کیا کرپٹو کرنسی کی وجہ سے زرمبادلہ میں کمی ہوسکتی ہے؟
اشاعت کی تاریخ: 3rd, March 2025 GMT
حکومت پاکستان ملک میں کرپٹو کونسل قائم کرنے کے حوالے سے سوچ رہی ہے تاکہ کرپٹو کرنسیوں کے کاروبار کو ریگولیٹ کیا جا سکے، کیونکہ اس وقت بھی پاکستانیوں کی ایک بڑی تعداد غیرقانونی طور پر کرپٹو میں انویسٹ کررہی ہے۔
واضح رہے کہ کچھ ماہرین کا بھی کہنا ہے کہ پاکستان کو بھی دیگر چند ممالک کی طرح کرپٹو کرنسیوں کو اپنانا چاہیے، کیونکہ اگر کرپٹو کرنسی کو نہ اپنایا گیا تو پاکستان اس میدان میں بھی دنیا سے بہت پیچھے رہ جائے گا۔
یہ بھی پڑھیں وزیر خزانہ کی ایف اے ٹی ایف گائیڈ لائنز کے مطابق ڈیجیٹل اثاثوں کے ضابطہ کار کو یقینی بنانے کی ہدایت
یاد رہے کہ پاکستانیوں کی کرپٹو کرنسیوں میں دلچسپی بڑھتی جارہی ہے، اور اس کا اندازہ دسمبر 2021 میں فیڈریشن آف پاکستان چیمبر آف کامرس اینڈ انڈسٹری کی رپورٹ سے لگایا جا سکتا ہے، جس میں کہا گیا ہے کہ پاکستان نے 2021 میں تقریباً 20 بلین ڈالر کی کرپٹو کرنسی کی قدر ریکارڈ کی جو کہ ملک کے موجودہ وفاقی ذخائر سے زیادہ ہے۔
پاکستان 21-2020 کے دوران کرپٹو کرنسی اپنانے کے انڈیکس میں ہندوستان اور ویتنام کے بعد تیسرے نمبر پر ہے۔ دنیا بھر میں کرپٹو کرنسیوں کا رجحان تیزی سے زور پکڑ رہا ہے اور حالیہ برسوں میں کرپٹو کرنسیوں کے حوالے سے عوام میں مزید آگاہی پیدا ہوئی ہے۔ جس سے اس بات کا اندازہ بخوبی لگایا جا سکتا یے کہ اب پاکستانیوں نے کرپٹو کرنسیوں میں کتنا انویسٹ کیا ہوگا۔
اس بات میں کوئی دورائے نظر نہیں آتی کہ آنے والا دور ڈیجیٹل کرنسی کا ہی ہے اور خاص طور پر کرپٹو کرنسیوں نے پوری دنیا میں دھوم مچا رکھی ہے۔ لیکن اہم سوال یہ ہے کہ کیا کرپٹو کرنسی کی وجہ سے واقعی زرمبادلہ میں کمی ہو سکتی ہے؟
’میرے خیال میں زرمبادلہ کے ذخائر میں اضافہ ہوگا‘اس حوالے سے بات کرتے ہوئے کرنسی ایکسچینج ایسوسی ایشن آف پاکستان کے جنرل سیکریٹری ظفر پراچہ کا کہنا تھا کہ ابھی یہ کہنا قبل از وقت ہوگا کہ کرپٹو کرنسیوں کی ریگولیشن سے ملک میں زرمبادلہ کے ذخائر میں کمی ہوگی، بلکہ میرے خیال میں تو زرمبادلہ کے ذخائر میں اضافہ ہوگا۔
انہوں نے کہاکہ ابھی تک پاکستان سے باہر ہی بٹ کوائن خریدے جاتے ہیں، اور وہ پاکستان سے باہر ہی رہتے ہیں، جبکہ اس کے علاوہ بھی ایکسچینج کمپنیاں موجود ہیں، جو عام عوام کو سالانہ 4 بلین ڈالر کی سہولت مہیا کررہی ہیں اور انٹر بینک کو 6 بلین ڈالر دے رہی ہیں، جس کی وجہ سے ملکی خزانے پر اس کا بوجھ نہیں بڑھے گا۔
ان کا کہنا تھا کہ جب لوگ کرپٹو میں پاکستان سے لین دین کریں گے تو اس سے پاکستانی کی معیشت کو بہت زیادہ فائدہ ہوگا لہٰذا پاکستان کو جتنا جلدی ہو سکے کرپٹو کرنسیوں کو قبول کر لینا چاہیے اور دنیا کے ساتھ چلنا چاہیے۔
’ایک اندازے کے مطابق 2 کروڑ پاکستانی کرپٹو کرنسیوں میں نہ صرف دلچسپی رکھتے ہیں بلکہ انوسٹمنٹ بھی کررکھی ہے، قریباً پاکستانیوں کی 20 ارب ڈالرز کی انویسٹمنٹ ہے۔‘
ان کا مزید کہنا تھا کہ لیکن حکومت کو اس کے مثبت اور منفی پہلوؤں کو مدنظر رکھتے ہوئے اس کی ریگولیشن کی جانب جانا چاہیے، کیونکہ یہ خطرناک کاروبار بھی ہے، کب کیا ہو جائے، اس کے حوالے سے کچھ اندازہ لگانا مشکل ہوتا ہے، اور دوسرا اس میں فراڈ جیسے پہلو بھی بہت عام ہوتے ہیں، بلکہ حکومت کو چاہیے کہ کونسل بنانے کے بجائے اسے مکمل طور پر اسٹیٹ بینک کے انڈر کردے۔
انہوں نے کہاکہ اسٹیٹ بینک کے پاس قابلیت بھی ہے، حکومتی سطح پر سکیورٹی کونسل بنانے سے اس میں سیاست سے منسلک بھی بہت لوگ آجائیں گے، جس کی وجہ سے اس میں مزید پیچیدگیاں پیدا ہوں گی۔
ایک سوال کے جواب میں انہوں نے کہاکہ کرپٹو کو ریگولرائزڈ کرنا اس لیے بھی ضروری ہے کیونکہ لوگ ملک میں اسے غیرقانونی طور پر اب بھی خرید رہے ہیں، جس کے باعث اسلحے کی خریداری، انسانی اسمگلنگ اور منی لانڈرنگ جیسے جرائم جنم لے رہے ہیں۔ اس لیے جب اسے قانونی قرار دے دیا گیا تو ان تمام غیرقانونی سرگرمیوں میں بھی کمی آئے گی، کیونکہ جب چیک اینڈ بیلنس ہوگا تو اس کے حوالے سے قوانین بھی ہوں گے، تو یہ تمام جرائم بھی کم ہوں گے۔
’اگر قوانین کا مؤثر نفاذ نہیں ہوتا تو زرمبادلہ ذخائر میں کمی کا خطرہ موجود رہے گا‘کرپٹو ایکسپرٹ ہارون بیگ کا کہنا تھا کہ یہ بات درست ہے کہ کرپٹو کرنسیاں ڈالرز میں خریدی جا سکتی ہیں اور جیسا کہ حکومت کرپٹو کونسل بنا رہی ہے، اگر کرپٹو کر ریگولرائز کردیا جاتا ہے تو لوگ بینکوں کے ذریعے اگر کرپٹو خریدتے ہیں تو بینک کو کرپٹو ایکسچینجز کو ڈالر میں ادائیگیاں کرنا پڑیں گی، اس لیے اگر قوانین کا مؤثر نفاذ نہیں ہوتا تو زرمبادلہ کے انخلا کا خطرہ یقینی طور پر پیدا ہوگا۔
انہوں نے کہاکہ ترقی یافتہ ممالک میں ایسے خطرات کم ہوتے ہیں، چونکہ پاکستان ایک ترقی پذیر ملک ہے تو پاکستان جیسے ممالک میں زرمبادلہ کے انخلا کا خطرہ بڑھ سکتا ہے، خاص طور پر اگر حکومت اس شعبے پر ہر پہلو سے چیک اینڈ بیلنس رکھنے میں ناکام ہوگئی۔
’حکومت اگر کرپٹو سیکٹر کو باقاعدہ طور پر قبول کرلے تو کرپٹو ایکسچینجز جب اپنے دفاتر پاکستان میں کھولیں گے تو اس صورت میں وہ حکومت کو مالی معلومات فراہم کرنے کے پابند ہوں گے، اس طرح نہ صرف ٹیکسیشن اور چیک اینڈ بیلنس کا نظام بہتر ہوگا بلکہ یہ سرمایہ کاری کو بھی فروغ دے سکتا ہے، لیکن اس کا انحصار مکمل طور پر اس بات پر ہے کہ حکومت کس طرح اس معاملے کو سنبھالتی ہے۔‘
