برطانیہ: بلڈ پریشر کا نیا علاج، لاکھوں مریضوں کو فائدہ پہنچے گا
اشاعت کی تاریخ: 10th, March 2025 GMT
برطانیہ میں بلڈ پریشر کے لیے نیا علاج دریافت کیا گیا ہے جو بنیادی الڈوسٹیرونزم (Aldosteronism) سے وابستہ ہائی بلڈ پریشر کا علاج کرنے کی صلاحیت رکھتا ہے۔
ٹارگیٹڈ تھرمل تھراپی (ٹی ٹی ٹی) ایک ایسی تکنیک ہے جو جسم میں نمک کو ضرورت سے زیادہ برقرار رکھنے کے ذمے دار نوڈولس کو ختم کرتی ہے۔
اس پیش رفت سے برطانیہ میں تقریباً نصف ملین افراد کو فائدہ ملے گا جو خطرناک حد تک بلند فشارِ خون کا شکار ہیں، بلڈ پریشر کو ہزاروں سالانہ اموات میں حصہ ڈالنے کی وجہ سے اکثر ’خاموش قاتل‘ بھی کہا جاتا ہے۔
طبی پیشہ ور افراد نے نوڈولس کو ختم کرنے کے لیے ایک طریقہ وضع کیا ہے جو نمک کے جمع ہونے کا سبب بنتے ہیں جس کے نتیجے میں فالج یا ہارٹ اٹیک کا خطرہ بڑھ جاتا ہے۔
پرائمری الڈوسٹیرونزم کی تشخیص کرنے والے مریضوں کے پاس روایتی طور پر علاج کے محدود اختیارات ہوتے ہیں جن میں اکثر جراحی یا اسپیرونولاکٹون دوا کی تاحیات ضرورت ہوتی ہے تاکہ سنگین قلبی خطرات کو کم کیا جا سکے۔
پرائمری الڈوسٹیرونزم اس وقت ہوتا ہے جب نوڈولس ایک یا دونوں ایڈرینل غدود پر نشوونما پاتے ہیں جو گردے سے ملحق ہوتے ہیں اور تین ضروری ہارمونز ایڈرینالین، کورٹیسول اور ایلڈوسٹیرون پیدا کرنے کے ذمے دار ہوتے ہیں، یہ نوڈولس ایلڈوسٹیرون کی ضرورت سے زیادہ سطح پیدا کرتے ہیں۔
اس حالت کے مریضوں میں بلڈ پریشر کی سطح 200/130 تک بڑھ سکتی ہے جو صحت مند سمجھی جانے والی 120/80 کی حد سے نمایاں طور پر تجاوز ہے، اس طرح مہلک ہارٹ اٹیک کے امکانات بڑھ جاتے ہیں۔
اس صورتِ حال میں علاج مشکل ثابت ہو سکتا ہے کیونکہ کچھ مریض معیاری اینٹی ہائپرٹینسی دوائیوں کے بارے میں ناقص ردِعمل ظاہر کرتے ہیں جس سے انہیں موت کا خطرہ لاحق رہتا ہے۔
لندن اور کیمبرج کے محققین کے ذریعے تیار کردہ جدید علاج، جسے اینڈواسکوپک الٹراساؤنڈ گائیڈڈ ریڈیو فریکونسی ایبلیشن کے نام سے جانا جاتا ہے، اس دوا کو سوئی کے ذریعے جسم میں داخل کیا جاتا ہے تاکہ مسائل والے نوڈولس کو نشانہ بنایا جا سکے۔
یہ طریقہ کار مریضوں کے معیار زندگی کو نمایاں طور پر بڑھانے اور ہائی بلڈ پریشر کی اس مخصوص شکل کے لیے ایک حتمی حل فراہم کرنے کی صلاحیت رکھتا ہے۔
اس طرزِ علاج میں صرف 20 منٹ لگتے ہیں جبکہ ایڈرینل غدود کو ہٹانے کی سرجری میں ڈیڑھ سے دو گھنٹے لگتے ہیں اور اس میں مریض کو جنرل بے ہوشی کی دوا اور اسپتال میں دو یا تین راتوں کا قیام کرنا پڑتا ہے۔
پچھلے مہینے دی لانسیٹ میں رپورٹ ہونے والے پرائمری الڈوسٹیرونزم کے 28 مریضوں میں ٹی ٹی ٹی کے ٹرائل کیے گئے، چار مریض اس طریقہ کار سے گزرنے کے بعد مکمل طور پر دوائیں چھوڑنے میں کامیاب ہو گئے جبکہ دیگر 12 نے اپنے بلڈ پریشر کو بہت بہتر پایا یا ان کی دوائیوں کی مقدار کو آدھا کر دیا گیا۔
یہ طریقہ کار ممکنہ طور پر ہائی بلڈ پریشر والے 20 میں سے ایک شخص کی زندگی کو فالج، ہارٹ اٹیک اور ہارٹ اریتھمیا کے خطرے کو کم کر سکتا ہے، اس دوا سے مریض بہتر محسوس کرتے ہیں، ان میں توانائی بڑھتی ہے۔
پروفیسر مورس براؤن لینسیٹ اسٹڈی کے شریک مصنف اور لندن میں بارٹس ہیلتھ این ایچ ایس ٹرسٹ میں اینڈو کرائنولوجی کے پروفیسر نے کہا ہے کہ ہم پرائمری الڈوسٹیرونزم کے بارے میں 70 سال سے جانتے اور اب ہم ہائی بلڈ پریشر والے مریضوں کی زندگیوں کو بہت بہتر بنا سکتے ہیں۔
Post Views: 1.ذریعہ: Daily Mumtaz
کلیدی لفظ: ہائی بلڈ پریشر جاتا ہے
پڑھیں:
کورنگی میں دوسرے روز بھی ڈاکوؤں نے جیولرز کی دکان سے لاکھوں روپے مالیت کے زیورات لوٹ لیے
شہر قائد کے ضلع ڈسٹرکٹ کورنگی ڈاکوؤں کے لیے جنت بن گیا، جہاں دوسرے روز بھی ڈکیتوں نے سنار کی دکان میں واردات کی اور لاکھوں روپے مالیت کے زیورات لے کر فرار ہوگئے۔
منگل کو کورنگی میں جیولرز کی دکانوں میں بھاری مالیت کے طلائی زیورات لوٹنے اور مزاحمت پر دکاندار کے قتل کے بعد ڈاکوؤں نے پولیس کی ناقص کارکردگی کا بھرپور فائدہ اٹھاتے ہوئے کورنگی بھٹائی کالونی گراؤنڈ کے قریب بدھ کو دن دہاڑھے جیولرز کی دکان سے لاکھوں روپے مالیت کا سونا لوٹ کر فرار ہوگئے۔
کورنگی میں ایک روز ڈاکوؤں کی فائرنگ سے جیولر مارکیٹ کے دکاندار کی نمازہ جنازہ ادا کی جا رہی تھی تو اسی دوران ڈاکو کورنگی بھٹائی گراؤنڈ کے قریب بسم اللہ جیولرز کی دکان میں لوٹ مار کر رہے تھے۔
واردات کی سی سی ٹی وی فوٹیج میں ڈاکوؤں کا اطمینان بتا رہا تھا کہ انھیں پولیس کا کوئی ڈر و خوف تک نہیں تھا اور وہ انتہائی دیدا دلیری کے ساتھ دکاندار کو اسلحے کے زور پر یرغمال بنا کر اس کی آنکھوں کے سامنے بھاری مالیت کا سونا اپنے ہمراہ لائے ہوئے بیگ میں بھر کر فرار ہوگئے۔
اس حوالے بسم اللہ جیولرز کے مالک زاکر نے ایکسپریس کو بتایا کہ بدھ کی دوپہر ایک بجکر 3 منٹ پر کورنگی بھٹائی گراؤنڈ کے قریب ان کی بسم اللہ جیولرز کے نام سے دکان میں ڈاکوؤں نے داخل ہو کر اسلحے کے زور پر یرغمال بنا کر اپنے ہمراہ لائے ہوئے بیگ میں دکان کے شوکیس میں رکھا ہوا 25 سے 30 تولہ سونا سمیٹ کر فرار ہوگئے جس کی مالیت 80 سے 90 لاکھ روپے کے قریب بنتی ہے۔
انھوں نے اعلیٰ حکام سے دکانداروں کو تحفظ فراہم کرنے کا مطالبہ کرتے ہوئے کہا کہ بڑی محنت سے جمع کرتے ہیں لیکن ڈاکو ایک منٹ میں آکر ہمیں زیرو کر جاتے ہیں۔
دکاندار نے بتایا منگل کو بھی دن دہاڑھے کورنگی 2 نمبر میں قائم جیولرز مارکیٹ میں دکاندار متین ڈاکوؤں کی فائرنگ سے جاں بحق ہوا تھا اور واردات میں ڈاکو بھاری مالیت کا سونا لوٹ کر فرار ہوگئے تھے۔
کورنگی بھٹائی کالونی گراؤنڈ کے قریب قائم بسم اللہ جیولرز کی دکان میں واردات کی مختلف فوٹیجز بھی سامنے آئی ہیں جس میں دکان کے اندر 3 ڈاکوؤں نے داخل ہو کر اسلحے کے زور پر وہاں موجود افراد کو یرغمال بناتے ہوئے دکھائی دیئے۔
ایک ڈاکو شلوار قمیض میں جبکہ دیگر 2 ڈاکوؤں نے ٹی شرٹ اور ٹراؤز پہنا ہوا تھا جبکہ دکان میں سب سے پہلے داخل ہونے والے ڈاکو نے چہرے پر ماسک لگایا ہوا تھا جبکہ دیگر 2 ڈاکوؤں نے پی کیپ پہنا ہوا تھا۔
واردات کے دوران شلوار قمیض میں ملبوس ڈاکو نے دکان کے باہر پہرے داری کی جبکہ دکان میں موجود 2 ڈاکو اپنے ہمراہ لائے ہوئے بیگ میں شوکیس میں رکھے ہوئے طلائی زیورات اور دیگر سونا نکال کر اپنے بیگ میں بھرتا رہا اور چند منٹوں میں دکان کو صفایا کر کے باہر کھڑے موٹر سائیکلوں پر سوار اپنے دیگر ساتھیوں کے ہمراہ بیٹھ کر موقع سے باآسانی فرار ہوگئے۔
متاثرہ دکاندار کے مطابق باہر لوگوں نے بتایا کہ ڈاکو 2 موٹر سائیکلوں پر آئے تھے تاہم اس حوالے سے زمان ٹاؤن پولیس نے واردات کی اطلاع ملتے ہی کرائم سین یونٹ کو طلب کر کے جائے وقوعہ سے فنگر پرنٹس سمیت دیگر شواہد حاصل کیے ہیں جبکہ پولیس سی سی ٹی وی کیمروں اور حاصل کردہ شواہد کی روشنی میں واردات کی مزید تحقیقات کر رہی ہے۔
گزشتہ سال 276 ارب روپے کی بجلی چوری،بڑی کمپنیاں ملوث نکلیں، وزیرتوانائی