بحیرہ شمال میں آئل ٹینکر اور مال بردار بحری جہاز کے تصادم میں 32 افراد زخمی
اشاعت کی تاریخ: 11th, March 2025 GMT
لندن(نیوز ڈیسک) بحیرہ شمال (نارتھ سی) میں ایک آئل ٹینکر اور مال بردار بحری جہاز کے درمیان تصادم کے بعد ریسکیو آپریشن شروع کردیا گیا ہے۔ غیر ملکی خبررساں ایجنسی کے مطابق حادثے کے نتیجے میں دونوں جہازوں میں آگ بھڑک اٹھی اور تصادم میں 32 افراد زخمی ہوئے جنہیں ساحل پر منتقل کر دیا گیا ہے۔برطانوی کوسٹ گارڈز کے ترجمان کے مطابق یہ حادثہ ایسٹ یارکشائر کے ساحل کے قریب پیش آیا اور ریسکیو آپریشن میں کوسٹ گارڈ کے ہیلی کاپٹر، طیارے، لائف بوٹس اور دیگر بحری جہاز شامل ہیں جبکہ کوسٹ گارڈز کی جانب سے آلودگی سے بچاؤ کے اقدامات کا بھی جائزہ لیا جارہا ہے۔
برطانوی میڈیا پر نشر ہونے والی تصاویر میں حادثے کے مقام سے گہرے سیاہ دھویں کے بادل اور شعلے اٹھتے ہوئے دکھائی دیے جبکہ رائل نیشنل لائف بوٹ انسٹی ٹیوشن نے تصدیق کی ہے کہ دونوں بحری جہازوں میں آگ لگ چکی ہے اور کچھ افراد نے جہاز چھوڑنے کی کوشش بھی کی۔حادثے کا شکار ہونے والا آئل ٹینکر امریکی کمپنی کے زیرِانتظام ہے جو یونان سے برطانیہ پیٹرولیم مصنوعات لے کر آ رہا تھا جبکہ مال بردار جہاز ایک جرمن کمپنی کی زیر ملکیت ہے۔
بنوں کینٹ حملے میں ہلاک 16 دہشتگردوں بارے ہولناک انکشاف سامنے آگیا
.ذریعہ: Daily Ausaf
کلیدی لفظ: بحری جہاز
پڑھیں:
برطانیہ : ٹرین میں چاقو کے حملے میں 10 افراد زخمی، 2 مشتبہ افراد گرفتار
data-id="863a0a8" data-element_type="widget" data-widget_type="theme-post-content.default">
برطانیہ کے علاقے کیمرج شائر میں ٹرین پر تیز دھار آلے سے کیے گئے حملے میں 10 افراد زخمی ہو گئے، جن میں سے 9 کی حالت تشویشناک بتائی جا رہی ہے۔
پولیس کے مطابق واقعہ ڈانکاسٹر سے لندن کنگز کراس جانے والی ٹرین میں پیش آیا، جو شام 6 بج کر 25 منٹ پر روانہ ہوئی تھی۔ واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے دو مشتبہ افراد کو حراست میں لے لیا۔
حملے کے بعد متعدد مسافروں کو متبادل بسوں کے ذریعے لندن منتقل کیا گیا، جبکہ کیمرج شائر پولیس نے اس واقعے کو “بڑا حادثہ” قرار دیتے ہوئے کہا ہے کہ انسدادِ دہشت گردی کے ماہر افسران بھی تحقیقات میں معاونت کر رہے ہیں۔
عینی شاہدین کے مطابق ایک شخص کو خون آلود بازو کے ساتھ بوگی میں بھاگتے اور چیختے دیکھا گیا، “ان کے پاس چاقو ہے، بھاگو”، اس کے فوراً بعد ایک اور شخص زمین پر گر گیا۔
برطانوی میڈیا کے مطابق زخمیوں کو فوری طور پر قریبی اسپتال منتقل کیا گیا، جہاں ان کی حالت تشویشناک ہے۔
وزیرِاعظم کیئر اسٹارمر نے واقعے پر شدید تشویش کا اظہار کرتے ہوئے اسے “انتہائی افسوسناک اور خوفناک” قرار دیا۔ انہوں نے عوام سے اپیل کی کہ وہ مقامی حکام کی ہدایات پر عمل کریں اور افواہیں پھیلانے سے گریز کریں۔
پولیس کا کہنا ہے کہ تحقیقات جاری ہیں، تاہم فی الحال حملے کی وجوہات سے متعلق کوئی حتمی بیان جاری نہیں کیا گیا۔
رائے ونڈ عالمی تبلیغی اجتماع 6نومبر کو ہوگا،تیاریاں آخری مراحل میں