’زرمبادلہ ذخائر میں کمی واقع ہوسکتی ہے‘معاشی ماہر راجہ کامران کا کہنا تھا کہ کرپٹو کرنسی میں جو ٹریڈ کررہے ہوتے ہیں، وہ زیادہ تر بائنانس میں اپنے بٹ کوائنز وغیرہ رکھتے ہیں، اور کرپٹو کرنسی میں جتنا بھی لین دین ہوتا ہے وہ ڈالرز میں ہوتا ہے۔ اگر کوئی بھی کرپٹو میں ٹریڈ کرنا چاہتا ہے تو اس کے لیے اس شخص کو ڈالرز کی ضرورت ہوتی ہے، وہ ڈالرز یا تو اوپن مارکیٹ سے خریدے جا سکتے ہیں، یا کہیں سے بھی خریدیں گئے ہوں تو وہ ڈالرز ملکی خزانے سے ہی جائیں گے، یعنی پاکستان سے ہی باہر جائیں گے۔
یہ بھی پڑھیں پاکستان میں کرپٹو کرنسی کا کیا مستقبل ہے؟
انہوں نے کہاکہ جب زرمبادلہ باہر جاتا ہے تو ملک کو نقصان ہوتا ہے، تو یہ کہا جا سکتا ہے کہ اس سے زرمبادلہ کے ذخائر میں کمی ہوسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بٹ کوائن پاکستانی حکومت پاکستان زرمبادلہ ذخائر سرمایہ کاری کرپٹو کرنسی کرپٹو کونسل وی نیوز.ذریعہ: WE News
کلیدی لفظ: بٹ کوائن پاکستانی حکومت پاکستان زرمبادلہ ذخائر سرمایہ کاری کرپٹو کرنسی کرپٹو کونسل وی نیوز زرمبادلہ کے ذخائر میں انہوں نے کہاکہ کا کہنا تھا کہ کے حوالے سے کہ پاکستان پاکستان سے میں کرپٹو کی وجہ سے کرپٹو کو ہوتا ہے سکتا ہے
پڑھیں:
جہادِ افغانستان کے اثرات
مجھے اچھی طرح یاد ہے کہ 1988 کے جنیوا معاہدے کے تحت جب 15 فروری 1989 کو روسی فوجیں گورباچوف کے پراسترائیکا اورگلاسنوسٹ فلسفے کے تحت افغانستان کو چھوڑکر واپس چلی گئیں تو جنرل ضیاء کی موت کے بعد، افغان جہاد امریکا نے پاکستان کی مدد سے جاری رکھا۔
بعد ازاں پیپلزپارٹی حکومت کے وزیر داخلہ جنرل نصیر اللہ بابر نے پاکستان ہی میں طالبان کی تشکیل کا اعلان کیا اور وزیراعظم بے نظیر بھٹو نے طالبان کی تشکیل کو درست عمل قرار دیا، اس عمل کے دوران امریکا اور نیٹو کی فوجی قیادت کا خیال تھا کہ پاکستان کی مدد و تعاون سے روس کے افغانستان سے انخلا کے بعد روس کی افواج کی جگہ طالبان کی گوریلا فوج امریکی ایما پر افغانستان میں امریکی من مرضی کے تحت پالیسیوں پر عمل کرے گی۔
یاد رہے کہ امریکی ڈالرزکی خطیر رقم اور فلاحی پلاٹ دینے کی پالیسیوں کے تحت بعض مدارس طالبان کی تربیت کے لیے قائم کیے گئے جہاں طلبہ کو جہادی لٹریچر پڑھایا گیا بلکہ یہی جہادی لٹریچر عسکری تربیت کے لیے بھی لازم قرار دیا گیا، تاکہ طالبان جہادیوں کی حمایت جاری رہے اور امریکی ڈالرز آنے کا سلسلہ کسی طور نہ رک سکے۔
