دو طرفہ تجارت کو فروغ دینے کے خواہش مند ہیں ، محبوب عالم
اشاعت کی تاریخ: 8th, February 2025 GMT
بنگلہ دیش کے ڈپٹی ہائی کمشنر محبوب عالم سے پاکستان کیمیکلز ایسوسی ایشن کے چیئرمین سلیم ولی محمد، وائس چیئرمین شارق فیروزسے ملاقات کے موقع پرگروپ فوٹو
کراچی(کامرس رپورٹر)بنگلہ دیش کے ڈپٹی ہائی کمشنر محبوب عالم نے پاکستان کے ساتھ دوطرفہ تجارت کو فروغ دینے کی خواہش کا اظہار کرتے ہوئے پاکستانی تاجروں پر زوردیا ہے کہ وہ بنگلہ دیش میں دستیاب کاروباری مواقعوں سے فائدہ اٹھائیں اور مشترکہ شراکت داری اور صنعتی خام مال کی درآمد اور مصنوعات کی برآمدات کے حوالے سے بنگلہ دیش کی مارکیٹوں کاجائزہ لیں، اس حوالے سے ہم پاکستانی تاجروں کو ہر ممکن سہولیات فراہم کریں گے۔ یہ بات انہوں نے پاکستان کیمیکلز اینڈ ڈائز مرچنٹس ایسوسی ایشن(پی سی ڈی ایم اے) کے چیئرمین سلیم ولی محمد کی سربراہی میں تجارتی وفد سے بنگلہ دیشی ہائی کمیشن میں ملاقات کے موقع پر تبادلہ خیال کرتے ہوئے کہی۔ وفد میں پی سی ڈی ایم اے کے وائس چیئرمین شارق فیروز،چیف ایڈوائزر عارف بالاگام والا،ڈپلومیٹک کنوینرشیراز چغتائی،سابق چیئرمین محمود سلام اور احمد جہانگیر شامل تھے۔بنگلہ دیش کے ڈپٹی ہائی کمشنر نے چیئر مین پی سی ڈی ایم اے سلیم ولی محمد کو تجارتی وفد کے ہمراہ بنگلہ دیش کا دورہ کرنے کی دعوت دیتے ہوئے کہاکہ باہمی تجارت کو فروغ دینے کے لیے دونوں ملکوں کے تاجروں کو ایک دوسرے کے ساتھ رابطے استوار کرنے اور ایک دوسرے کے ملکوں کا دورہ کرکے تجارت کی نئی راہیں تلاش کرنا چاہیے۔ انہوں نے سلیم ولی محمد کی جانب سے ویزہ سے متعلق سوال کے جواب میں یقین دہانی کرائی کہ پاکستان کیمیکلز اینڈ ڈائز مرچنٹس ایسوسی ایشن کی سفارش پر تاجروں کو ویزہ جاری کیا جائے نیز پی سی ڈی ایم اے کا تجارتی وفد جب بھی بنگلہ دیش کا دورہ کرنا چاہے، ڈپٹی ہائی کمیشن ہر ممکن سہولیات فراہم کرے گا اور بنگلہ دیشی تاجروں کے ساتھ بزنس ٹو بزنس میٹنگز کا بھی اہتمام کرے گا۔چیئرمین پی سی ڈی ایم اے سلیم ولی محمد نے بنگلہ دیش کے ڈپٹی ہائی کمیشن کی جانب سے پی سی ڈی ایم اے کے وفد کو مدعو کرنے پر شکریہ ادا کرتے ہوئے پاکستان کے ساتھ دوطرفہ تجارت کو بڑھانے کے حوالے سے ڈپٹی ہائی کمشنر کے جذبات کو سراہا اور پاکستانی بزنس کمیونٹی کی جانب سے بھی باہمی تجارت کو فروغ دینے میں بھرپور کردار ادا کرنے کی یقین دہانی کرائی۔ انہوں نے بنگلہ دیش کے ساتھ تجارت خاص طور پر ویزہ سے متعلق اہم امور پر تبادلہ خیال کرتے ہوئے پاکستانی تاجروں کو جلد ویزہ کے اجراء اور تجارتی وفود کے تبادلے کی ضرورت پر زور دیا۔ سلیم ولی محمد نے ڈپٹی ہائی کمشنر سے درخواست کی کہ وہ پی سی ڈی ایم اے کا وفد بنگلہ دیش لے کر جائیں اور وہاں ڈھاکہ چیمبر آف کامرس، ڈھاکہ فیڈریشن آف بنگلہ دیش سمیت دیگر ٹریڈ ایسوسی ایشنز کے ساتھ تعارف کرائیں تاکہ دونوں ملکوں کے تاجروں کے ایک دوسرے کے قریب آسکیں اور باہمی تجارت کو فروغ حاصل ہوسکے جس کے دونوں ملکوں کی معیشتوں کا خاطر خواہ فوائد حاصل ہوں گے۔
.ذریعہ: Jasarat News
کلیدی لفظ: تجارت کو فروغ دینے ڈپٹی ہائی کمشنر پی سی ڈی ایم اے سلیم ولی محمد کرتے ہوئے تاجروں کو کے ساتھ
پڑھیں:
اداکارہ مرینہ خان نے اپنی آخری خواہش بتا دی؛ مداح حیران رہ گئے
اپنی بے ساختہ اداکاری سے برسوں تک مداحوں کے دل پر راج کرنے والی مرینہ خان نے اپنی آخری خواہش کا اظہار کرکے سب کو حیران کردیا۔
حال ہی میں ایک انٹرویو میں میزبان نے سوال کیا کہ مرنے سے پہلے آپ کون سی چیز آزمانا چاہیں گی جو آپ نے پہلے کبھی نہ کیا ہو؟
جس کے جواب میں اداکارہ مرینہ خان نے برجستہ پوچھا کہ کیا میں سچ بتادوں ؟ آپ اُسے کاٹ تو نہیں دیں گے، کیوں کہ زرا عجیب سی بات ہے۔
جب میزبان نے یقین دلایا کہ ان کا جواب من و عن ایسا ہی جائے گا جیسا آپ کہیں گی۔ جس پر مرینہ خان نے ہنستے ہوئے کہا کہ وہ زندگی میں ایک بار ڈرگز آزمانا چاہتی ہیں۔
مرینہ خان نے وضاحت کرتے ہوئے کہا کہ وہ صرف یہ جاننا چاہتی ہیں کہ لوگ نشے کے پیچھے اتنے دیوانے کیوں ہوتے ہیں۔ اس میں ایسی کیا کشش ہے جو انھیں اپنی گرفت میں لے لیتی ہے۔
اداکارہ نے یہ بھی کہا کہ انھیں کسی نے بھنگ پینے کا مشورہ بھی دیا تھا کہ لیکن میں نے خوف کی وجہ سے کبھی ٹرائی نہیں کیا، البتہ قریبی دوست احباب ہوں تو آزمایا جا سکتا ہے۔
TagsShowbiz News Urdu
پی ٹی آئی بھی مخصوص نشستوں کی تقسیم کیخلاف پشاور ہائیکورٹ پہنچ گئی