وزیراعظم 2 روزہ سرکاری دورے پر بیلاروس روانہ، نواز شریف بھی ہمراہ
اشاعت کی تاریخ: 10th, April 2025 GMT
اسلام آباد:وزیراعظم شہباز شریف 2 روزہ سرکاری دورے پر بیلاروس کے لیے روانہ ہو گئے۔ مسلم لیگ ن کے صدر اور سابق وزیراعظم نواز شریف بھی ان کے ہمراہ ہیں۔
بیلاروس کے صدر الیگزینڈر لوکاشینکو کی دعوت پر وزیراعظم شہباز شریف 10 سے 11 اپریل 2025ء تک بیلاروس کا سرکاری دورہ کریں گے۔ اس موقع پر نائب وزیراعظم و وزیر خارجہ محمد اسحاق ڈار، وفاقی وزیر اطلاعات و نشریات عطا اللہ تارڑ اور معاون خصوصی طارق فاطمی بھی وزیر اعظم کے ہمراہ ہیں۔
دریں اثنا مسلم لیگ ن کے صدر اور سابق وزیراعظم میاں نواز شریف بھی بیلاروس کے دورے پر روانہ ہو گئے۔ پارٹی ذرائع کے مطابق وزیراعلیٰ پنجاب مریم نواز بھی ان کے ہمراہ روانہ ہوئی ہیں۔
ان کے علاوہ سینئر صوبائی وزیر مریم اورنگزیب، حسن نواز، چیف سیکرٹری پنجاب زاہد اختر زمان بھی بیلاروس کے لیے روانہ ہوئے ہیں جب کہ نواز شریف کے ذاتی معالج ڈاکٹر عدنان بھی بیلاروس جانے والے وفد میں شامل ہیں۔
قبل ازیں نواز شریف کی سربراہی میں وفد لاہور سے خصوصی طیارے کے ذریعے اسلام آباد کے لیے روانہ ہوا، جہاں سے انہیں وزیراعظم شہباز شریف کے ہمراہ بیلاروس جانا تھا۔ ذرائع کا کہنا ہے کہ نواز شریف بیلاروس سے لندن جائیں گے۔
مسلم لیگ ن کی سیکرٹری اطلاعات مریم اورنگزیب نے اپنے بیان میں بتایا ہے کہ نواز شریف آج بیلاروس جا رہے ہیں۔ وہ وزیراعظم شہباز شریف کے ساتھ بیلاروس کے صدر الیگزینڈر لوکاشنکو کی دعوت پر یہ دورہ کررہے ہیں۔
مہمان وفد بیلاروس کے صدر کی جانب سے دیے گئے عشائیے میں بھی شریک ہوگا۔
Post Views: 5.ذریعہ: Daily Mumtaz
کلیدی لفظ: وزیراعظم شہباز شریف بیلاروس کے نواز شریف کے ہمراہ کے صدر
پڑھیں:
جو کہتے تھے نواز شریف مائنس ہوگئے، آج وہ خود مائنس ہو گئے ،مریم نواز
لاہور:وزیراعلیٰ پنجاب مریم نواز نے کہا ہے کہ نواز شریف کو مائنس کہنے والے آج خود مائنس ہو گئے، علیمہ خان نے بانی پی ٹی آئی کے مائنس ہونے کا اعتراف کر لیا، پنجاب کی تاریخ کا سب سے بڑا بجٹ دینا اور کوئی ٹیکس نہ لگانا معجزہ ہے، اپوزیشن کا شکریہ جنہوں نے ہمیں یہاں تک پہنچایا، میں نے عوام سے کیا ہر وعدہ پورا کیا، کسی قسم کی تفریق ہماری سوچ نہیں ہو سکتی، میرا مقابلہ اپنی ہی قیادت کی پرفارمنس سےتھا، اپوزیشن بھی جانتی ہے نواز شریف کی بیٹی جو کہتی ہے وہ کرتی ہے۔
پنجاب اسمبلی میں اظہار خیال کرتے ہوئے مریم نواز نے کہا کہ موجودہ حکومت نے پنجاب کی تاریخ کا سب سے بڑا بجٹ پیش کیا اور اس میں کوئی نیا ٹیکس نہیں لگایا، صرف ٹیکس نیٹ کو بڑھایا گیا ہے۔ انہوں نے کہا کہ صرف ایک سال میں جو کام ہوئے ہیں، ان سب کا احاطہ کرنا ممکن نہیں۔
انہوں نے کہا کہ پنجاب حکومت نے 5335 ارب روپے کا تاریخی بجٹ دیا اور 30 سال سے واجب الادا قرض مکمل طور پر ختم کر دیا۔ انہوں نے وزیر خزانہ، سیکرٹری خزانہ اور سینئر وزراء کی بجٹ میں کوششوں کو سراہا اور کہا کہ بجٹ میں عوامی ریلیف کو ترجیح دی گئی۔
انہوں نے کہا کہ ریونیو میں تاریخی اضافہ ہوا، سرکاری ملازمین کی تنخواہوں اور پنشن میں اضافہ کیا گیا، جبکہ معدنیات کے شعبے میں 30 ارب روپے کی بچت کی گئی۔ مریم نواز نے دعویٰ کیا کہ جنوبی پنجاب کو خصوصی توجہ دی گئی، جہاں سے گرین بسوں، صاف پانی کے منصوبے اور لیپ ٹاپ اسکیم کا آغاز کیا جا رہا ہے۔
وزیراعلیٰ پنجاب نے کہا کہ ہر ضلع، تحصیل اور شہر ان کے لیے یکساں اہمیت رکھتا ہے اور پنجاب کے تمام شہریوں کو لاہور جیسی سہولیات دی جا رہی ہیں۔ انہوں نے کہا کہ صوبے بھر میں بنیادی مراکز صحت کی اپ گریڈیشن جاری ہے اور گھر گھر ادویات پہنچائی جا رہی ہیں۔
مریم نواز نےوزیراعظم شہباز شریف، افواج پاکستان اور فیلڈ مارشل عاصم منیر کو بھارت کے خلاف کامیابی پر خراج تحسین پیش کیا۔ ان کا کہنا تھا کہ اللہ تعالیٰ نے بھارت کی مسلط کردہ جنگ میں پاکستان کو فتح دی۔ انہوں نے ایران اور اسرائیل کے درمیان جنگ بندی کو خوش آئند قرار دیتے ہوئے اسرائیل کی جارحیت کی مذمت کی۔
انہوں نے کہا کہ پاکستان ایک پرامن ملک ہے اور امن کے اصولوں پر کاربند ہے۔ مریم نواز نے کہا کہ آئی ایم ایف کا ٹارگٹ پورا کرنا ایک مشکل کام تھا لیکن ہم نے کر دکھایا۔
پنجاب اسمبلی کے اجلاس کے دوران وزیراعلیٰ پنجاب کے خطاب کے دوران اپوزیشن کی جانب سے شدید شور شرابا کیا گیا۔ مریم نواز نے اپوزیشن کی مداخلت پر ردعمل دیتے ہوئے کہا، ”بولنے دیں، انہیں بولنے دیں“۔
مریم نواز نے بانی تحریک انصاف پر سخت تنقید کرتے ہوئے کہا کہ علیمہ خان نے خود تسلیم کیا کہ بانی پی ٹی آئی مائنس ہو چکے ہیں اور اب ان کی اپنی جماعت بھی یہی کہہ رہی ہے۔ انہوں نے کہا کہ ”جو کہتے تھے نواز شریف مائنس ہوگئے، آج وہ خود مائنس ہو گئے ہیں۔
انہوں نے کہا کہ اپوزیشن بھی جانتی ہے کہ نواز شریف کی بیٹی جو کہتی ہے وہ کرتی ہے۔ ان کا مقابلہ کسی اور سے نہیں، اپنی قیادت کی کارکردگی سے ہے۔ مریم نواز نے اپوزیشن کا بھی شکریہ ادا کیا اور کہا کہ ”آپ ہی کی وجہ سے ہم یہاں تک پہنچے ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی