کوئٹہ، جماعت اسلامی کیجانب سے یوم یکجہتی کشمیر کی ریلی برآمد
اشاعت کی تاریخ: 5th, February 2025 GMT
ریلی سے خطاب کرتے ہوئے جماعت اسلامی کوئٹہ کے رہنماؤں نے کہا کہ بلوچستان کے لاپتہ افراد میں اضافہ ہو رہا ہے، بلوچستان میں مظالم ختم نہیں ہو رہی ہے۔ اہل بلوچستان کے حقوق کے حصول، لاپتہ افراد کی بازیابی، کشمیر کی آزادی اور ڈاکٹر عافیہ کو واپس لانے تک ہماری جدوجہد جاری رہیگی۔ اسلام ٹائمز۔ جماعت اسلامی کوئٹہ کے رہنماؤں نے کہا ہے کہ کشمیر کی آزادی وقت کی اہم ضرورت ہے۔ حکمرانوں کی نااہلی ناکامی کی وجہ سے ہندوستان سے کشمیری عوام کو آزادی نہیں مل رہی۔ حکمران اور سپہ سالار اگر ہمت کرلیں تو کشمیر کی آزادی یقینی ہے۔ بلوچستان میں بھی مظالم کا نہ ختم ہونے والا سلسلہ شروع ہے۔ 77 برسوں سے کشمیری مائیں، بہنیں، بیٹیاں آزادی کا علم لئے میدان میں کھڑی ہیں۔ وادی لہو لہان، نوجوان، حریت رہنماء جیلوں میں اذیتیں برداشت کر رہے ہیں۔ ایک طرف کشمیری تختہ دار پر بھی پاکستان سے محبت کا اعلان کرتے ہیں اور دوسری طرف پاکستان کے حکمران بھارت سے دوستی کی پینگیں بڑھانا چاہتے ہیں۔ قوم کشمیر کا سودا کرنے والوں کا حساب ماگ رہی ہے۔ ان خیالات کا اظہار انہوں نے کوئٹہ پریس کلب کے سامنے یوم یکجہتی کشمیر ریلی سے خطاب کرتے ہوئے کیا۔ ریلی سے جماعت اسلامی کے رہنماؤں عبدالنعیم رند، ڈاکٹر عطاء الرحمان و دیگر نے خطاب کرتے ہوئے کہا کہ اہل فلسطین اور کشمیر پر ظلم کے پہاڑ ٹوٹ رہے ہیں، مگر پاکستانی حکمران و سپہ سالار سوئے ہوئے ہیں۔ انہوں نے امریکا کے خوف سے غزہ پر ظلم پر لفظ تک نہیں کہا۔ امریکہ نے اسرائیل کیساتھ ملکر غزہ کو کھنڈرات بنا دیا۔ مودی نے بابری مسجد کی جگہ مندر بناکر آزاد کشمیر پر بھی قبضے کا اعلان کیا تھا اور یہ ظلم و سازشیں جاری ہیں۔ مگر ہمارے حکمران بے حسی کی چادر تان کر سوئے ہوئے ہیں۔ انہوں نے پاکستانیوں کے قاتل ریمنڈ ڈیوس کو باعزت رہائی دی۔ صرف جماعت اسلامی اس کی پھانسی کا مطالبہ کر رہی تھی۔
حکمرانوں نے قوم کی بیٹی عافیہ صدیقی کو امریکیوں کے حوالے کیا۔ بلوچستان کے لاپتہ افراد میں اضافہ ہو رہا ہے، بلوچستان میں مظالم ختم نہیں ہو رہی ہے۔ اہل بلوچستان کے حقوق کے حصول، لاپتہ افراد کی بازیابی، کشمیر کی آزادی اور ڈاکٹر عافیہ کو واپس لانے تک ہماری جدوجہد جاری رہے گی۔ عوام ظالموں، قوم کو امریکی غلامی میں دیکر قرضوں کے پہاڑ کھڑے کرنے والوں کو مسترد کرکے جماعت اسلامی کا ساتھ دیں۔ ان حکمرانوں نے مل کر بلوچستان کے وسائل اور قومی خزانہ لوٹا۔ ان کے نام پاناما لیکس اور پنڈورا پیپرز میں آئے۔ یہ عوام کی جیبوں پر ڈاکہ ڈالتے رہے۔ آئی ایم ایف کی شرائط کو قبول کرکے غیور پاکستانیوں پر قرضوں کا بوجھ لادا۔ ان پر مہنگائی مسلط کی، گیس اور بجلی کے نرخ بڑھا کر لوگوں کے لئے جینا مشکل بنا دیا۔ کرپشن کا بازار گرم کیا، عوام بھوکے سوتے ہیں اور ان کے کارخانوں، دولت، تنخواہوں مراعات میں اضافہ ہو رہا ہے۔ بلوچستان کے عوام اور نوجوان مایوس ہیں۔ منشیات عام جبکہ قانونی تجارت و کاروبار پر پابندی ہیں۔ منشیات اسلحہ کی اسمگلنگ جاری پٹرول، ڈیزل و خوردنی اشیاء پر پابندی ہیں۔ بارڈر بند کئے گئے ہیں۔ بلوچستان کے نوجوان نشے کے عادی اور بچے سکولوں سے باہر ہیں۔ جماعت اسلامی بلوچستان کے عوام کو حقوق، ظالموں کا راستہ روک کر مظلوموں کو حقوق دلا کر کرپٹ اشرافیہ کا کڑا احتساب کرے گی۔