افغانستان سے روس کے انخلا کو جہاد افغانستان کی فتح قرار دیا گیا تھا، جب کہ یہ نہ جہاد افغان کی فتح تھی اور نہ ہی روس کی پسپائی تھی، بلکہ یہ وہ جال تھا کہ جس جال سے روس نے نکل کر امریکا سمیت تمام افغان جہادیوں کو افغانوں سے نمٹنے کا ایک چیلنج دیا تھا، یہ اُس وقت کے روس کی وہ سیاسی یا فوجی حکمت عملی تھی جو بظاہر شکست نظر آرہی تھی مگر دوسرے لمحے ہی روسی فوج کا انخلا روس کا وہ دور رس قدم تھا جو کہ مستقبل میں امریکی سازش اور ان کے حمایتی افغان جہادیوں کے لیے ایک ایسا امتحان تھا، جس کو آج تک حکومتیں حل کرنے میں ناکام نظر آتی ہیں۔
افغان اور پاکستان کے اس نظریاتی جنگ کے تضادات کا اندازہ اس وقت سے ہونا شروع ہو گیا تھا جب دیر اور سوات میں نفاذ شریعت محمدی کے مولانا صوفی محمد افغانستان کے ہزاروں جہادیوں سمیت لوٹے اور انھوں نے ملک میں شریعت محمدی نافذ کرنے کی تحریک کا آغازکیا۔
ابتدا میں یہ تحریک ایک مذہبی مقاصد کے لیے سمجھی گئی مگر بعد میں صوفی محمد کی یہ تحریک متشدد ہوتی چلی گئی،جس پر خیبر پختونخوا میں امن کی خاطر تحریک شریعت محمدی اور خیبر پختونخوا کی حکومت کے مابین 6 نکاتی ’’امن فارمولا‘‘ طے پایا، جس کے مطابق شریعت محمدی تحریک نے ریاست کے خلاف ہتھیار اٹھانے یا کسی بھی متشدد کارروائی سے خود کو الگ رکھنے کا وعدہ تحریر میں کیا۔
جب اس 6 نکاتی فارمولے کا اعلان صوفی محمد نے ایک جلسے میں کیا تو اعلان طے شدہ فارمولے کے بالکل برعکس تھا۔ اس سلسلے میں جب تحقیق کی گئی تو پتہ چلا کہ مولانا صوفی محمد نے دستخط شدہ معاہدے کو جلسہ عام میں خود پیش کرنے اور پڑھنے پر اصرارکیا۔
لیکن ہوا یہ کہ انھوں نے معاہدے کی شرائط پڑھنے کے بجائے عوامی اجتماع میں جمہوریت کو غیر اسلامی اور حکومت کے خلاف کالعدم تحریک طالبان پاکستان کی مسلح مزاحمت کو جائز قرار دے دیا، جب کہ تحریری معاہدے میں یہ کہا گیا تھا کہ دونوں کالعدم تنظیموں کا شرعی نظام کے نفاذ کا مطالبہ تسلیم کیے جانے کے بعد اب ہر قسم کی مسلح مزاحمت کے خاتمے اور ہتھیار پھینکنے کا فیصلہ کیا گیا ہے۔
اس وقت خیبر پختونخوا کے صوبائی وزیر میاں افتخار حسین نے انکشاف کیا تھا کہ بعد میں مولانا صوفی محمد نے بتایا کہ جلسہ عام میں معاہدے کی شرائط پڑھنے کی صورت میں انھیں دو خودکش بمباروں کے ذریعے ہلاک کرنے کی دھمکی دی گئی تھی۔
2009 کے اوائل میں صوفی محمد کے داماد مولانا فضل اللہ کے سوات میں پرتشدد حامیوں کے خلاف آپریشن کیا گیا تو تحریک طالبان کا فضل اللہ گروپ افغانستان چلا گیا، اسی کارروائی کے دوران مولانا فضل اللہ اچانک غائب ہوگئے اور بعد میں انھوں نے بی بی سی کو ٹیلی فون کر کے افغانستان چلے جانے کی تصدیق کی اور ان کی پاکستان کے کسی علاقے میں موجودگی کی کوئی اطلاع موصول نہیں ہوئی۔
اسی دوران فضل اللہ سمیت دیگر شدت پسندوں نے افغانستان کے علاقوں کنڑ اور نورستان میں محفوظ ٹھکانے بنا لیے تھے اور وہ وہیں سے پاکستانی علاقوں میں شدت پسندوں کی کارروائیوں کی منصوبہ بندی کرتے رہے، جن میں پشاور میں آرمی پبلک اسکول کا حملہ بھی شامل ہے جس میں 148 افراد جاں بحق ہو گئے تھے جن میں سے بیشتر بچے تھے۔
2021 میں جب امریکی فوجوں کو افغانستان سے نکال کر طالبان نے کابل پر قبضہ کیا تو کابل یا افغانستان کی قبضہ کی گئی حکومت کے تین فریق اس وقت افغانستان کا نظم و نسق اپنے اپنے مضبوط علاقوں کی بنیاد پر چلا رہے ہیں، جن میں جنوب مغربی افغانستان کو مرکزی دھارے میں شامل طالبان کنٹرول کرتے ہیں، ان کا اصل مرکز قندھار میں ہے۔
حقانی نیٹ ورک جنوب مشرقی افغانستان پر قابض ہے اور شمالی افغانستان میں غیر پشتون افغان طالبان اور وسط ایشیائی جنگجوؤں پر مشتمل گروہ ہے جس کے حقانی نیٹ ورک کے ساتھ قریبی تعلقات ہیں۔
اہم سوال یہ ہے کہ افغانستان کی مذکورہ حکومت کی تثلیث میں اہم کردار ادا کرنے والے افراد کو کس نے افغانستان میں حکومت کی موجودہ تثلیث بنانے کا فارمولا دیا؟ اور وہ کونسے عوامل تھے کہ کچھ قوتیں افغانستان کی موجودہ حکومت کے قیام کے لیے متحرک ہوئی تھیں، افغانستان کی موجودہ قیادت کے معاملے میں یہ رازکب تک سر بستہ رہے گا، یہ ابھی دیکھنا باقی ہے۔
مگر قرائن اور بانی پی ٹی آئی اور ان کی جماعت کا تحریک طالبان کی جانب نرم رویہ یہ ضرور بتاتا ہے کہ ابھی تک بانی پی ٹی آئی کو بچانے میں وہ طاقت بہت مستعدی کے ساتھ ان کی پشت پر ہے۔
جنگ زدہ ماحول کے اس پیچیدہ دوراہے اور طالبان کی جانب سے مسلسل دہشت گرد کارروائیوں کے نتیجے میں سب سے اہم سوال ریاستی اداروں کی کارکردگی اور بقا کا ہے،اسی لیے موجودہ حکومت ریاستی بیانیے کے حوالے سے ’’افغانستان کی طالبان حکومت‘‘ کی پالیسیوں اور در اندازی پر سخت موقف کے ساتھ کھڑی نظر آتی ہے۔
دوحہ اور استنبول میں مذاکرات کے تین، چار دورکے بعد بھی افغانستان میں طالبان حکومت کے نمایندے کسی بھی طرح کی تحریرکی صورت میں پاکستان کے اندر ٹی ٹی بی کی دراندازی روکنے کی کوئی ٹھوس ضمانت فراہم نہیں کر پائے جس کے نتیجے میں یہ مذاکرات بے نتیجہ یا ناکام رہے، گوکہ اب دوبارہ میزبان ممالک کے اصرار پر مذاکرات شروع کرنے پر رضا مندی ظاہر کی گئی ہے۔
تحریک طالبان کے دہشت گردوں کو واپس لانے کی پی ٹی آئی حکومت کی پالیسی کے ضمن میں خطے میں تحریک طالبان کی دہشت گردی نہ صرف پاکستان بلکہ روس اور چین کی اقتصادی ترقی میں بھی وہ اہم رکاوٹ کے طور پر سامنے آئی ہے جس پر پاکستانی حکومت کی جانب سے خطے کی دہشت گردی سے نمٹنے کا سخت موقف ایک حوصلہ افزا بات ہے۔
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