نازش جہانگیر نے ’اسود ہارون‘ اسکینڈل کیس پر پچھلا تمام کَچّا چِٹّھا کھول دیا
اشاعت کی تاریخ: 8th, March 2025 GMT
کراچی(شوبز ڈیسک)پاکستان کی معروف اداکارہ نازش جہانگیر حال ہی میں اسود ہارون کے خلاف لگائے گئے فراڈ کے الزامات پر پہلی بار لب کشائی کرتی نظر آئیں۔
یہ صورتحآل ستمبر 2024 میں سامنے آئی تھی، جب اسود ہارون نے نازش پر دھوکہ دہی کے الزامات عائد کیے تھے۔ اسود ہارون نے دعویٰ کیا تھا کہ نازش نے ان سے پیسے، گاڑیاں اور مہنگے تحائف لے کر دھوکہ دیا، جس پر نازش نے ابتدا میں خاموشی اختیار کی تھی۔ اس معاملے پر نازش نے قانونی راستہ اختیار کیا تھا، لیکن اب انہوں نے اس پر کھل کر بات کی ہے اور اپنے موقف کو واضح کیا ہے۔
نازش جہانگیر نے ایک حالیہ ٹی وی شو میں اسود ہارون کی جانب سے لگائے گئے الزامات کا جواب دیتے ہوئے کہا کہ، یہ سب کچھ ایک سوچی سمجھی سازش تھی اور ایک مکمل طور پر منصوبہ بند بلیک میلنگ ڈرامہ تھا جو میری ساکھ کو نقصان پہنچانے کے لیے بنایا گیا تھا۔
انہوں نے مزید کہا کہ، یہ کچھ بے وقعت لوگ ہیں جو ہم جیسے خوشحال افراد سے پیسہ بٹورنے کے لیے ایسی چالیں چلتے ہیں۔
اداکارہ کا کہنا تھا کہ وہ سوشل میڈیا پر کم متحرک رہتی ہیں اور اس لیے انہوں نے اس بارے میں کسی بھی ردعمل کا اظہار نہیں کیا۔
”میں نے سوشل میڈیا پر کچھ نہیں کہا کیونکہ میں اپنی ذاتی زندگی کے حوالے سے زیادہ کچھ شیئر نہیں کرتی۔ میرے والد نے مجھے خاموش رہنے کی نصیحت کی کیونکہ ہم قانونی طور پر اس کیس کا سامنا کر رہے تھے۔“ نازش نے اس بات کا بھی انکشاف کیا کہ اگر وہ اس معاملے پر جواب دیتیں تو صورتحال مزید پیچیدہ ہو جاتی۔
نازش جہانگیر کے مشہور ڈراموں میں ’عشق وے‘، ’شکار‘، ’تیری بے حسی‘، اور ’انعامِ محبت‘ شامل ہیں۔ ان کا دلکش انداز اور دھیما لہجہ ان کے مداحوں میں خاص پسند کیا جاتا ہے، جس کی بدولت وہ پاکستان کی معروف اداکاراؤں میں شمار کی جاتی ہیں۔
مزیدپڑھیں:روزہ نہ رکھنے والے محمد شامی کے دفاع میں جاوید اختر اٹھ کھڑے ہوئے
ذریعہ: Daily Ausaf
کلیدی لفظ: نازش جہانگیر اسود ہارون
پڑھیں:
ایشیا کپ: پی سی بی کا اینڈی پائی کرافٹ کو ہٹانے کا مطالبہ، بائیکاٹ کی دھمکی
پاکستان کرکٹ بورڈ یعنی پی سی بی نے ایشیا کپ 2025 کے دوران میچ ریفری اینڈی پائی کرافٹ کو ہٹانے کے مطالبے پر سخت مؤقف اپناتے ہوئے خبردار کیا ہے کہ قومی ٹیم ان کی نگرانی میں کوئی میچ نہیں کھیلے گی۔
میڈیا رپورٹس کے مطابق پی سی بی نے انٹرنیشنل کرکٹ کونسل یعنی آئی سی سی کو دوسرا خط بھیج دیا ہے جس میں بورڈ نے اپنے ابتدائی مطالبے کو نہ ماننے پر سخت ردعمل ظاہر کیا۔
خط میں کہا گیا ہے کہ آئی سی سی کی جانب سے پائی کرافٹ کے خلاف تحقیقات محض رسمی کارروائی ہیں جنہیں تسلیم نہیں کیا جا سکتا۔
یہ بھی پڑھیں: ایشیا کپ 2025: بنگلہ دیش نے افغانستان کو سنسنی خیز مقابلے میں 8 رنز سے ہرادیا
پی سی بی نے مؤقف اختیار کیا ہے کہ اگر متنازعہ ریفری کو ہٹایا نہ گیا تو پاکستان ایسے تمام میچز کا بائیکاٹ کرے گا جن میں وہ نگرانی کریں گے۔
خط میں یہ بھی کہا گیا ہے کہ آئی سی سی کی انکوائری میں نہ تو تمام پہلوؤں کا جائزہ لیا گیا اور نہ ہی متعلقہ فریقین سے مشاورت کی گئی۔
ایک بورڈ عہدیدار کے مطابق، پاکستان نے مطالبہ کیا ہے کہ تمام خدشات کو مکمل طور پر دور کیا جائے اور اس مطالبے کی باضابطہ منظوری کے بعد ہی پاکستان کھیلنے پر آمادہ ہوگا۔
مزید پڑھیں: ایشیا کپ میں ہاتھ نہ ملانے کا تنازعہ، اس حوالے سے کرکٹ قوانین کیا ہیں؟
یہ پیش رفت ایسے وقت میں ہوئی ہے جب پاکستان بدھ کو دبئی میں اپنے آخری گروپ میچ میں متحدہ عرب امارات کا سامنا کرنے والا ہے۔
دوسری جانب، پی سی بی کے ترجمان عامر میر نے وضاحت کی ہے کہ مشاورت کا عمل جاری ہے اور پاکستان کی شرکت سے متعلق حتمی فیصلہ میچ سے قبل کرلیا جائے گا۔ انہوں نے کہا کہ فیصلہ ہمیشہ پاکستان کے مفاد میں کیا جائے گا۔
واضح رہے کہ یہ تنازع بھارت کے خلاف میچ میں ’نو ہینڈ شیک‘ واقعے کے بعد پیدا ہوا، جب ٹاس پر دونوں کپتانوں نے مصافحہ نہیں کیا اور میچ کے بعد بھارتی کھلاڑیوں نے پاکستانی حریفوں کو نظر انداز کرتے ہوئے میدان چھوڑ دیا۔
پی سی بی نے اس تمام صورتحال کی ذمہ داری زمبابوے سے تعلق رکھنے والے میچ ریفری اینڈی پائی کرافٹ پر عائد کرتے ہوئے ان کے رویے کو کرکٹ کی روح اور روایات کے منافی قرار دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی انٹرنیشنل کرکٹ کونسل اینڈی پائی کرافٹ پاکستان پی سی بی میچ ریفری
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان