دہشتگردی،نیشنل ایکشن پلان پارٹ ٹوکی تشکیل ناگزیر
اشاعت کی تاریخ: 14th, March 2025 GMT
اسلام آباد(طارق محمودسمیر)جعفرایکسپریس کے المناک واقعہ کے بعد وزیراعظم شہبازشریف نے کوئٹہ کا اہم دورہ کیاہے جہاں انہیں اس واقعہ اور آپریشن کے بارے میں تفصیلی بریفنگ دی گئی ،آرمی پبلک سکول پشاور کے واقعہ کے واقعہ کیبعد جعفر ایکسپریس کا اغواء اوردہشت گردی ایک بڑی اور سنگین واقعہ ہے ،بعض تجزیہ نگاراسے پاکستان کا نائن الیون بھی قراردے رہے ہیں جب کہ کچھ عناصر بیرون ملک بیٹھ کر ایساپروپیگنڈا کررہے ہیں جو کسی طورپر انہیں زیب نہیں دیتا،ضرورت اس امر کی ہے کہ پاکستان کے اندردہشت گردی کے خاتمے کے لیے اسی طرح کا اتفاق رائے پیداکیاجائے جیسا2014میں اے پی ایس واقعہ کے بعد سابق وزیراعظم میاں نوازشریف نے کیاتھااورتحریک انصاف نے تمام تراختلافات کے باوجود نہ صرف اپنادھرناختم کردیاتھابلکہ وزیراعظم کی طرف بلائی گئی اے پی سی میں تمام سیاسی جماعتوں نے شرکت کی تھی جس کے نتیجے میں ایک نیشنل ایکشن پلان تشکیل دیاگیا جس پر عملدرآمدکے نتیجے میں دوسے تین سال کے عرصے میں پاکستان سے نوے فیصدتک دہشت گردی کا خاتمہ ہوا،اے پی ایس کا واقعہ ہویاجعفرایکسپریس ،ان کے تانے بانے نئی دہلی اور کابل سے ملتے ہیں،پاکستان کے دشمن ملک کے اندردہشتگردی کے لیے سرگرم رہتے ہیں ،وزیراعظم شہبازشریف نے کوئٹہ میں جو گفتگو کی ہے اس میں انہوں نے قومی اتحاداور یکجہتی کی بات کی ہے،انہیں آگے بڑھ کرتین اقدامات کرناپڑیں گے سب سے پہلے نیشنل سکیورٹی کمیٹی کااجلاس بلایاجائے جس میں فوجی قیادت کے علاوہ صوبائی وزرائے اعلیٰ کو بلاکر لائحہ عمل طے کیاجائے،دوسرا انہیں پارلیمنٹ کاان کیمرہ اجلاس بلاکر ساری صورتحال پر بحث کرانی چاہئیاور اس کی روشنی میں جو تجاویزآئیں ان پر عمل کرتے ہوئے ایک اعلیٰ اختیاراتی پارلیمانی کمیٹی تشکیل دی جائے تو بلوچستان اور خیبرپختونخوا میں حالات بہتربنانے کے لیے فوجی کاررائیوں کے ساتھ ساتھ سیاسی اندازمیں مسائل کے حل کے لیے لائحہ عمل تیارکرکے دیجب کہ انہیں تیسراکام یہ کرناپڑے گا کہ فوری طورپر آل پارٹیزکانفرنس بلائی جائے جس میں بڑی اپوزیشن جماعت تحریک انصاف کو بھی مدعوکیاجائے ،تحریک انصاف کی خیبرپختونخوامیں حکومت ہے اور خیبرپختونخوا بھی دہشت گردی کی زد میں ہے جب کہ بھارت اور افغانستان کی مداخلت اور دہشت گردوں کی معاونت کرنے کے ٹھوس شواہداور ثبوت امریکہ سمیت دیگرعالمی قوتوں کو دکھائے جائیں ،علاوہ ازیں قومی اسمبلی کے اجلاس میں جعفرایکسپریس حملے کی مذمت میں ایک متفقہ قراردادبھی