ڈاکٹر رمیش کمار وانکوانی کی میزبانی میں ہولی اور عید کی رنگارنگ تقریب، آتش بازی کا شاندار مظاہرہ، ڈپلومیٹس، سول سوسائٹی، بزنس کمیونٹی اور میڈیا نمائندگان کی بڑی تعداد شریک، ہولی اور عید کے الگ الگ کیک کاٹے گئے
اشاعت کی تاریخ: 6th, April 2025 GMT
ڈاکٹر رمیش کمار وانکوانی کی میزبانی میں ہولی اور عید کی رنگارنگ تقریب، آتش بازی کا شاندار مظاہرہ، ڈپلومیٹس، سول سوسائٹی، بزنس کمیونٹی اور میڈیا نمائندگان کی بڑی تعداد شریک، ہولی اور عید کے الگ الگ کیک کاٹے گئے WhatsAppFacebookTwitter 0 6 April, 2025 سب نیوز
کراچی : پاکستان ہندو کونسل کے سرپرست اعلیٰ ڈاکٹر رمیش کمار وانکوانی کے زیر اہتمام ہندو کمیونٹی کے مقدس تہوار ہولی اور مسلمانوں کے تہوار عید کے سلسلے میں بین المذاہب ہم آہنگی کی ایک شاندار تقریب کا انعقاد کیا گیا، رنگارنگ تقریب کا بنیادی مقصد ملک بھر میں بسنے والی مختلف مذہبی برادریوں کے درمیان افہام و تفہیم اور باہمی احترام کو فروغ دینا تھا۔
ڈاکٹر رمیش کمار وانکوانی، جو ڈاکٹر پریم کمار سیتل داس میموریل ٹرسٹ کے سربراہ بھی ہیں، نے اپنی رہائش گاہ وانکوانی ہاؤس کراچی میں تقریب کی میزبانی کرتے ہوئے کہا کہ ہولی برائی پر اچھائی کی فتح کا جشن ہے، یہ دن یاد دلاتا ہے کہ آخری جیت ہمیشہ سچائی کی ہوتی ہے، انہوں نے اس امر پر زور دیا کہ عید اور ہولی جیسے مذہبی تہوار ایک دوسرے کو معاف کرنے کا موقع فراہم کرتے ہیں۔ اس موقع پر ڈاکٹر رمیش کمار وانکوانی نے شرکاء کو آگاہ کیا کہ پاکستان ہندو کونسل نے رواں برس رمضان المبارک کے احترام میں ہولی کا تہوار مارچ کے وسط سے ملتوی کرکے عید الفطر کے بعد منانے کا فیصلہ کیا تھا۔
ڈاکٹر رمیش کا مزید کہنا تھا کہ ثقافتی تبادلے اور بین المذاہب مکالمے کا فروغ امن پسند معاشرے کے قیام کیلیے ناگزیر ہے۔ اس موقع پر شاندار آتش بازی کا مظاہرہ بھی کیا گیا جو ڈاکٹر رمیش ونکوانی کے مطابق اقلیت اور اکثریت کی بحث سے بالاتر ہوکر پاکستان اور پاکستانی عوام کے روشن مستقبل کی عکاسی کرتا ہے۔
ڈاکٹر رمیش وانکوانی نے میڈیا سے گفتگو کرتے ہوئے کہا کہ پاکستانی پرچم کا سبز رنگ ہمارے پیارے ملک کی تمام برادریوں کی نمائندگی کرتا ہے جبکہ سفید رنگ امن اور خوشحالی کا مظہر ہے۔
وانکوانی ہاؤس میں منعقدہ رنگارنگ تقریب میں ہولی تہوار اور عیدملن پارٹی کیلئے دو الگ کیک کاٹے گیے، اس موقع پر مذہبی بھجن، قومی ترانے، ثقافتی پرفارمنس اور روایتی کھانوں نے شرکاء کے دل جیت لیے، مذہبی ہم آہنگی کی تقریب میں مختلف ممالک کے سفارت کاروں، مذہبی رہنماؤں، سول سوسائٹی، تاجر برادری اور میڈیا کے نمائندوں نے شرکت کی۔
.
