عید پر عمران خان کے لیے پشاوری چپل تیار، تحفہ جیل پہنچے گا کیسے؟
اشاعت کی تاریخ: 26th, March 2025 GMT
پشاور کے روایتی چیل بنانے والے چچا نورالدین نے جیل میں قید بانی چیئرمین پاکستان تحریک انصاف عمران خان کے لیے عیدالفطر کے لیے خصوصی پشاوری چپل تیار کی ہے جو وہ خود جیل جاکر اپنے لیڈر کو دینا چاہتے ہیں۔
چچا نور الدین کے مطابق وہ ہر عید پر عمران خان کے لیے خصوصی چپل تیار کرتے ہیں اور گزشتہ عید کے موقعے پر انہوں نے ’قیدی نمبر 804‘ چپل تیار کی تھی جس کو تحریک انصاف کے ورکرز نے بھی بہت پسند کیا تھا۔
یہ بھی پڑھیں: عمران خان کے لیے قیدی نمبر 804 کی خاص سینڈل تیار
چچا نور الدین جنہیں صدارتی سے بھی نوازا گیا تھا نے بتایا کہ اس بار بھی انہوں نے عمران خان کے لیے اسپیشل چیل تیار کی ہے۔ انہوں نے کہا کہ ’خان صاحب کے لیے تحفہ کے طور پر اسپیشل چپل تیار کرتا ہوں اور وہ اس کو پسند بھی کرتے ہیں‘۔
چچا نور الدین نے بتایا کہ اس بار لائٹ براؤن رنگ کی چیل تیار کی ہے اور ان کی خواہش ہے کہ وہ خود اڈیالہ جیل جا کر عمران خان کو دیں۔
مزید پڑھیے: یوم پاکستان: کپتان چپل سے مشہور ہونے والے چاچا نور دین کو سول ایوارڈ سے نواز دیا گیا
انہوں نے کہا کہ ’میری کوشش ہے کہ تحفہ عمران خان کو خود دے کر آؤں لیکن اگر یہ ممکن نہ ہوا تو علی امین گنڈاپور کے ہاتھ پہنچا دوں گا‘۔
عمران خان کے لیے کپتان چپلپشاور میں روایتی پشاوری چیل کی دکانیں ہر جگہ ہیں لیکن چچا نور الدین کی دکان پر ہر وقت رش لگا رہتا ہے۔ چند سال قبل چچا نور الدین نے کپتان چپل کے نام سے عمران خان کے لیے خصوصی چیل تیار کی تھی جس کے بعد سے وہ خاصے مقبول ہو گئے اور پورے ملک میں ان کی کپتان چیل کے چرچے ہوئے۔ اس کے بعد سے چچا نور الدین ہر عید پر عمران خان کے لیے چیل تیار کرتے ہیں۔
’عمران خان کے جیل جانے سے کاروبار پر اثر پڑا‘چچا نور الدین کے مطابق گزشتہ کچھ عرصے سے مہنگائی کے باعث مجموعی طور پر کاروبار پر منفی اثر پڑا ہے لیکن عمران خان کے جیل جانے سے بھی ان کے چیل کے کاروبار منفی اثر پڑا۔
مزید پڑھیں: خط بنام قیدی نمبر 804
انہوں نے کہا کہ ’عمران کے جیل جانے سے کاروبار پر اثر ضرور پڑا ہے لیکن اس سے زیادہ موجودہ مہنگائی سے کاربار متاثر ہوا ہے‘۔
ان دنوں چچا نور الدین کی دکان پر عید کے لیے پشاوری چپل خریدنے والوں کا رش لگا ہوا ہے۔ صوبے کے مختلف اضلاع کے علاوہ دیگر صوبوں کے خریداروں نے پشاور کا رخ کیا ہے۔ مزید جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور پشاوری چپل چچا نورالدین قیدی 804 چپل قیدی نمبر 804 کپتان چپل.ذریعہ: WE News
کلیدی لفظ: پشاور پشاوری چپل چچا نورالدین قیدی 804 چپل عمران خان کے لیے چچا نور الدین چیل تیار انہوں نے تیار کی
پڑھیں:
میاں بیوی پر مشتمل ڈکیت گروپ، غیرملکیوں کو کیسے لوٹتا تھا؟
ملیر سٹی پولیس نے معلومات کی بنیاد پر تھانہ کلفٹن کے حدود میں ڈکیتییوں میں ملوث گروہ کے سرغنہ کو گرفتار کرلیا، ایس ایس پی ملیر ڈاکٹر عبدالخالق پیرزادہ کے مطابق غیر ملکی شہری کے گھر ڈکیتی میں ملوث گروہ کا سرغنہ گرفتار کیا ہے جبکہ واردات میں ملوث بیوی بھی شریک جرم نکلی۔ ملیر سٹی پولیس نے انٹیلیجنس بیسڈ کارروائی کرتے ہوئے کلفٹن تھانے کی حدود میں گھریلو ڈکیتی کی واردات میں ملوث گروہ کے سرغنہ کو گرفتار کیا۔
ایس ایس پی ملیر کے مطابق ملزم کراچی کے مختلف علاقوں میں گھروں میں چوری و ڈکیتی کی وارداتوں میں ملوث رہا ہے، ملزم ملیر سٹی کے علاقے میں خفیہ طور پر روپوش تھا، جہاں چھاپہ مار کر اسے گرفتار کیا گیا۔
ایس ایس پی ملیر کے مطابق دورانِ تفتیش ملزم نے انکشاف کیا کہ اس کی بیوی وارداتوں میں ملوث ہوتی تھی، گرفتار ملزم کی بیوی گھروں میں ملازمہ کے طور پر کام حاصل کرتی، معلومات اکٹھی کرتی اور پھر ملزم کے ساتھ واردات انجام دیتی۔
ملزمان نے کلفٹن کے علاقے میں واقع ایک غیر ملکی شہری زو باؤ شینگ کے گھر سے لاکھوں روپے مالیت کا کیش، زیورات اور قیمتی سامان لوٹا اور فرار ہوگئے تھے، متاثرہ غیر ملکی شہری زو باؤ شینگ کی مدعیت میں تھانہ کلفٹن میں مقدمہ درج کیا گیا تھا۔
گرفتار ملزم کی شناخت محمد فیاض کے نام سے ہوئی، ملزم نے انکشاف کیا کہ وہ اور اس کی بیوی حلیہ بدل کر وارداتیں کرتے اور بعد ازاں اندرون ملک فرار ہوجاتے۔ پولیس کی جانب سے دیگر فرار ملزمان کی گرفتاری کے لیے مختلف مقامات پر چھاپے مارے جا رہے ہیں، جبکہ گرفتار ملزم سے مزید تفتیش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کپاس کا مسلسل زوال معیشت کے لیے خطرہ بن گیا ہے