آرامکو نے سعودی عرب میں تیل اور گیس کے 14 نئے ذخائر دریافت کرلیے
اشاعت کی تاریخ: 9th, April 2025 GMT
پیٹرولیم اور گیس کی مشہور سعودی کمپنی آرامکو کو بڑی کامیابی ملی ہے اور سعودی عرب میں تیل اور گیس 14 نئے ذخائر دریافت ہوئے ہیں۔
سعودی عرب کے وزیر توانائی شہزادہ عبدالعزیز بن سلمان بن عبدالعزیز کی جانب سے نئے ذخائر دریافت ہونے کی تصدیق کی گئی ہے۔ انہوں نے خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان بن عبدالعزیز آل سعود کو اس کامیاب دریافت پر مبارک باد پیش کی ہے۔
یہ بھی پڑھیں اسلام آباد میں سعودی کمپنی آرامکو کا پیٹرول پمپ کھل گیا
وزیر توانائی نے بتایا کہ سعودی کمپنی آرامکو کو مشرقی ریجن اور ربع الخالی کے صحرائی علاقے میں یہ کامیابی ملی ہے، جس سے توانائی کے عالمی رہنما کے طور پر سعودی عرب کی پوزیشن مزید مستحکم ہو گئی ہے۔
انہوں نے کہاکہ مشرقی ریجن کے کنویں ’الجبو 1‘ سے تیل کا اخراج یومیہ 800 بیرل جبکہ صیاھد آئل فیلڈ سے دریافت ہونے والا ذخیرہ یومیہ 630 بیرل ہے۔
انہوں نے مزید بتایا کہ مذکورہ دریافتوں کے بعد عیفان آئل فیلڈ کے کنویں ’عیفان 2 ‘ سے یومیہ 2840 بیرل تیل جبکہ وہاں سے یومیہ 0.
اس کے علاوہ الجبیلہ کے البری آئل فیلڈ کے کنویں سے 520 بیرل یومیہ کی شرح سے ہلکے بہاؤ کے ساتھ خام تیل دریافت ہوا ہے، جبکہ کنویں میں 0.2 ملین مکعب فٹ قدرتی گیس بھی موجود ہے۔
اس کے علاوہ دیگر جگہوں پر بھی وافر مقدار میں خام تیل دریافت ہوا ہے، جبکہ مشرقی صوبے میں قدرتی گیس بھی بڑی مقدار میں ملی ہے۔
سعودی عرب کے وزیر توانائی نے کہاکہ توقع کی جاتی ہے کہ ان نتائج سے معاشی نمو کو آگے بڑھایا جائے گا، اور سعودی عرب کی گھریلو اور بین الاقوامی توانائی کی طلب کو مؤثر طریقے سے پورا کرنے کی صلاحیت کو تقویت ملے گی۔
یہ بھی پڑھیں سعودی کمپنی آرامکو کی پاکستان میں بڑی سرمایہ کاری، گیس اینڈ آئل کمپنی کے 40 فیصد حصص خرید لیے
انہوں نے مزید کہاکہ وہ وژن 2030 کے مقاصد سے ہم آہنگ ہیں، جس کا مقصد قدرتی وسائل کی قدر کو زیادہ سے زیادہ کرنا اور عالمی توانائی کی حفاظت کو یقینی بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرامکو تیل اور گیس کے ذخائر خام تیل ذخائر دریافت سعودی عرب قدرتی گیس وی نیوزذریعہ: WE News
کلیدی لفظ: ا رامکو تیل اور گیس کے ذخائر خام تیل ذخائر دریافت قدرتی گیس وی نیوز ذخائر دریافت قدرتی گیس انہوں نے اور گیس ا رامکو
پڑھیں:
پاکستان میں بڑے آبی ذخائر کی تعمیر کے لیے نائب وزیراعظم اسحاق ڈار کی زیر صدارت اعلیٰ سطحی اجلاس
نائب وزیراعظم اور وزیر خارجہ محمد اسحاق ڈار نے پاکستان میں بڑے آبی ذخائر کی تیز رفتار تعمیر کے لیے مربوط قومی اقدامات اور فعال منصوبہ بندی کی ضرورت پر زور دیا ہے۔
نائب وزیراعظم اور وزیر خارجہ سینیٹر محمد اسحاق ڈار نے آج ملک میں پانی کے ذخیروں کی تعمیر کے لیے ایک اعلیٰ سطحی اجلاس کی صدارت کی۔
اجلاس میں پنجاب، سندھ، خیبر پختونخوا اور گلگت بلتستان کے وزرائے اعلیٰ نے شرکت کی۔ وزیراعظم آزاد جموں و کشمیر، وفاقی وزراء برائے آبی وسائل، منصوبہ بندی، خزانہ، قانون و انصاف؛ آئی پی سی اور پی ایم او پر وزیر اعظم کے مشیر؛ ایس اے پی ایم سے ڈی پی ایم آفس؛ اقتصادی امور کے وفاقی سیکرٹریز، آبی وسائل، کابینہ، خزانہ، منصوبہ بندی، چیئرمین ایف بی آر، چیف سیکرٹری بلوچستان اور دیگر اہم اسٹیک ہولڈرز بھی اجلاس میں شریک تھے۔
اجلاس میں پاکستان بھر میں پانی کے بڑے ذخائر کی تعمیر کا عمل تیز کرنے پر غور و خوض کیا گیا۔ کمیٹی نے مؤثر وسائل کو متحرک کرنے اور طویل مدتی بنیادی ڈھانچے کی منصوبہ بندی کے لیے سفارشات پیش کیں۔
نائب وزیراعظم محمد اسحاق ڈار نے مربوط قومی اقدامات، پاکستان کے پانی کے بڑھتے ہوئے چیلنجوں کو کم کرنے کے لیے فعال منصوبہ بندی کی ضرورت پر زور دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار بڑے آبی ذخائر کی تعمیر
پاکستان اور افغانستان کا باہمی اعتماد کے فروغ کیلئے تعاون جاری رکھنے پر اتفاق