نواز شریف کو مائنس کہنے والے آج خود مائنس ہو گئے، مریم نواز
اشاعت کی تاریخ: 27th, June 2025 GMT
لاہور(نیوز ڈیسک)وزیراعلیٰ پنجاب مریم نواز کا کہنا ہے کہ نواز شریف کو مائنس کہنے والے آج خود مائنس ہو گئے، علیمہ خان نے بانی پی ٹی آئی کے مائنس ہونے کا اعتراف کر لیا، انھوں نے کہا کہ پنجاب کی تاریخ کا سب سے بڑا بجٹ دینا اور کوئی ٹیکس نہ لگانا معجزہ ہے، اپوزیشن کا شکریہ جنہوں نے ہمیں یہاں تک پہنچایا، میں نے عوام سے کیا ہر وعدہ پورا کیا، کسی قسم کی تفریق ہماری سوچ نہیں ہو سکتی، میرا مقابلہ اپنی ہی قیادت کی پرفارمنس سےتھا، اپوزیشن بھی جانتی ہے نواز شریف کی بیٹی جو کہتی ہے وہ کرتی ہے۔
وزیراعلیٰ پنجاب مریم نواز نے پنجاب اسمبلی میں اظہار خیال کرتے ہوئے کہا ہے کہ موجودہ حکومت نے پنجاب کی تاریخ کا سب سے بڑا بجٹ پیش کیا اور اس میں کوئی نیا ٹیکس نہیں لگایا، صرف ٹیکس نیٹ کو بڑھایا گیا ہے۔ انہوں نے کہا کہ صرف ایک سال میں جو کام ہوئے ہیں، ان سب کا احاطہ کرنا ممکن نہیں۔
مریم نواز نے کہا کہ پنجاب حکومت نے 5335 ارب روپے کا تاریخی بجٹ دیا اور 30 سال سے واجب الادا قرض مکمل طور پر ختم کر دیا۔ انہوں نے وزیر خزانہ، سیکرٹری خزانہ اور سینئر وزراء کی بجٹ میں کوششوں کو سراہا اور کہا کہ بجٹ میں عوامی ریلیف کو ترجیح دی گئی۔
انہوں نے کہا کہ ریونیو میں تاریخی اضافہ ہوا، سرکاری ملازمین کی تنخواہوں اور پنشن میں اضافہ کیا گیا، جبکہ معدنیات کے شعبے میں 30 ارب روپے کی بچت کی گئی۔ مریم نواز نے دعویٰ کیا کہ جنوبی پنجاب کو خصوصی توجہ دی گئی، جہاں سے گرین بسوں، صاف پانی کے منصوبے اور لیپ ٹاپ اسکیم کا آغاز کیا جا رہا ہے۔
وزیراعلیٰ پنجاب نے کہا کہ ہر ضلع، تحصیل اور شہر ان کے لیے یکساں اہمیت رکھتا ہے اور پنجاب کے تمام شہریوں کو لاہور جیسی سہولیات دی جا رہی ہیں۔ انہوں نے مزید کہا کہ صوبے بھر میں بنیادی مراکز صحت کی اپ گریڈیشن جاری ہے اور گھر گھر ادویات پہنچائی جا رہی ہیں۔
وزیراعظم، فیلڈ مارشل اور افواج پاکستان کو بھارت کیخلاف کامیابی پر خراج تحسین
مریم نواز نے اپنے خطاب میں وزیراعظم شہباز شریف، افواج پاکستان اور فیلڈ مارشل عاصم منیر کو بھارت کے خلاف کامیابی پر خراج تحسین پیش کیا۔ ان کا کہنا تھا کہ اللہ تعالیٰ نے بھارت کی مسلط کردہ جنگ میں پاکستان کو فتح دی۔ انہوں نے ایران اور اسرائیل کے درمیان جنگ بندی کو خوش آئند قرار دیتے ہوئے اسرائیل کی جارحیت کی مذمت کی۔
انہوں نے کہا کہ پاکستان ایک پرامن ملک ہے اور امن کے اصولوں پر کاربند ہے۔ مریم نواز نے کہا کہ آئی ایم ایف کا ٹارگٹ پورا کرنا ایک مشکل کام تھا لیکن ہم نے کر دکھایا۔
مریم نواز کے خطاب کے دوران اپوزیشن کا شور شرابا
پنجاب اسمبلی کے اجلاس کے دوران وزیراعلیٰ پنجاب کے خطاب کے دوران اپوزیشن کی جانب سے شدید شور شرابا کیا گیا۔ مریم نواز نے اپوزیشن کی مداخلت پر ردعمل دیتے ہوئے کہا، ”بولنے دیں، انہیں بولنے دیں“۔
اپنے خطاب میں مریم نواز نے بانی تحریک انصاف پر سخت تنقید کرتے ہوئے کہا کہ علیمہ خان نے خود تسلیم کیا کہ بانی پی ٹی آئی مائنس ہو چکے ہیں اور اب ان کی اپنی جماعت بھی یہی کہہ رہی ہے۔ انہوں نے کہا کہ ”جو کہتے تھے نواز شریف مائنس ہوگئے، آج وہ خود مائنس ہو گئے ہیں۔“
انہوں نے کہا کہ اپوزیشن بھی جانتی ہے کہ نواز شریف کی بیٹی جو کہتی ہے وہ کرتی ہے۔ ان کا مقابلہ کسی اور سے نہیں، اپنی قیادت کی کارکردگی سے ہے۔ مریم نواز نے اپوزیشن کا بھی شکریہ ادا کیا اور کہا کہ ”آپ ہی کی وجہ سے ہم یہاں تک پہنچے ہیں۔“
مزیدپڑھیں:سپریم کورٹ نے نظر ثانی درخواستیں منظورکرلیں، پی ٹی آئی کو مخصوص نشستیں دینے کا فیصلہ کالعدم
ذریعہ: Daily Ausaf
کلیدی لفظ: انہوں نے کہا کہ مریم نواز نے نواز شریف مائنس ہو
پڑھیں:
’نواز شریف کو مائنس کرنے والا خود پارٹی اور گھر سے مائنس ہوگیا‘
لاہور(نیوز ڈیسک) وزیر اطلاعات و نشریات پنجاب عظمیٰ بخاری کا کہنا ہے کہ نواز شریف کو مائنس کرنے والا بانی پی ٹی آئی خود پارٹی اور گھر سے مائنس ہوگیا۔
عظمیٰ بخاری نے اپنے بیان میں کہا کہ عمران خان کو اس کی بہن علیمہ خانم اور پارٹی نے ہی مائنس کر دیا، علیمہ خانم مسلسل علی امین گنڈاپور کے خلاف سازش کر رہی ہے، وزیر اعلیٰ خیبر پختونخوا نے بھی اپنے خلاف سازشوں کا اعتراف کر لیا ہے۔
صوبائی وزیر نے کہا کہ علی امین گنڈاپور نے بطور چیف ایگزیکٹو بجٹ منظور کروایا ورنہ گھر جانا طے تھا، علیمہ خانم گروپ اور پی ٹی آئی کا سوشل میڈیا سیل علی امین گنڈاپور کے خلاف مہم چلا رہا ہے۔
انہوں نے مزید کہا کہ پی ٹی آئی وفاق میں تین گروپوں میں تقسیم ہے جبکہ خیبر پختونخوا میں بھی تین الگ گروپس ہیں، کے پی میں جنید اکبر، عاطف خان اور پارٹی کے باغیوں کے الگ گروپس ہیں۔
ان کا کہنا تھا کہ خیبر پختونخوا 12 سال سے ریلو کٹوں اور کرپٹ ٹولے کے رحم و کرم پر ہے، پنجاب گڈ گورننس، شفافیت اور میرٹ میں باقی صوبوں کیلیے رول ماڈل ہے، وزیر اعلیٰ مریم نواز کارکردگی میں تمام وزرائے اعلیٰ میں نمبر ون ہیں۔
گزشتہ روز عمران خان کی ہمشیرہ علیمہ خانم سے صحافی نے سوال کیا کہ عمران خان نے کہا تھا بجٹ منظوری کے بغیر پاس نہ کریں تو کیا وہ مائنس ہوگئے ہیں؟
جواب میں علیمہ خانم نے کہا کہ میرا خیال ہے مائنس عمران خان ہوگیا ہے۔ صحافی نے پوچھا کہ کے پی ممبران کہتے ہیں علی امین گنڈاپور طاقتور ہیں انہیں نہ نہیں کہہ سکتے۔ جواب میں ان کا کہنا تھا کہ کے پی ممبران اسمبلی بوجھ نہیں اٹھا سکتے تو گھر چلے جائیں۔
علیمہ خانم کا کہنا تھا کہ پولیس نے اڈیالہ جیل جانے سے روکنا ہے تو روکے ہم نہیں ڈرتے، عمران خان نے خطے کی صورتحال پر متحد رہنے کا پیغام دیا ہے۔
ان کا کہنا تھا کہ بجٹ کی پروا نہیں عمران خان نے جو کہا کہ وہ ہمارے لیے اہم ہے نہیں معلوم بجٹ پاس کرنے کی کیا جلدی تھی، انہوں نے بجٹ پاس کرنے کیلیے دو دن بانی کا انتظار نہیں کیا، حیران ہوں ارکان صوبائی اسمبلی نے بجٹ پر بحث بھی نہیں کی۔
مزیدپڑھیں:جولائی سے نیا بائیو میٹرک نظام، ’فنگر پرنٹس کام نہ کریں تو پیسے کون دے گا؟‘
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی