غلطیوں سے سیکھ کر چیمپئنز ٹرافی میں بہترین کھیل پیش کریں گے: محمد رضوان
اشاعت کی تاریخ: 18th, February 2025 GMT
کراچی: قومی کرکٹ ٹیم کے کپتان محمد رضوان نے کہا ہے کہ ہم اپنی پچھلی غلطیوں سے سیکھ کر چیمپئنز ٹرافی میں بہترین کھیل پیش کریں گے۔
نیشنل سٹیڈیم کراچی میں پریس کانفرنس کرتے ہوئے محمد رضوان نے کہا کہ ٹرائی سیریز کے فائنل میں نیوزی لینڈ کے خلاف پہلے بیٹنگ کا فیصلہ اس لیے کیا تاکہ ہمیں اپنی غلطیوں کا اندازہ ہو سکے اور ہم یہ جان سکیں کہ ہم کہاں کھڑے ہیں۔ انہوں نے کہا کہ ہم نے پچھلے میچز سے بہت کچھ سیکھا ہے اور اب کوشش کریں گے کہ وہ غلطیاں دوبارہ نہ ہوں۔
کپتان کا کہنا تھا کہ ہماری پرفارمنس میں ابھی بہتری کی گنجائش ہے۔ ہمیں محنت، تکنیک اور بہادری کے ساتھ کھیلنا ہوگا تاکہ ہم ان چھوٹی چھوٹی کمیوں کو دور کر سکیں جو میچز کے آخری لمحات میں ہمارے لیے مشکل بن جاتی ہیں۔ محمد رضوان نے کہا کہ ہم سے میچز ایک یا دو فیصد کے فرق سے ہارے ہیں، اور ہم ان کمیوں کو دور کرنے کے لیے پوری کوشش کر رہے ہیں۔
انہوں نے مزید کہا کہ ہم چیمپئنز ٹرافی میں کچھ مختلف کرنے کی بجائے، میچ کے آخری لمحات میں میچ ہاتھ سے نہ نکل جائے، اس پر توجہ مرکوز کر رہے ہیں۔ ٹیم جیت کے لیے پُرعزم ہے اور ہم چیمپئنز ٹرافی میں بہترین پرفارمنس دینے کی کوشش کریں گے۔ بحیثیت کپتان، میری خوشی اس وقت ہوتی ہے جب ٹیم کی محنت اور پرفارمنس سے کامیابی ملے۔
محمد رضوان کا کہنا تھا کہ سینئر کھلاڑی ہونے کے ناطے ہم پر ذمہ داری آتی ہے، اور ہمیں اپنی پرفارمنس سے ٹیم کو رہنمائی فراہم کرنی چاہیے۔ انہوں نے کہا کہ حارث رؤف فٹ ہیں اور پریکٹس سیشن میں باؤلنگ کر رہے ہیں۔ اوپننگ کے لیے ٹیم میں مختلف آپشنز موجود ہیں، تاہم بابر اعظم جیسے ٹیکنیکل کھلاڑی ہی اوپننگ کریں گے۔ کپتان نے کہا کہ ہم سب کی خواہش ہے کہ ہم چیمپئنز ٹرافی کا ٹائٹل جیتیں اور اس کے لیے ہم جو بھی کر سکتے ہیں، وہ کرنے کی کوشش کر رہے ہیں۔
محمد رضوان نے اس بات پر بھی زور دیا کہ آئی سی سی ایونٹ ایک قومی جشن ہونا چاہیے اور اس بات پر خوشی کا اظہار کیا کہ سٹیڈیمز ریکارڈ مدت میں مکمل ہو گئے ہیں۔ انہوں نے کہا کہ پاکستان نے چیمپئنز ٹرافی پہلے بھی جیتی ہے اور اس بار بھی ٹائٹل کا دفاع کرنے کی بھرپور کوشش کریں گے۔ مزید یہ کہ پاکستان نے ٹیسٹ کرکٹ میں بھی نمبر ون پوزیشن حاصل کی ہے اور ماضی میں بڑی کامیابیاں حاصل کی ہیں۔
.
ذریعہ
ذریعہ: Nai Baat
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع