میانمار میں 7.7 شدت کا زلزلہ، متعدد ہلاکتوں کا خدشہ
اشاعت کی تاریخ: 28th, March 2025 GMT
میانمار کے وسطی حصے میں جمعے کو دوپہر مقامی وقت کے مطابق 12:50 بجے 7.7 شدت کا زلزلہ محسوس کیا گیا، جس کے بعد 6.8 شدت کا آفٹرشاک بھی آیا۔
امریکی جیولوجیکل سروے کے مطابق، زلزلے کا مرکز سگائنگ شہر سے 16 کلومیٹر شمال مغرب میں اور 10 کلومیٹر کی گہرائی پر تھا۔ 50 سے زیادہ لوگوں کے لاپتہ ہونے کی اطلاع ہے اور متعدد ہلاکتوں کا خدشہ ظاہر کیا جارہا ہے۔
بین الاقوامی میڈیا کے مطابق زلزلے کے جھٹکے شمالی تھائی لینڈ تک محسوس کیے گئے، جہاں دارالحکومت بنکاک میں میٹرو اور ریل کی سروسز معطل کردی گئیں، جبکہ چین کے صوبے یونان میں بھی زلزلے کے جھٹکے ریکارڈ کیے گئے۔
تھائی لینڈ کی وزیراعظم پیٹونگتھرن شنواترا صورت حال کا جائزہ لینے کےلیے ہنگامی اجلاس کر رہی ہیں، جبکہ چین کے ارضیاتی مرکز نے یونان میں زلزلے کی شدت 7.
سوشل میڈیا پر گردش کرنے والی ویڈیوز میں بنکاک اور دیگر شہروں میں عمارتیں ہلتی ہوئی دکھائی دیں، جبکہ لوگ گھبرا کر سڑکوں پر بھاگنے لگے۔ ایک ویڈیو میں بلند و بالا عمارت کے اوپر موجود انفینٹی پول سے پانی گرتا ہوا دکھائی دیا، جبکہ ایک اور ویڈیو میں ایک گھر کے چھوٹے سے پول میں پانی شدت سے ہل رہا تھا، جس سے چھوٹی چھوٹی سونامی جیسی لہریں بن رہی تھیں۔
ایک اور ویڈیو میں ایک بلند عمارت کے مکمل طور پر گرنے کا منظر دکھائی دیا، جس میں دھوئیں اور ملبے کا بڑا بادل نظر آ رہا تھا۔
سوشل میڈیا پر کچھ اطلاعات ہیں کہ میانمار میں آنے والے اس زلزلے کی شدت سے پرانے سگائنگ برج کے کچھ حصے گرگئے ہیں۔
یاد رہے کہ میانمار میں زلزلے نسبتاً عام ہیں، جہاں 1930 سے 1956 کے درمیان سگائنگ فالٹ کے قریب 7.0 یا اس سے زیادہ شدت کے چھ زلزلے آئے تھے، جو ملک کے شمال سے جنوب تک پھیلا ہوا ہے۔ 2016 میں میانمار کے قدیم دارالحکومت باگان میں 6.8 شدت کے زلزلے سے تین افراد ہلاک ہوئے تھے، جبکہ سیاحوں کی مقبول جگہ پر موجود مندروں کی دیواریں بھی گرگئی تھیں۔
ذریعہ: Express News
پڑھیں:
کراچی، کوئٹہ سمیت مختلف اہم شہروں میں بارش
data-id="863a0a8" data-element_type="widget" data-widget_type="theme-post-content.default">
کراچی اور دیگر شہروں میں بارش اور آندھی کا سلسلہ، موسم خوشگوار، بعض مقامات پر نقصان
کراچی کے مختلف علاقوں میں بارش برسانے والا سسٹم داخل ہونے کے بعد ہفتے کی شام مغرب کے بعد ہلکی اور تیز بارش کا سلسلہ شروع ہوگیا، جس سے موسم خوشگوار ہوگیا۔
شہر قائد کے علاقوں قائد آباد، بن قاسم، لانڈھی اور مضافاتی علاقوں میں بارش ہوئی، جبکہ فیڈرل بی ایریا، گلشنِ اقبال، معمار، کورنگی، اورنگی اور گارڈن سمیت دیگر علاقوں میں بھی رم جھم نے گرمی کا زور توڑ دیا۔ تاہم، بارش کے بعد سڑکوں پر پھسلن کے باعث موٹرسائیکل سواروں کو متعدد حادثات کا سامنا کرنا پڑا۔
دوسری جانب، بلوچستان کے علاقے مسلم باغ میں تیز آندھی اور بارش کے نتیجے میں سردار ناصر کالونی میں دیواریں گرنے سے تین گھروں کو نقصان پہنچا۔
ادھر اوکاڑہ کے علاقے گیمبر اور گرد و نواح میں گرد آلود ہواؤں اور تیز آندھی کے باعث بجلی کے متعدد فیڈرز ٹرپ کر گئے، جس سے مختلف علاقوں میں بجلی کی فراہمی متاثر ہوئی۔
سنگجانی جلسہ کیس میں پی ٹی آئی رہنما اسد قیصر کی ضمانت قبل از گرفتاری میں6اگست تک توسیع