روسی فضائیہ کا یوکرائن کے مشرقی علاقےپرحملہ،11 افراد ہلاک
اشاعت کی تاریخ: 8th, March 2025 GMT
کیف( نیوز ٖڈیسک)یوکرین کے مشرقی علاقے میں روسی فضائی حملے میں 11 افراد ہلاک اور 30 زخمی ہو گئے۔ غیر ملکی میڈیا کے مطابق روس کی جانب سے یوکرین میں توانائی کی تنصیبات کو نشانہ بنایا گیا۔ حکام کے مطابق حملے کے باعث شہریوں اور دفاع کیلئے ضروری ہتھیاروں کی فیکٹریوں کو بجلی کی فراہمی متاثر ہوئی ہے۔
دوسری جانب امریکی وزیرِ خارجہ کی یوکرینی ہم منصب سے ٹیلی فونک گفتگو ہوئی ہے۔ امریکی وزیرِ خارجہ نے کہا ہے کہ صدر ٹرمپ جلد از جلد یوکرین جنگ کے خاتمے کے لیے پُرعزم ہیں، تمام فریقوں کو پائیدار امن کے لیے اقدامات کرنے چاہئیں۔
چیمپئنز ٹرافی فائنل سے قبل بھارت کو جھٹکا، ویرات کوہلی انجری کا شکار
ذریعہ: Daily Ausaf
پڑھیں:
روس پر ڈرونز کی بارش، یوکرین کا 40 جنگی طیارے تباہ کرنے کا دعویٰ
ماسکو(ویب ڈیسک ) یوکرین نے روس پر ڈرونز کی بارش کردی ۔حملوں میں 40 سے زائد روسی جنگی طیاروں کو تباہ کرنے کا دعویٰ کیا گیا ہے۔
یوکرین نے دعویٰ کیا ہے کہ اس نے روس کے مختلف فوجی ہوائی اڈوں پر حملہ کر کے 40 سے زائد روسی جنگی طیاروں کو نشانہ بنایا ہے۔ یہ حملہ روسی فضائیہ پر اب تک کا سب سے بڑا ڈرون حملہ قرار دیا جا رہا ہے۔
یوکرین کی خفیہ ایجنسی “ایس بی یو” نے ایک بیان میں کہا ہے کہ “دشمن کے اسٹریٹجک بمبار طیارے بڑی تعداد میں جل رہے ہیں”۔
ایجنسی کا کہنا ہے کہ یوکرین نے دشمن کے بمبار طیاروں کو تباہ کرنے کے لیے ایک بڑی خصوصی کارروائی شروع کی ہے۔
روسی فوج نے ابھی تک ان حملوں پر کوئی تبصرہ نہیں کیا۔
میڈیا رپورٹس کے مطابق طیاروں کو روس کے شمال مغرب میں واقع شہر مرمانسک کے قریب اولینیا ایئر بیس پر بھی نشانہ بنایا گیا ہے۔
ذرائع نے غیر ملکی خبر ایجنسی کو بتایا کہ حملوں میں روس کے اسٹریٹجک بمبار طیارے جیسے Tu-95، Tu-22M3 اور A-50 ایئر وارننگ طیارے شامل تھے۔
روسی میڈیا نے مرمانسک پر حملے کی تصدیق کی ہے اور کہا ہے کہ ایئر ڈیفنس کام کر رہا ہے۔ارکتسک پر حملے کی خبریں بھی مقامی میڈیا میں آ رہی ہیں۔
دوسری جانب، یوکرینی حکام کا کہنا ہے کہ گزشتہ رات روس نے یوکرین پر 472 ڈرونز اور سات بیلسٹک و کروز میزائلوں سے حملہ کیا، جو کہ اب تک کا سب سے بڑا روسی ڈرون حملہ لگتا ہے۔
یوکرین کا کہنا ہے کہ اس نے 385 فضائی اہداف کو “ناکام” بنا دیا۔
یوکرینی زمینی فوج نے کہا ہے کہ ایک روسی میزائل حملے میں ان کے 12 فوجی ہلاک اور 60 سے زائد زخمی ہوئے ہیں۔ یہ حملہ یوکرین کے ایک تربیتی مرکز پر کیا گیا۔
مزیدپڑھیں:ہنڈائی کی گاڑیوں کی قیمتوں میں اضافے کا اعلان، صارفین کس طرح متاثر ہوں گے؟
معرکہ حق میں پاک فوج کی عظیم فتح پر نیا نغمہ جاری کر دیا گیا