برطانیہ میں 94 فیصد سے زیادہ مصنوعات پر ڈیوٹی فری کی رعایت حاصل کی گئی، وزیر تجارت جام کمال
اشاعت کی تاریخ: 9th, April 2025 GMT
قومی اسمبلی میں وقفہ سوالات کے دوران وزیر تجارت جام کمال نے کہا کہ آم، تازہ کھجور، گوشت، جی ایس پی کی تجدید کیلئے امریکا سے مذاکرات جاری ہیں، برطانیہ میں94 فیصد سے زیادہ مصنوعات پر ڈیوٹی فری کی رعایت حاصل کی گئی۔
برآمدات میں اضافے کیلئے وفاقی حکومت کے اقدامات کی تفصیلات قومی اسمبلی میں پیش کردی گئی۔
جام کمال نے کہا کہ افغانستان کے ساتھ پی ٹی اے کو حتمی شکل دی جا رہی ہے، چین کے ساتھ ایف ٹی اے کی توسیع کیلئے تجاویز کو حتمی شکل دی جارہی ہے، چین میں غذائی مصنوعات کے فروغ کیلئے 14 پروٹوکول پر دستخط کردیے گئے ہیں۔
وزیر تجارت نے کہا کہ ملائیشیا اور انڈونیشیا کے ساتھ تجارتی معاہدوں کا جائزہ لے رہے ہیں، جی سی سی ایف ٹی اے کیلئے بات چیت کا عمل ایڈوانس مرحلے میں ہے، یورپی یونین جی ایس پی پلس کا دو سالہ جائزہ کامیابی سے مکمل کر لیا گیا ہے۔
انہوں نے کہا کہ ترکیہ، ازبکستان اور آذر بائیجان کے ساتھ پی ٹی اے کو آپریشنل کر دیا گیا ہے، افغانستان، ازبکستان اور تاجکستان کے ساتھ ٹرانزٹ ٹریڈ معاہدے فعال ہیں۔
.ذریعہ: Jang News
پڑھیں:
وزیر تجارت سے ایرانی سفیر کی ملاقات: اقتصادی تعاون بڑھانے پر اتفاق
اسلام آباد (نمائندہ خصوصی) وفاقی وزیر تجارت جام کمال خان سے ایرانی سفیر رضا امیری مقدم نے ملاقات کی جس میں پاکستان اور ایران کے درمیان دوطرفہ تجارت اور اقتصادی تعاون کو مزید مضبوط بنانے کے اقدامات پر تبادلہ خیال کیا گیا۔ ملاقات کے دوران وفاقی وزیر تجارت جام کمال خان نے ایرانی سفیر کو پاکستان و ایران مشترکہ اقتصادی کمیشن کے 22ویں اجلاس کے کامیاب انعقاد پر مبارکباد دی اور ایرانی کمپنیوں اور سرکاری اداروں کو ’’فوڈ ایگ‘‘ نمائش میں شرکت کی دعوت دی، جو 25 سے 27 نومبر 2025 تک کراچی ایکسپو سینٹر میں منعقد ہوگی۔ جام کمال نے تجویز دی کہ بلوچستان کے وزیر اعلیٰ اور زاہدان کے گورنر کی اعلیٰ سطحی ملاقاتوں کا اہتمام کیا جائے تاکہ سرحدی علاقوں میں تجارت اور عوامی فلاح و بہبود کو فروغ دیا جا سکے۔ انہوں نے کہا کہ پاکستان کے بحری امور، ریلوے اور مواصلات کے وزراء کو بھی ایران مدعو کیا جائے تاکہ باہمی تعاون کے امکانات کا جائزہ لیا جا سکے۔ ایرانی سفیر رضا امیری مقدم نے دوطرفہ تجارت میں پیشرفت کا ذکر کرتے ہوئے بتایا کہ ایران نے پاکستان سے 4 لاکھ ٹن چاول کی درآمد مکمل کر لی ہے جبکہ اب وہ مویشیوں کی خوراک اور مکئی کی خریداری کے لیے تیار ہے۔ وفاقی وزیر نے کہا کہ گزشتہ ایک سال کے دوران دونوں ممالک کے درمیان مثبت پیشرفت سے تعلقات مزید مضبوط ہوئے ہیں۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا