بلوچستان کے 3 بڑے مسائل کون سے ہیں؟
اشاعت کی تاریخ: 3rd, April 2025 GMT
رقبے کے اعتبار سے پاکستان کا سب سے بڑا اور آبادی کے لحاظ سے سب سے چھوٹا صوبہ بلوچستان یوں تو قدرتی وسائل، معدنیاتی دولت، گہرے گرم سمندر سمیت کئی نعمتوں سے مالا مال ہے مگر اس سب کچھ کے باوجود صوبہ ترقی کے تناسب میں ملک کا سب سے پست صوبہ تصور کیا جاتا ہے۔
صوبے میں بجلی، پانی، گیس جیسی بنیادی سہولیات 21ویں صدی میں بھی ایک خواب کی مانند ہیں جبکہ تعلیم، صحت، روزگار، انفرا سٹرکچر، صنعتیں اور کاشت کاری جیسی اہم ضروریات صرف نام کی حد تک ہیں۔
ستم بالائے ستم صوبے میں امن و امان کی بگڑتی صورتحال انسانوں سے جینے تک کا بنیادی حق چھین رہی ہے۔ ایسے میں یہ جاننا بہت ضروری ہے کہ صوبے کے 3 ایسے بڑے کون سے مسئلے ہیں جو عوام کی نظر میں سب سے اہم ہیں۔
یہ بھی پڑھیےگورننس کی خرابی کو ریاست سے جوڑنا درست نہیں، وزیر اعلیٰ بلوچستان سرفراز بگٹی
وی نیوز نے اس سوال کے جواب کی تلاش کے لیے مختلف شعبوں سے تعلق رکھنے والے افراد سے صوبے کے 3 بڑے مسائل سے متعلق پوچھا تو عوامی حلقوں کی جانب سے کئی اہم مسائل کو اجاگر کیا گیا لیکن ایک مسئلہ ایسا تھا جس پر ہر شعبے سے تعلق رکھنے والا شخص متفق تھا۔ عوام کے مطابق صوبے کا سب سے بڑا مسئلہ امن و امان کی بگڑتی صورتحال ہے۔
وی نیوز سے بات کرتے ہوئے سینئر صحافی سید علی شاہ نے کہا کہ امن و امان کی بری صورت حال سے بلوچستان میں معاملات زندگی بری طرح متاثر ہوئے ہیں۔ آئے روز بدامنی کے واقعات نے تعلیم، صحت اور سماجی زندگی کو مفلوج کردیا ہے جبکہ لوگوں میں عدم تحفظ کا احساس بڑھ چکا ہے۔
انہوں نے کہا کہ عوام کے ذہنوں پر اس ماحول نے کچھ ایسا اثر ڈالا ہے کہ لوگ یہ تصور کرتے ہیں کہ باہر نکلے تو کوئی حادثہ نہ ہو جائے جبکہ والدین بچوں کو پکنک پر بھی نہیں جانے دے رہے ہیں۔ حالیہ شدت پسندی نے جہاں نظام زندگی متاثر کیا ہے وہیں عوام کو خوف میں بھی مبتلا کیا ہے۔
یہ بھی پڑھیےصورتحال واضح ہے ریاست نے رہنا ہے، دہشتگردی کے خلاف جنگ جیتنی ہے، صدرمملکت آصف زرداری
کوئٹہ کے مقامی تاجر عرفان الحق کے مطابق امن و امان کی مخدوش صورتحال کی وجہ سے کئی مسائل جنم لیتے ہیں جس میں سب سے پہلا معاشی عدم استحکام ہے۔ اگر کسی بھی علاقے میں امن و امان کی صورتحال خراب ہو تو تاجر برادری ایسے علاقوں میں انویسٹمنٹ نہیں کرتی۔ جس کی حالیہ مثال یہ ہے کہ صوبہ بلوچستان سے 5 ہزار سے زائد تاجر دیگر علاقوں کی طرف ہجرت کر گئے ہیں۔ ایسے میں اگر تاجر کسی مخصوص علاقے میں انویسٹمنٹ نہیں کریں گے تو وہاں روزگار کے مواقع پیدا ہونا مشکل ہو جائیں گے اور بے روزگاری کے سبب نوجوان منفی سرگرمیوں کی طرف راغب ہوں گے۔ اس کے علاوہ کسی بھی علاقے میں بدامنی صوبے میں سیاحت کو بھی نقصان پہنچاتی ہے۔ اگر سیاح نہ آئیں تو چھوٹے کاروباری طبقے کے مسائل میں اضافہ ہونے کے خدشات بڑھ جاتے ہیں۔
تجزیہ نگاروں کے مطابق اگر صوبے میں امن بحال ہو جائے تو بلوچستان کے آدھے مسائل حال ہوسکتے ہیں۔
عوامی حلقوں نے صوبے کا دوسرا سب سے بڑا مسئلہ بری طرز حکمرانی کو قرار دیا ہے۔ وی نیوز سے بات کرتے ہوئے سینئر صحافی سعدیہ جہانگیر نے کہا کہ صوبے میں گورننس نام کی کوئی چیز موجود نہیں۔ ملک اور بالخصوص صوبے میں ہونے والے حالیہ الیکشن میں ہونے والی دھاندلی اور اس کے نتیجے میں ایوانوں میں پہنچنے والے لوگ کسی سے چھپے ہوئے نہیں ہیں۔
سعدیہ جانگیر نے بتایا کہ ہر آنے والی حکومت عوامی مسائل کو حل کرنے کے سنہرے خواب تو عوام کو دکھاتی ہے لیکن اقتدار کی سیڑھیاں چڑھتے ہی ان دعووں کو بھول جاتی ہے۔
اقتدار میں بیٹھے لوگوں کو ہر سال اربوں روپے کا بجٹ دیا جاتا ہے لیکن یہ بجٹ نہ جانے کہاں خرچ ہوتا ہے کیونکہ صوبے میں نہ تو بہتر تعلیمی ادارے موجود ہیں اور نہ ہی صحت کی مناسب سہولیات۔ اس کے علاوہ بلوچستان ملک کا واحد صوبہ ہے جہاں موٹر وے جیسی کوئی چیز وجود نہیں رکھتی۔ یہ اس بات کی دلیل ہے کہ صوبے میں گورننس جیسی کسی شے کا وجود نہیں۔
سعدیہ جہانگیر نے کہا کہ ماضی میں لوگ بیڈ گورننس کے خلاف آواز نہیں اٹھاتے تھے لیکن نوجوانوں نسل کو اپنے حق کا علم ہے۔ نوجوان کا اعتبار ایوان سے اٹھ گیا ہے تب ہی سب حق چھینے پر یقین رکھتے ہیں۔
صوبے کا تیسرا بڑا مسئلہ بے روز گاری کو قرار دیا ہے۔ لوگوں کا شکوہ ہے کہ صوبے میں بے روزگاری کی شرح ہر گزرتے سال کے ساتھ بڑھتی جارہی ہے۔
تجزیہ نگاروں کا موقف ہے کہ بلوچستان کی آبادی کا 60 فیصد نوجوانوں پر محیط ہے۔ جن میں سے 2023 کے اعداد وشمار کے مطابق 32 فیصد خواندہ ہیں جبکہ باقی نوجوان یا تو ہنر مند ہیں یا تجارت سے اپنا پیٹ پالتے ہیں۔ جہاں تک بات ہے پڑھے لکھے نوجوانوں کی، ان کے لیے سرکار نوکریاں فراہم کرنے میں بُری طرح ناکام ہو چکی ہے۔ سرکاری محکمے فنڈز کی کمی کے سبب نئی نوکریاں پیدا نہیں کر پا رہے ہیں جبکہ صوبے میں صنعتیں بھی نہ ہونے کے برابر ہیں۔ اس کے علاوہ پڑھے لکھے طبقے کے لیے فری لانسنگ کا آپشن بھی موجود نہیں کیونکہ صوبے کے 50 سے 60 فیصد علاقوں میں انٹرنیٹ سروس بہتر نہیں۔ ایسے میں یہ پڑھا لکھا طبقہ بے روزگاری کا بوجھ ہی اٹھائے پھرتا ہے۔
احمد خان نے بتایا کہ دوسری جانب صوبے کے بیشتر نوجوان سرحدی تجارت سے منسلک ہیں لیکن موجودہ حکومت کی پالیسیوں کے سبب پاک ایران اور پاک افغان سرحد گزشتہ ایک سال سے بند ہے جس کی وجہ سے یہ طبقہ بھی بے روزگار ہوتا جارہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان بلوچستان کے سلگتے مسائل بلوچستان کے مسائل.ذریعہ: WE News
کلیدی لفظ: بلوچستان بلوچستان کے مسائل
پڑھیں:
نوجوان معاشی و سماجی مسائل کے سبب بچے پیدا کرنے سے گریزاں، رپورٹ
اسلام آباد (اُردو پوائنٹ ۔ DW اردو۔ 11 جون 2025ء) اقوام متحدہ کے فنڈ برائے آبادی (یو این ایف پی اے) نے منگل کے روز اپنی ایک تازہ ترین رپورٹ میں بتایا ہے کہ رہن سہن کے اخراجات میں بڑے پیمانے پر اضافہ، صنفی عدم مساوات اور مستقبل کے بارے میں گہری ہوتی بے یقینی کے نتیجے میں بہت سے نوجوان والدین بننے اور اپنے بچوں کی پرورش کو مشکل کام سمجھنے لگے ہیں۔
چینی ویلنٹائنز ڈے پر نوجوانوں کو بچے پیدا کرنے کی ترغیب
دنیا میں آبادی کی صورتحال پر یو این ایف پی اے کی تازہ ترین رپورٹ بعنوان 'باروری کا حقیقی بحران: تبدیل ہوتی دنیا میں تولیدی اختیار کی جستجو' میں بتایا گیا ہے کہ اس وقت لوگوں کی آزادانہ طور سے فیصلہ کرنے کی یہ صلاحیت خطرے میں ہے کہ آیا انہیں بچے پیدا کرنا چاہئیں یا نہیں اور اگر کرنا ہیں تو وہ کب کریں گے۔
(جاری ہے)
رپورٹ میں اس حوالے سے 14 ممالک کی صورتحال بتائی گئی ہے جو دنیا کی 37 فیصد آبادی کا احاطہ کرتے ہیں۔
معاشی خدشاترپورٹ کے مطابق، معاشی رکاوٹیں نوجوانوں میں بچے پیدا کرنے سے گریز کی ایک بڑی وجہ ہے۔ اس حوالے سے جن لوگوں کے ساتھ بات کی گئی ان میں 39 فیصد کا کہنا تھا کہ معاشی تنگی کے باعث وہ حسب خواہش تعداد میں بچے پیدا نہیں کر سکتے۔
چینی نوجوانوں کو شادی میں دلچسپی کیوں نہیں ہے؟
انیس فیصد لوگوں نے موسمیاتی تبدیلی سے لے کر جنگوں تک اور 21 فیصد نے روزگار سے متعلق عدم تحفظ کو اس کی بڑی وجہ بتایا۔
تیرہ فیصد خواتین اور آٹھ فیصد مردوں کا کہنا تھا کہ گھریلو کام کی غیرمساوی تقسیم کے باعث وہ حسب خواہش تعداد میں بچے پیدا نہیں کر سکتے۔
جائزے سے یہ بھی سامنے آیا کہ ایک تہائی بالغ افراد کو ان چاہے حمل کا تجربہ ہو چکا ہے جبکہ ایک چوتھائی کا کہنا تھا کہ وہ اپنی مرضی کے وقت پر بچہ پیدا نہیں کر سکے۔
20 فیصد کا کہنا تھا کہ وہ بچے نہیں چاہتے تھے لیکن کئی طرح کے دباؤ نے انہیں والدین بننے پر مجبور کیا۔ مسئلے کا حلرپورٹ میں گرتی شرح تولید کو روکنے کے لیے بچوں کی پیدائش پر بونس دینے یا آبادی میں اضافے کے حوالے سے اہداف مقرر کرنے جیسے طریقوں کے بارے میں خبردار کرتے ہوئے کہا گیا ہے کہ یہ اکثر غیرموثر ہوتے ہیں اور ان سے انسانی حقوق پامال ہونے کا خدشہ بھی رہتا ہے۔
یو این ایف پی اے نے حکومتوں پر زور دیا ہے کہ وہ اس معاملے میں اپنے لوگوں کی ترجیحات اور ضروریات کو مدنظر رکھیں اور ایسی پالیسیاں اختیار کریں جن کی بدولت بالخصوص نوجوانوں کے لیے والدین بننا آسان ہو سکے۔
چین میں گزشتہ سال شادیوں میں بیس فیصد کمی، شرح پیدائش پر اظہار تشویش
اس ضمن میں ادارے نے رہائش اور اچھے روزگار پر سرمایہ کاری، بچوں کی پیداش پر والدین کو کام سے بامعاوضہ چھٹیاں دینے اور تولیدی صحت کی جامع خدمات تک رسائی بہتر بنانے کی سفارش کی ہے۔
یو این ایف پی اے نے حکومتوں سے یہ بھی کہا ہے کہ وہ مہاجرت کو افرادی قوت کی کمی کے مسئلے کا حل اور کم ہوتی آبادی کے تناظر میں پیداواری صلاحیت برقرار رکھنے کا ذریعہ سمجھیں۔
رپورٹ میں کہا گیا ہے کہ والد کی حیثیت سے بچوں کی نگہداشت سے متعلق سماجی بدنامی، ماؤں کو افرادی قوت سے باہر رکھنے کے رواج، تولیدی حقوق پر قدغن اور صنفی ذمہ داریوں اور تعلقات سے متعلق نوجوانوں کی سوچ پر توجہ دینے کی ضرورت بھی ہے کیونکہ اس کے نتیجے میں بہت سے لوگوں میں شادی نہ کرنے یا تاخیر سے کرنے کا رجحان بڑھ رہا ہے۔
ادارت: صلاح الدین زین
شمالی وزیرستان: انٹیلی جنس آپریشن، 14 بھارتی حمایت یافتہ دہشتگرد ہلاک