آئین منظوری کی خبر نوائے وقت کا تاریخ سارشمارہ پارلیمنٹ پر یس گیلری میں آویزاں
اشاعت کی تاریخ: 18th, February 2025 GMT
اسلام آباد (نمائندہ خصوصی) اپریل 1973ء میں ملک کی دستور ساز اسمبلی کی طرف سے آئین پاکستان کی منظوری کی خبر کے حامل روزنامہ نوائے وقت کے تاریخ ساز شمار ے کو پارلیمنٹ ہاؤس کی پریس گیلری میں پورٹریٹ کی صورت میں آویزاں کر دیا گیا۔ پیر کو یہ پورٹریٹ پریس گیلری کی زینت بنا دی گئی،، پاکستان کی دستور ساز اسمبلی نے 10 اپریل 1973ء کو آئین پاکستان کی منظوری دی تھی اور صدر مملکت ذوالفقار علی بھٹو نے 12 اپریل کو اس کی توثیق کی اور آئین پاکستان کو 14 اگست 1973ء کو نافذ کیا گیا تھا، دستور ساز اسمبلی سے آئین پاکستان کی منظوری کی خبر نوائے وقت میں لیڈ سٹوری کے طور پر شائع ہوئی تھی۔ نوائے وقت نے اپنے اداریہ میں آئین پاکستان کی منظوری کی ستائش کی تھی ، 1973ء کے آئین کی گولڈن جوبلی کے موقع پر پارلیمنٹ میں تقاریب کو منایا گیا تھا اور یہ فیصلہ کیا گیا تھا کہ پریس گیلری میں آئین پاکستان کی منظوری کی خبر کے حامل اخبارات کو پورٹرریٹ میں آویزاں کیا جائے گا، روزنامہ نوائے وقت کا شمارہ بھی پیر کو پارلیمنٹ کی پریس گیلری کی دیوار پر آویزاں کر دیا گیا۔ پارلیمانی رپورٹرز ایسوسی یشن کے صدر عثمان خان اور سیکرٹری نوید اکبر نوائے وقت کے رپورٹرز عترت جعفری اور رانا فرحان اسلم نے نوائے وقت کے پورٹریٹ کو پریس گیلری میں آویزاں کر دیا۔
.ذریعہ: Nawaiwaqt
کلیدی لفظ: ئین پاکستان کی منظوری کی خبر ا ئین پاکستان میں ا ویزاں پریس گیلری نوائے وقت گیلری میں کی منظوری
پڑھیں:
امام صحافت مجید نظامی کی برسی منائی گئی، دعائیہ تقریبات
لاہور‘ اسلام آباد‘ملتان ‘کراچی(نیوز رپورٹر + میگزین رپورٹ+سپیشل رپورٹر+سٹاف رپورٹر) آبروئے صحافت، معمار نوائے وقت مجید نظامی کی برسی گزشتہ روز نوائے وقت ہیڈ آفس لاہور سمیت کراچی، اسلام آباد، راولپنڈی، ملتان اور کوئٹہ سمیت دیگر دفاتر میں نہایت عقیدت سے منائی گئی۔ جہاں ان کی روح کے ایصال ثواب کیلئے دعائیہ تقریب منعقد کی گئیں۔ لاہور میں قائم میانی صاحب قبرستان میں مجید نظامی کی قبر پر چیف آپریٹنگ آفیسر نوائے وقت گروپ لیفٹینینٹ کرنل ریٹائرڈ سید احمد ندیم قادری نے حاضری دی اور پھولوں کی چادر اور گلدستہ رکھا۔ اس موقع پر امام مسجد الریحان قاری سید امام شاہ نے خصوصی دعا کروائی جبکہ ایڈیٹوریل انچارج سعید آسی، ڈائریکٹر مارکیٹنگ بلال محمود، ایڈیٹر فیملی میگزین و سنڈے میگزین خالد بہزاد ہاشمی، ایڈمن مینجر چودھری شفیق سلطان، ہیڈ آف آئی ٹی قیصر ندیم، چیف رپورٹر ندیم بسرا، فیصل بٹ، خاور سندھو، عامر ادریس، صغیر امجد سمیت دیگر بھی موجود تھے۔ دریں اثناء نوائے وقت ہیڈ آفس (لاہور) میں قائم مسجد میں قرآن خوانی اور دعائیں کروائی گئیں، جہاں ورکرز نے بھرپور شرکت کی جبکہ چیف ایڈیٹر ارض وسماء رفیق شہزاد، سینئر ایڈیٹر ڈاکٹر احسان ظفر نے بھی عائیہ تقریب میں شرکت کی۔ ان کی برسی پر ملک بھر میں مجید نظامی سے عقیدت رکھنے والے افراد نے انکے درجات کی بلندی کے لئے دعائیں کیں۔ آبروئے صحافت، معمار نوائے وقت مجید نظامی 26 جولائی 2014ء کو اپنے خالق حقیقی سے جا ملے تھے۔ انہوں نے ہمیشہ قائد اعظم اور علامہ اقبال کے افکار کو آگے بڑھایا اور نوجوان نسل کو دو قومی نظریہ کی اہمیت سے آگاہ کیا اور پوری زندگی نظریہ پاکستان کے تحفظ کے لئے گزاری۔ اس وجہ سے میدان صحافت میں ان کی جرات مندی کی مثالیں دی جاتی ہیں۔ اس کی جھلک نوائے وقت میں ہمیشہ نظر آتی ہے۔ مجید نظامی کے وصال کے بعد ایم ڈی نوائے وقت گروپ رمیزہ مجید نظامی ادارہ نوائے وقت کو مجید نظامی کے افکار اور خیالات کے عین مطابق اور اصولوں کے مطابق ہی چلا رہی ہیں، یہی وجہ ہے کہ معمار نوائے وقت مجید نظامی کی پالیسیوں کا تسلسل آج بھی نوائے وقت کے اداریہ، خبروں، فیچرز اور مضامین میں جھلکتا ہے اورآج بھی نوائے وقت کو اپنے معاصر اخبارات میں ایک ممتاز حیثیت حاصل ہے۔ علاوہ ازیں برسی پر نوائے وقت ہاؤس اسلام آباد کی مسجد میں قرآن خوانی اور دعائیہ نشست کا اہتمام ہوا جس میں ریذیڈنٹ ایڈیٹر عزیز علوی، سینئر سب ایڈیٹر محمد ریاض اختر، ضمیر حیدر انچارج شعبہ لے آؤٹ (کمپیوٹر ) حاجی محمد شیرازنقیبی، انچارج نمائندگان اظہر لطیف، شعبہ مارکیٹنگ کے خالد شیخ، اکائونٹنٹ امان اللہ گورایہ، سرکولیشن منیجر راجہ حنیف، صغیر عباسی، فصیح اللہ، اسد شاہ اور اویس عباسی سمیت سٹاف ممبران نے شرکت کی۔ دعا بانی چیئرمین فیض رضا پاکستان'مہتمم اعلیٰ مدرسہ اسلامیہ نقشبندیہ الحیات، مسجد فیض الحرمین قاری محمد حاکم دین نقشبندی نے کرائی۔ ملتان سے سپیشل رپورٹر کے مطابق ملتان میں بھی مجید نظامی کی برسی عقیدت و احترام کے ساتھ منائی گئی۔ اس موقع پر روزنامہ نوائے وقت میں قرآن خوانی کا اہتمام کیا گیا۔ نماز کے بعد اجتماعی دعائے خیر کی گئی۔ دعا میں ملکی سلامتی ملکی ترقی و خوشحالی کی خصوصی دعائیں بھی کی گئیں جبکہ جناب مجید نظامی کی روح کے ایصال ثواب کے لئے خصوصی دعائے خیر بھی کی گئی۔ انچارج نمائندگان سید راشد علی فرخ نے کہا کہ جناب مجید نظامی نے جو پودا لگایا تھا آج وہ تناور درخت بن کے پورے ملک میں دو قومی نظریے کے فروخت میں مصروف ہے۔ چیف رپورٹر روزنامہ نوائے وقت محمد نوید انجم شاہ نے کہا کہ پاکستان کے ایٹمی طاقت بننے میں مجید نظامی کا اصل کردار رہا۔ تقریب میں سینیئر نیوز ایڈیٹر شہباز اکمل، ملک لطیف میتلا، عابد بشیر، سینیئر رپورٹر ظفر علی لون، عمران خان، سرکولیشن انچارج علی عباس، ظفر حسین اور دیگر بھی موجود تھے۔ اجتماعی دعا حافظ انوار نے کرائی۔نوائے وقت کراچی دفتر میں اس سلسلہ میں قرآن خوانی اور دعائیہ اجتماع ہوا، جس میں نوائے وقت کے بانی حمید نظامی اور معمار نوائے وقت ڈاکٹر مجید نظامی کو ایصال ثواب پیش کرتے ہوئے ایڈیٹرز رمیزہ مجید نظامی کی صحت و عافیت کے ساتھ طویل عمری اور ادارہ نوائے وقت کی ترقی و استحکام کی خصوصی دعائیں بھی کی گئیں۔
را بلوچستان میں دہشت گردی کیسے کرواتی ہے؟ اہم انکشافات