کسٹم نے محکمہ پلانٹ پروٹیکشن کی لیب رپورٹ غلط قرار دیدی
اشاعت کی تاریخ: 19th, March 2025 GMT
کراچی:
پاکستان کسٹمز ایکسپورٹ کلکٹریٹ پورٹ قاسم نے محکمہ پلانٹ پروٹیکشن کی لیب رپورٹ کو غلط قرار دیتے ہوئے میسرز اسٹیل وژن کی جانب سے کلیئر ہونے والے 7 کروڑ 36 لاکھ روپے مالیت کے چھالیہ کے 8 کنٹینرز کی کلیئرنس روک دی ہے۔ 3
کسٹمز پورٹ قاسم ایکسپورٹ کلکٹریٹ حکام کے مطابق ڈپارٹمنٹ آف پلانٹ پروٹیکشن کی جانب سے ایکسپورٹ پروسیسنگ زون اتھارٹی میں درآمد ہونے والی چھالیہ کے ریلیز آرڈرز جاری کردیے گئے تھے لیکن کسٹم حکام نے یہ موقف اختیار کیا ہے کہ طویل سمندری سفر کے باعث درآمد ہونے والی چھالیہ میں افلاٹوکسن مواد شامل ہونے سے زہریلا پن آسکتا ہے.
اس خطرے کے پیش نظر کسٹمز حکام نے مضرصحت چھالیہ کے کنسائمنٹس کی کلیئرنس کرنے سے انکار کردیا ہے.
کسٹمزحکام کا کہنا ہے کہ طویل سمندری سفر کے دوران نمی کی بلند سطح کا سامنا کرنا پڑتا ہے جس کی وجہ سے چھالیہ میں بھاری مقدار میں افلاٹوکسین بڑھنے سے زہریلے مرکبات اور آلودہ ہونے کا امکان ہوتا ہے.
لمبے سمندری سفر کی وجہ سے ان زہریلے مادوں کی سطح آسانی سے حفاظتی حدود سے تجاوز کر سکتی ہے، جس سے چھالیہ کااستعمال بہت زیادہ خطرناک ہو جاتا ہے جس کی وجہ سے پلانٹ پروٹیکشن ڈیپارٹمنٹ کی جانب سے چھالیہ کے کنسائمنٹس کی کلیئرنس کی اجازت دینے پر سوالات جنم لے رہے ہیں۔
ذریعہ: Express News
پڑھیں:
سمندری؛ موٹر وے پر پولیس وین ٹرک سے ٹکرا گئی، 2 اہلکار جاں بحق، 8 زخمی
ویب ڈیسک:فیصل آباد کی تحصیل سمندری کے قریب موٹر وے پر پولیس وین ٹرک سے ٹکرا گئی، حادثے میں 2 اہلکار جاں بحق، 8 زخمی ہو گئے۔
موٹروے ایم تھری پر سمندری کے قریب حادثہ ہوا، گاڑی کی بریک فیل ہونے سے کنٹینر سے ٹکرا گئی، حادثہ میں 2سرکاری ملازمین جا ں بحق ،جبکہ 8 زخمی ہو گئے، موٹروے پولیس کے مطابق اسپیشل برانچ ملتان ریسکیوکے مطابق 2 اسپیشل برانچ اہلکار جا ں بحق، 8 اہلکار زخمی ہو گئے ، موٹروے پولیس نے لاشیں اور زخمی سول ہسپتال منتقل کر دئیے۔
لاہور :ڈمپر نے موٹر سائیکل کو کچل دیا، 3 افراد جاں بحق
اسپیشل برانچ سپروائزر قمر، سپروائزر ظفر اقبال جا ں بحق اور اسپیشل برانچ ملازم رب نواز، سعید اعجاز، نعمان، قدیر، ڈرائیور ذوالفقار زخمی ہوئے، نعیم اختر اور کانسٹیبل کاشف گجر بھی زخمیو ں میں شامل ہیں۔
موٹروے پولیس کا کہناتھا کہ حادثہ بریک فیل ہونے کے باعث پیش آیا، جبکہ ڈی ایس پی سمندری آفتاب صابر موقع پر پہنچے، موٹروے پولیس نے ریسکیو آپریشن مکمل کر کے جائے حادثہ محفوظ بنا دیا ۔
جامعہ کراچی کے عقب میں جھاڑیوں میں آگ لگ گئی