ذریعہ
ذریعہ: Daily Sub News
کلیدی لفظ: ڈاکٹر رمیش کمار وانکوانی رنگارنگ تقریب ہولی اور عید میں ہولی
پڑھیں:
سینیٹ قائمہ کمیٹی کا بڑا فیصلہ، پرنٹ میڈیا کے معاملات صرف پریس کونسل میں سنے جائیں گے
اسلام آباد: سینیٹ کی قائمہ کمیٹی برائے اطلاعات و نشریات کے اجلاس میں پرنٹ میڈیا سے متعلق شکایات اور اخبارات میں شائع ہونے والی خبروں اور کالمز پر کارروائی کے اختیار کا معاملہ زیر بحث آیا، جہاں سینئر صحافی طارق محمود سمیر نے اپنا مؤقف پیش کرتے ہوئے اہم قانونی نکات اٹھائے۔
اجلاس کے دوران طارق محمود سمیر نے کہا کہ لاہور سے شائع ہونے والے روزنامہ نئی بات میں بیوروکریسی سے متعلق شائع ہونے والے ایک کالم کی بنیاد پر کالم نگار توفیق بٹ اور اخبار کے ایڈیٹر کو نیشنل سائبر کرائم انویسٹی گیشن ایجنسی (این سی سی آئی) کی جانب سے جاری کیا گیا نوٹس واپس لیا جانا چاہیے۔انہوں نے قائمہ کمیٹی کو تجویز دی کہ اس معاملے کو متعلقہ فورم یعنی پریس کونسل آف پاکستان کو بھجوایا جائے، کیونکہ قانون کے مطابق پرنٹ میڈیا سے متعلق شکایات اور تنازعات کا جائزہ لینے کا اختیار صرف پریس کونسل کے پاس ہے۔سینیٹ کی قائمہ کمیٹی نے سینئر صحافی طارق محمود سمیر کی اس تجویز سے متفقہ طور پر اتفاق کرتے ہوئے ہدایت جاری کی کہ مذکورہ معاملہ پریس کونسل آف پاکستان کو بھجوایا جائے تاکہ قانون کے مطابق کارروائی عمل میں لائی جا سکے۔
کمیٹی نے اس موقع پر واضح کیا کہ پرنٹ میڈیا سے متعلق کسی بھی قسم کے معاملات یا شکایات نہ تو پیمرا کے دائرہ اختیار میں آتی ہیں اور نہ ہی این سی سی آئی ایسے معاملات میں براہ راست نوٹس لینے کا مجاز ہے۔ کمیٹی کے مطابق اخبارات میں شائع ہونے والی خبروں، مضامین اور کالمز سے متعلق شکایات صرف پریس کونسل آف پاکستان کے سامنے ہی پیش کی جا سکتی ہیں۔اجلاس میں یہ بھی یاد دلایا گیا کہ پرنٹ میڈیا سے متعلق قانون سازی کے دوران وفاقی حکومت نے قومی اسمبلی میں واضح یقین دہانی کرائی تھی کہ اخبارات اور پرنٹ میڈیا کے معاملات کا واحد مجاز ادارہ پریس کونسل آف پاکستان ہوگا، اور اسی فورم پر شکایات درج کرائی جا سکیں گی۔
قائمہ کمیٹی نے اس مؤقف کو دہراتے ہوئے متعلقہ اداروں پر زور دیا کہ آئندہ بھی پرنٹ میڈیا سے متعلق تمام معاملات قانون کے مطابق صرف پریس کونسل آف پاکستان کے ذریعے ہی نمٹائے جائیں تاکہ آئینی اور قانونی دائرہ اختیار برقرار رہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار