پنجاب میں سرمایہ کاری کیلئے ماحول سازگار: شافع، آذربائیجان کے وفد کی ملاقات
اشاعت کی تاریخ: 19th, March 2025 GMT
لاہور (کامرس رپورٹر) صوبائی وزیر صنعت و تجارت چوہدری شافع حسین سے لائیو سٹاک، فارماسیوٹیکل اور دیگر شعبوں سے وابستہ آذربائجان کے وفد نے ملاقات کی۔ پاکستان اور آذربائجان کے مابین تجارت بڑھانے کے امور پر بات چیت ہوئی۔ صوبائی وزیر نے مختلف شعبوں میں سرمایہ کاری کے مواقع سے آگاہ کیا۔ چوہدری شافع حسین نے وفد سے گفتگو کرتے ہوئے کہا کہ پاکستان اور آذربائجان کے مابین تجارت بڑھانے کا بہترین وقت ہے۔ پنجاب میں سرمایہ کاری کیلئے سازگار ماحول موجود ہے اور سرمایہ کاروں کو بہترین سہولیات فراہم کی جا رہی ہیں۔ انہوں نے بتایا کہ پنجاب ایگریکلچر اینڈ میٹ کمپنی اور آذربائجان کی کمپنی کے مابین میٹ کمپنی کے بند پلانٹ کو چلانے کا معاہدہ ہو چکا ہے۔ ریفائنری اور سیاحت کے شعبہ میں تعاون بڑھایا جا سکتا ہے۔ اس طرح آذربائجان اور روس کو درکار اشیاء کی برآمدات بڑھانے کا جائزہ لینے کی بھی ضرورت ہے۔ آذربائیجان کا وفد درکار اشیاء کی فہرست دے، حکومت ان اشیاء کی برآمد کا اہتمام کرے گی۔ وفد کے سربراہ مسٹر بابک نے کہا کہ پاکستان کے ساتھ تجارت بڑھانا چاہتے ہیں۔ آذربائیجان کی حکومت پاکستان میں 2 ارب ڈالر کی سرمایہ کاری کرنے جا رہی ہے۔وفد میں پریگما فارم کے بانی مسٹر گیبل ایز گروو، مسٹر بابک اور دیگر شامل تھے۔پنجاب سرمایہ کاری بورڈ کے ڈائریکٹر ڈاکٹر عمران ہاشمی بھی ملاقات میں موجود تھے۔
.ذریعہ: Nawaiwaqt
کلیدی لفظ: سرمایہ کاری
پڑھیں:
امریکی ناظم الامور نٹالی بیکر اور قونصل جنرل کرسٹن ہاکنز کی وزیراعلیٰ پنجاب مریم نواز سے ملاقات
امریکی ناظم الامور نٹالی اے بیکر اور قونصل جنرل کرسٹن کے ہاکنز نے وزیراعلیٰ پنجاب مریم نواز شریف سے ملاقات کی۔
یہ بھی پڑھیں: نوجوانوں میں مریم نواز کی بڑھتی مقبولیت، وجہ کیا ہے؟
وزیراعلیٰ نے امریکی ناظم الامور نٹالی اے بیکر اور قونصل جنرل کرسٹن کے ہاکنز کا پر تپاک خیر مقدم کیا۔
مریم نواز شریف نے نٹالی بیکر کی بطور ناظم الامور پاکستان میں متحرک اور مثبت کردار کو سراہا۔
اس موقعے پر پاک امریکا دیرینہ تعلقات کو مزید مستحکم بنانے اور باہمی دلچسپی کے شعبوں میں تعاون بڑھانے پر تفصیلی تبادلہ خیال کیا گیا۔
وزیراعلیٰ مریم نواز شریف نے حالیہ پاک بھارت کشیدگی میں امریکا کے تعمیری کردار اور جنگ بندی میں تعاون کو سراہتے ہوئے کہا کہ جنوبی ایشیا میں پائیدار امن کے لیے امریکا کا فعال کردار نہایت اہم ہے۔
پی ایس ایل میں لاہور قلندرز کی حمایت پر وزیراعلیٰ مریم نواز شریف نے نٹالی بیکر کا شکریہ ادا کیا۔
مزید پڑھیے: یوم تکبیر پر محمد نواز شریف اور وزیراعلیٰ مریم نواز کی طرف سے قوم کو مبارکباد اور پیغامات
مریم نواز شریف کا کہنا تھا کہ پاکستان اور امریکا تعلقات مشترکہ اقدار اور اسٹریٹجک مفادات پر قائم ایک قابل قدر شراکت داری ہے۔ انہوں نے سسٹر اسٹیٹ ہونے کے ناطے کیلیفورنیا کے عوام سے یکجہتی کا اظہار بھی کیا۔
انہوں نے کہا کہ پنجاب اور کیلیفورنیا کے درمیان تعلقات مزید گہرے کرنے کے خواہاں ہیں۔
مریم نواز شریف کا کہنا تھا کہ پاکستان ٹیکسٹائل سمیت دیگر شعبوں میں امریکا کے لیے اسٹرٹیجک پارٹنر کے طور پر ابھر رہا ہے۔
انہوں نے کہا کہ پنجاب ملک کا سب سے بڑا اور معاشی طور پر فعال صوبہ ہے اور ہم امریکی سرمایہ کاری اور تعاون کا خیرمقدم کرتے ہیں۔
ان کا کہنا تھا کہ پاکستانی نژاد امریکی کمیونٹی دونوں ممالک کے درمیان تعلقات کا مضبوط پل ہے۔
مزید پڑھیں: مریم نواز کا بڑا اعلان، پنجاب کے 59 شہروں میں ترقیاتی منصوبے شروع
وزیراعلیٰ مریم نواز شریف نے امریکی کانگریشنل پاکستان کاکس کے ساتھ ملاقات کو مثبت اور تعمیری قرار دیا۔ انہوں نے کہا کہ موسمیاتی تبدیلی، غذائی تحفظ اور پائیدار ترقی جیسے چیلنجز پر امریکا کو اہم عالمی شراکت دار سمجھتے ہیں۔
مریم نواز نے کہا کہ امریکا کے ساتھ اسٹرٹیجک شراکت داری کو مزید وسعت دینے کے خواہاں ہیں۔
انہوں نے کہا کہ پنجاب کو پہلے ویمن ورچوئل پولیس اسٹیشن قائم کرنے کا اعزاز حاصل ہے۔ انہوں نے مزید کہا کہ خواتین کو بہترین سروسز فراہم کی جارہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی قونصل جنرل کرسٹن کے ہاکنز امریکی ناظم الامور نٹالی اے بیکر وزیراعلیٰ پنجاب مریم نواز شریف
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم