بھارت میں برفانی تودہ گرنے سے ہلاکتوں کی تعداد 8 ہو گئی، ریسکیو آپریشن ختم
اشاعت کی تاریخ: 2nd, March 2025 GMT
بھارتی ریاست اتر اکھنڈ کے دور افتادہ گاؤں میں برفانی تودہ گرنے کے بعد شروع کیا جانے والا آپریشن آٹھویں اور آخری لاش ڈھونڈ نکلانے کے ساتھ ہی ختم ہوگیا۔
ہمالیائی ریاست اتراکھنڈ میں تبت کی سرحد پر منا گاؤں کے قریب جمعہ کو برفانی تودہ گرنے سے 54 سے زائد مزدور برف اور ملبے تلے دب گئے تھے۔
یہ بھی پڑھیں:خیبر پختونخوا: دیر میں گھر پر مٹی کا تودہ گرنے سے 12 افراد جاں بحق
امدادی ٹیمیں برف اور ملبے تلے دبنے والوں میں سے متعدد کارکنوں کو بچانے میں کامیاب ہو گئی تھیں، تاہم بعد میں بچ جانے والے مزدوروں میں سے 4 زخموں کی تاب نہ لاتے ہوئے دم توڑ گئے تھے۔
مزدورں کی تلاش کے لیے ڈرون پر سسٹم استعمال کیا۔ متعدد ڈرونز کے علاوہ ایک ریسکیو ڈاگ بھی اس آپریشن میں شامل تھا۔
اسپتال میں زیر علاج ایک مزدور انیل کے مطابق یہ ایسا تھا جیسے غیب سے کوئی بچانے آگیا ہو۔ اس کا کہنا تھا کہ جس طرح ہم برف میں دبے ہوئے تھے، ہمیں زندہ رہنے کی کوئی امید نہیں تھی۔ مگر اب زندہ رہنا ایک خواب کی طرح محسوس ہو رہا ہے۔
واضح رہے کہ اتراکھنڈ میں برفبانی تودہ جمعے کر روز صبح اس وقت مزدورں پر آن گرا تھا جب وہ سوئے ہوئے تھے۔
یاد رہے کہ ہمالیہ کے بالائی علاقوں میں، خاص طور پر سردیوں کے موسم میں برفانی تودے اور لینڈ سلائیڈنگ عام ہیں۔
یہ بھی پڑھیں:ناران میں برفانی تودہ گرنے سے 20 ہوٹل متاثر، امدادی سرگرمیوں میں دشواری
سائنسدانوں کا کہنا ہے کہ موسمیاتی تبدیلی موسمی واقعات کو مزید سنگین بنا رہی ہے، جب کہ ہمالیہ کے نازک خطوں میں ترقی کی بڑھتی ہوئی رفتار نے جنگلات کی کٹائی اور تعمیرات سے ہونے والے نقصان کے خدشات کو بھی بڑھا دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتراکھنڈ برفانی تودہ لینڈسلائیڈنگ موسمیاتی تبدیلی ہمالیہ.ذریعہ: WE News
کلیدی لفظ: اتراکھنڈ برفانی تودہ لینڈسلائیڈنگ موسمیاتی تبدیلی ہمالیہ برفانی تودہ گرنے تودہ گرنے سے میں برفانی
پڑھیں:
گجرات :دسیلابی ریلے میں پھنسے 23 افراد کو بچالیا گیا
ویب ڈیسک :گجرات کے نواحی علاقے میں آنے والے شدید سیلابی ریلے میں پھنسے 23 افراد کو ریسکیو 1122 کے عملے نے بروقت کارروائی کرتے ہوئے بحفاظت نکال لیا، جس پر وزیراعلیٰ پنجاب مریم نواز نے ریسکیو ٹیم کو سراہا۔
سیلابی ریلے میں گھرے افراد کے بارے میں ریسکیو 1122 فوری رسپانس دیتے ہوئے ٹیم موقع پر موٹر بوٹ لیکر پہنچ گئی۔ ریسکیو 1122 ٹیم نے میلوں دور سیلابی ریلے میں گھرے افراد کو بحفاظت نکال کر محفوظ مقام پر منتقل کردیا۔
میٹرک امتحان میں فیل ہونے پر طالبعلم نے بڑا قدم اٹھالیا
محسن نقوی کی یو اے ای کے نائب وزیراعظم سے ملاقات، مختلف امور پر گفتگو