مجھے نہیں لگتا کہ امریکی انتظامیہ عمران خان کی رہائی کیلئے کوئی دباؤ ڈالے گی
اشاعت کی تاریخ: 3rd, February 2025 GMT
اسلام آباد ( اردوپوائنٹ اخبار تازہ ترین۔ آئی پی اے ۔ 03 فروری 2025ء ) وزیردفاع خواجہ آصف نے کہا ہے کہ دہشتگردوں کو امریکیوں کا چھوڑا ہوا اسلحہ سپلائی ہورہا ہے، کالعدم ٹی ٹی پی اور بی ایل اے امریکی اسلحہ خیبرپختونخواہ اور بلوچستان میں استعمال کررہی ہے، اس اسلحے کی وجہ سے حملوں میں شدت اور جانی نقصان زیادہ ہورہا ہے۔انہوں نے جیو نیو زکے پروگرام میں گفتگو کرتے ہوئے کہا کہ افغانستان سے دہشتگردوں کو اسلحہ میسر ہے، وہ یہ اسلحہ خریدتے ہیں یا ان کو سپلائی کی جاتی ہے اور یہ امریکی اسلحہ ہے، یہ اسلحہ وہاں لوگوں اور ٹی ٹی پی کے کام آرہا ہے، دہشتگردوں کو امریکیوں کا چھوڑا ہوا اسلحہ سپلائی ہورہا ہے، کالعدم ٹی ٹی پی اور بی ایل اے امریکی اسلحہ خیبرپختونخواہ اور بلوچستان میں استعمال کررہی ہے، اس اسلحے کی وجہ سے حملوں میں شدت اور جانی نقصان زیادہ ہورہا ہے۔
(جاری ہے)
کچھ اضلاع میں امن وامان کی صورتحال بہتر ہوئی ہے، لیکن کچھ میں صورتحال خراب ہے، یہ ایک جنگ ہے اس کا فوری بندوبست نہیں ہوسکتا، اس کا مقابلہ ہماری افواج کے جوان اور افسران کررہے ہیں، ایک شہید جوان کا میں نے جنازہ میں شرکت کی اس کی ایک مہینہ پہلے شادی ہوئی تھی، اسی طرح 11زخمیوں کو مل کر آئے ہیں، میں دیکھا کہ ان کے حوصلے بلند تھے، وزیراعظم کو انہوں نے کہا کہ ہماری صحت ٹھیک ہوتی ہے تو ہم عمر ہ کرنا چاہتے ہیں۔ہمارے جوان اور افسران جس طرح قربانیاں دے رہے ہیں اس کی مثال نہیں ملتی، پچھلے مہینوں سے دہشتگردی واقعات میں شدت آئی ہے، جبکہ 2018میں دہشتگردی ختم ہوچکی تھی، اکا دوکا واردات ہوتی تھی، لیکن اب دہشتگردی میں زیادہ ہاتھ وہ ہے جو2021میں دہشتگرد واپس لائے گئے، تنظیمیں ان کے گھروں میں آتی ہیں پھر آگے آپریٹ کرتی ہیں۔انہوں نے کہا کہ 2013میں نوازشریف برسراقتدار آئے، اس وقت بھی دہشتگردی تھی، لیکن بہتری آئی۔ اب کے پی اور بلوچستان میں لوگوں کی زندگیوں میں بہتری لانے کی ضرورت ہے۔ وزیردفاع خواجہ آصف نے کہا کہ دہشتگردی میں انڈیا کا بڑا ہاتھ ہے،کالعدم بی ایل اے اور طالبان کے پیچھے انڈیا کا ہاتھ ہے، بی ایل اے کے لوگ نئی دہلی میں بیٹھے ہوئے ہیں۔ انہوں نے کہا کہ مجھے نہیں لگتا کہ امریکی انتظامیہ عمران خان کی رہائی کیلئے پاکستان پرکوئی دباؤ ڈالے گی، پاکستان کے ساتھ امریکی تعلقات کی وسعت بہت زیادہ ہے، امریکا کے تعلقات ایک شخص یاپارٹی کے اوپر محدود نہیں ہیں، زلمے خلیل زاد کو اس کے ملک نے بھی فارغ کردیا ہے کوئی قبو ل نہیں کررہا ہے۔عمران خان کے حق میں بہت سارے لوگوں نے ٹویٹس کئے لیکن ڈیلیٹ کردیئے۔ امریکا کے ساتھ حکومت پاکستان کی انگیجمنٹ بالکل ٹھیک ہے اور اس کے مثبت نتائج بھی سامنے آرہے ہیں۔.ذریعہ: UrduPoint
کلیدی لفظ: تلاش کیجئے بی ایل اے نے کہا کہ ہورہا ہے انہوں نے
پڑھیں:
چلی، بولیویا، ارجنٹینا سمیت مختلف ممالک میں 6.7 شدت کا زلزلہ
چلی، بولیویا، ارجنٹینا سمیت مختلف ممالک میں شدید زلزلے کے جھٹکے محسوس کیے گئے ہیں۔
رپورٹ کے مطابق امریکی جیولوجیکل سروے نے اپنے ایک بیان میں بتایا کہ چلی کے شمال میں ساحل کے قریب 6.7 شدت کا زلزلہ آیا، زلزلے کی گہرائی 76.6 کلومیٹر ریکارڈ کی گئی۔
زلزلے کا مرکز اٹاکاما ریجن کے صوبے چانیارال میں، چلی کے شہر ڈیاگو ڈی الماگرو سے 52 کلومیٹر جنوب مغرب کی جانب ریکارڈ کیا گیا ہے۔
زلزلے کے بعد کسی جانی یا مالی نقصان کی فوری طور پر کوئی اطلاع موصول نہیں ہوئی۔
امریکی سونامی وارننگ سینٹر کی جانب سے سونامی کی کوئی وارننگ جاری نہیں کی گئی۔
طلبا اور پیشہ ور افراد کے لیے مصنوعی ذہانت پر مبنی کیریئر ڈیولپمنٹ پلیٹ فارم کا آغاز