منظورکی گئی ہے جو اس بات کا واضح اعلان ہے کہ پاکستان کی منتخب قومی اسمبلی میں پی ٹی آئی سمیت تمام جماعتوں نے بی ایل اے کی کارروائی کی مذمت کی ہیاور اسی بات کو بنیادپر تمام سیاسی جماعتیں دہشت گردی کے خاتمے کے لیے متفقہ لائحہ عمل تیارکرکے سامنے لائیں،اسمبلی کے اجلاس میں کچھ غیرسنجیدہ اندازمیں سیاسی باتیں بھی ہوئی ہیں اورسیاسی پوائنٹ سکورنگ کرنے کی کوشش کی گئی ہے ،ایک دوسرے کو شرم وحیادلانے جیسے فقرے بھی استعمال کئے گئے ،حالانکہ جعفرایکسپریس کا واقعہ معمولی نوعیت کانہیں اوراسمبلی میں تمام سیاسی جماعتوں کو سنجیدگی کامظاہرہ کرتیہوئے ٹھوس تجاویزدینی چاہئیں۔
ذریعہ: Daily Mumtaz
کلیدی لفظ: کے لیے
پڑھیں:
پاکستان اور روس کا دہشتگردی کے چیلنج سے نمٹنے کے لیے مشترکہ تعاون کو بڑھانے کا عزم
بین الاقوامی دہشتگردی کے خاتمے کے لیے پاکستان اور روس کے درمیان مشترکہ ورکنگ گروپ کا گیارہواں مذاکراتی دور آج ماسکو میں ہوا جو کل بھی جاری رہے گا۔ اجلاس میں اس بات پر اتفاق کیا گیا ہے کہ دہشتگردی کے مشترکہ چیلنج سے نمٹنے کے لیے مشترکہ تعاون کو مزید بڑھایا جائے گا۔
ترجمان دفتر خارجہ کے مطابق مذاکرات میں پاکستان کی نمائندگی اقوام متحدہ میں پاکستان کے خصوصی سیکریٹری نبیل منیر جبکہ نائب وزیرِ خارجہ سرگئی ورشنِن نے روس کی نمائندگی کی۔
یہ بھی پڑھیں پاکستان روس کے ساتھ توانائی اور بارٹر تجارت کے شعبوں میں تعاون کے فروغ کا خواہاں
ترجمان نے بتایا کہ دونوں ممالک نے دہشتگردی کے علاقائی اور بین الاقوامی منظر نامے پر سیرحاصل تبادلہ خیال کیا، مذاکرات میں افغانستان میں ہونے والی دہشتگردی سے علاقائی امن کو لاحق خطرات پر خصوصی بات چیت کی گئی۔
بات چیت میں دہشتگردی کی مختلف صورتوں کا مقابلہ کرنے کے لیے مختلف النوع حکمتِ عملی اور بین الملکی تعاون پر زور دیا گیا۔
ترجمان دفتر خارجہ کے مطابق مذاکرات میں اِس بات پر اتفاق کیا گیا کہ دہشتگرد گروہوں کے ہاتھوں دہشتگردی کے مشترکہ چیلنج سے نمٹنے کے لیے مشترکہ تعاون کو مزید بڑھایا جائے گا۔
یہ بھی پڑھیں روس کی جانب سے پاکستانی عوام کے لیے 30 ہزار کلو انسانی امداد کا تحفہ
ترجمان کے مطابق اِس بات پر بھی اتفاق کیا گیا کہ عالمی اور علاقائی استحکام کے لیے مشترکہ کاوشوں کی ضرورت ہے، ورکنگ گروپ کا اگلا اجلاس 2026 میں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اتفاق انسداد دہشتگردی پاکستان ترجمان دفتر خارجہ روس عزم ورکنگ گروپ اجلاس وی نیوز
اورنگی میں ڈکیتی مزاحمت پر قتل شہری کی والدہ بچوں کی تعلیم کیلئے فکرمند