ذریعہ: Islam Times
کلیدی لفظ: کشمیر کی آزادی جماعت اسلامی بلوچستان کے لاپتہ افراد
پڑھیں:
فلسطین میں انسانی حقوق کی سنگین خلاف ورزیوں پر اقوام عالم کی خاموشی لمحہ فکریہ ہے، سردار عتیق
مسلم کانفرنس کے صدر نے عیدالاضحی کے موقع پر پوری قوم اور امت مسلمہ کو فلسطین اور کشمیر کے مظلوم مسلمانوں کی آزادی کیلئے خصوصی دعاؤں کا اہتمام کرنے کی تلقین کی۔ اسلام ٹائمز۔ آل جموں و کشمیر مسلم کانفرنس کے صدر و سابق وزیراعظم آزاد کشمیر سردار عتیق احمد خان نے عیدلاضحی کے موقع پر اپنے ایک پیغام میں کہا ہے کہ حج اور عید الاضحٰی کے اجتماعات سے ہمیں سبق ملتا ہے کہ ہم ایک دوسرے کے ساتھ حسن سلوک، بھائی چارے اور رواداری سے رہیں تاکہ ہمارا آپس میں بھائی چارہ اور یگانگت قائم ہو سکے۔انہوں نے عیدالاضحٰی کے موقع پر پوری امت مسلمہ کی یکجہتی اور اتحاد کے لیے نیک خواہشات کا اظہار کرتے ہوئے کہا کہ اسرائیل کی جانب سے فلسطینی عوام کے ساتھ ظلم اور زیادتیوں کے دلخراش مناظر نا پہلے کسی نے دیکھے ہیں اور نہ ہی رہتی دنیا تک اس کی کوئی مثال ملے گی۔ فلسطین میں انسانی حقوق کی سنگین خلاف ورزیوں پر اقوام عالم کی خاموشی لمحہ فکریہ ہے۔
انہوں نے کہا کہ سلامتی کونسل کی غزہ اور رفح میں جنگ بندی کے حق میں منظور قراردادوں کے باوجود صیہونی فورسز کی غزہ اور رفع میں جارحیت اقوام متحدہ کی سلامتی کونسل کی حیثیت کو چیلنج کرنے کے مترادف ہے۔ کشمیر کی وادی میں کشمیری عوام کو بھارتی فورسز کی جانب سے بدترین مظالم کا سامنا ہے۔ انہوں نے کہا کہ بھارتی فورسز کے ہاتھ وادی کشمیر کے معصوم بچوں، بھائیوں اور بہنوں کے خون سے رنگے ہوئے ہیں۔ انہوں نے مقبوضہ کشمیر میں انسانی حقوق کی سنگین خلاف ورزیوں کا ذکر کرتے ہوئے کہا کہ مقبوضہ کشمیر کے عوام کو بھارتی آئین میں حاصل جغرافیائی حیثیت کو تبدیل کر کے کشمیری عوام کو اپنی شناخت سے محروم کرنا عالمی قوانین کی سنگین خلاف ورزی ہے۔ انہوں نے کہا کہ ہم سب اللہ تعالیٰ کے حضور دعاگو ہیں کہ فلسطینی اور کشمیری عوام کو ان کی آزادی کا حق ملے تاکہ وہ ایک آزاد، خود مختار اور زندہ قوموں کی طرح ترقی اور خوشحالی کی دوڑ میں آگے بڑھ سکیں۔
انہوں نے عید الاضحی کے موقع پر پوری قوم اور امت مسلمہ کو فلسطین اور کشمیر کے مظلوم مسلمانوں کی آزادی کیلئے خصوصی دعاؤں کا اہتمام کرنے کی تلقین کی۔ عید الاضحٰی ہمیں حضرت ابراہیم علیہ السلام کی دین اسلام کی خاطر دی گئی عظیم قربانی کی یاد دلاتی ہے۔ انہوں نے عید الاضحٰی کی خوشیوں میں غرباء اور مساکین کو برابر کا شریک کرنے کی ضرورت پر زور دیا۔ انہوں نے اس امید کا اظہار کیا کہ وہ دن دور نہیں جب فلسطین اور کشمیر میں آزادی کا سورج طلوع ہو گا اور کشمیری اور فلسطینی عوام آزادی کے ساتھ اپنی زندگیاں گزاریں گے۔ ملک کو ترقی کی راہ پر گامزن کرنے کے لیے حضرت ابراہیم علیہ السلام جیسا جذبہ ایثار پیدا کرنے کی ضرورت ہے۔ انہوں نے کہا کہ عید الاضحٰی ہمیں اس بات کا درس دیتی ہے کہ دین اسلام اور اپنے ملک کی خاطر کسی بھی قربانی سے دریغ نہیں کرنا چاہیے۔
بلوچستان کے لوگوں کے گلے شکوے مل بیٹھ کر دور کئے جاسکتے ہیں، وزیر اعظم