عوام کی آراء کو حکومت تک پہچانے میں میڈیا کا اہم کردار ہے، مظہر سعید
اشاعت کی تاریخ: 19th, March 2025 GMT
آزاد کشمیر کے آفیسران کے جائزہ اجلاس سے خطاب کرتے ہوئے وزیر اطلاعات کا کہنا تھا کہ ڈیجیٹل ذمہ داری کے کلچر کو فروغ دے کر سوشل میڈیا کے ذریعے جھوٹ اور انتشار پھیلانے والے کلچر کی حوصلہ شکنی کی جا سکتی ہے۔ اسلام ٹائمز۔ وزیر اطلاعات آزاد حکومت ریاست جموں و کشمیر مولانا پیر محمد مظہر سعید شاہ نے کہا ہے کہ ڈیجیٹل ذمہ داری کے کلچر کو فروغ دے کر سوشل میڈیا کے ذریعے جھوٹ اور انتشار پھیلانے والے کلچر کی حوصلہ شکنی کی جا سکتی ہے۔ مثبت چیز کو خبر بنائیں، سچ کو پروموٹ کریں اور معاشرے کا مثبت چہرہ لوگوں کو دکھایا جائے۔ سوشل میڈیا کے منفی استعمال کیوجہ سے فیک نیوز اور سماجی پولرائزیشن جیسے مسائل نے جنم لیا ہے۔ سوشل میڈیا کی وجہ سے لینڈ سکیپ تبدیل ہو رہا ہے۔ بدلتے ہوئے حالات میں جدید تقاضوں سے ہم آہنگ ہونا وقت کی ضرورت ہے۔ محکمہ اطلاعات کے افسران حکومت کی نیک نامی کیلئے اپنا بھرپور کردار ادا کریں۔ سوشل میڈیا کے دور میں جدید ٹولز کو بروئے کار لایا جائے، اپنی استعداد کو بڑھانے پر خصوصی توجہ دی جائے۔ ان خیالات کا اظہار انہوں نے محکمہ اطلاعات آزادحکومت ریاست جموں و کشمیر کے آفیسران کے جائزہ اجلاس سے خطاب کرتے ہوئے کیا۔
اجلاس میں سیکرٹری اطلاعات سردار عدنان خورشید، ناظم تعلقات عامہ راجہ امجد حسین منہاس، ناظم اطلاعات محمد بشیر مرزا، محکمہ اطلاعات کے ڈویژنل و ضلعی افسران نے شرکت کی۔ اجلاس میں ضلعی افسران نے وزیر اطلاعات کو اپنی کارکردگی بارے بریفنگ بھی دی۔ وزیر اطلاعات نے مجموعی طور پر محکمہ اطلاعات کی کارکردگی پر اطمینان کا اظہار کرتے ہوئے اسے مزید بہتر بنانے کی ہدایت کی۔ مولانا پیر محمد مظہر سعید شاہ نے محکمانہ آفیسران کو ہدایت کی کہ حکومت آزاد کشمیر کی جانب سے ریاست بھر میں لگائے گئے ترقیاتی کاموں کی بھرپور تشہیر کی جائے اور مستند معلومات عوام تک پہنچائی جائیں۔ عوام کی آراء کو حکومت تک پہچانے میں میڈیا کا اہم کردار ہے، میڈیا سے روابط کو مزید مستحکم بنایا جائے۔ انہوں نے کہا کہ ایسا آن لائن ماحول تخلیق کرنے کی ضرورت ہے جو ہماری فلاح و بہبود اور سماجی ہم آہنگی میں رکاوٹ پیدا کرنے کے بجائے مزید اضافہ کرے۔
ذریعہ: Islam Times
کلیدی لفظ: محکمہ اطلاعات سوشل میڈیا کے وزیر اطلاعات
پڑھیں:
ہمیں فورتھ شیڈول میں ڈالنے کی دھمکی، مدارس کا کردار ختم کیا جا رہا: فضل الرحمن
ملتان (نوائے وقت رپورٹ) جے یو آئی (ف) کے سربراہ مولانا فضل الرحمن نے علماء کنونشن سے خطاب کرتے کہا ہے کہ مدارس کے کردار کوختم کیا جا رہا ہے۔ ہمیں دھمکی دی جاتی ہے کہ فورتھ شیڈول میں ڈال دیا جائے گا۔ بھاڑ میں جائے فورتھ شیڈول۔ ہمیں قومی دائرے میں آنے کا کہا جاتا ہے۔ کہتے ہیں سعودی عرب، یو اے ای میں ایسا ہو رہا ہے، تو پھر وہی نظام لایا جائے۔ سیلاب آیا اس وقت حکومت کہاں گئی تھی۔ میدان میں یہ فقیر نظر آرہے ہیں تو حکومت کرنا بھی ان کا حق ہے، تمہارا نہیں۔ امریکہ پر تنقید کرتے کہا افغانستان عراق کو برباد کر دیا پھر کہتے ہیں امن کے لئے آئے ہیں۔ ملک اسلام کے نام پر بنا ہے۔ لاکھوں مسلمانوں نے قربانیاں دیں۔ دینی مدارس کے خلاف منفی پراپیگنڈا کیا جارہا ہے۔
پرنس اینڈریو کے جرائم پیشہ لوگوں سے تعلقات اور جنسی زیادتیاں، شاہی محل میں تنازع شدت اختیار کر گیا