہا ہے، ہم اسے خراب کرنا نہیں چاہتے، بیان بازی غیر مناسب ہے، پیپلز پارٹی نے کوئی بیان بازی نہیں کی۔
انہوں نے کہا کہ این آئی سی وی ڈی اور ایس یو ٹی میں بڑی تعداد میں پنجاب سے لوگ علاج کے لیے آ رہے ہیں، اس وقت پنجاب کے کسانوں کو پریشانی لاحق ہے۔
میئر کراچی نے کہا کہ آج سفاری پاک میں پاکستان کے سب سے بڑے ٹرمپولین پارک کا افتتاح کیا ہے، جس کی فیس عوام کی پہنچ میں ہے۔
اُن کا کہنا ہے کہ ہم نیک نیتی کے ساتھ شہر کے تفریحی مقامات پر توجہ دے رہے ہیں، بہترین سہولتیں مستقبل کے معماروں کو سفاری پارک میں دے رہے ہیں۔
مرتضیٰ وہاب نے کہا کہ پچھلے 2 سال میں جو کام کیے ان کے نتائج سامنے ہیں، کراچی کے 2 مقامات پر مزید ٹریمپولین پارکس ہیں، جن کے ریٹ میں اور یہاں کے ریٹ میں فرق ہے۔
انہوں نے کہا کہ ماضی میں سفاری پارک ویران ہو چکا تھا یہاں کوئی سہولت نہیں تھی، سینکڑوں فیملیز اب چھٹی کے دن یہاں نظر آتی ہیں، ہماری نیت تھی جب ہمیں موقع ملے گا تو ہم شہر کے پارک اپ گریڈ کریں گے۔
میئر کراچی نے کہا کہ ہم سیاست سیاست روز کھیلتے ہیں، ہمارے شہر میں ترقیاتی کام ہو رہے ہیں، پیپلز پارٹی کی قیادت کام پر یقین رکھتی ہے، شہر میں کھیلوں کی سرگرمیوں کو فروغ دینے سے متعلق اقدامات اٹھا رہے ہیں۔
ان کا کہنا ہے کہ آج شہر کی رونقیں بحال ہو رہی ہیں، ہمارے کاموں پر مخالفین عدالت بھی چلے جاتے ہیں، کراچی کے بچوں کو سہولتیں فراہم کرنے کے لیے اقدامات اٹھا رہے ہیں۔
مرتضیٰ وہاب نے کہا کہ یہ سہولتیں ہمارے پارٹی کے منشور کا حصہ ہیں، کچھ کام سست روی کا شکار ہیں ہم جانتے ہیں، چاہتے ہیں پارکوں میں نشہ آور افراد نہ بیٹھیں، نہ شادی بیاہ کی تقریب ہوں۔
محرابپور،صحافی امتیاز میر کے قتل ،کاشف کمبوہ پر جھوٹے مقدمے کیخلاف احتجاج