نواز شریف کو مائنس کرنیوالا آج خود مائنس ہوگیا جس کی تصدیق علیمہ خان نے خود کی، مریم نواز
اشاعت کی تاریخ: 27th, June 2025 GMT
لاہور:
پنجاب کی وزیراعلیٰ مریم نواز نے کہا ہے کہ نواز شریف کو مائنس کرنے والا آج خود مائنس ہوگیا ہے، جس کی تصدیق علیمہ خان نے خود کی ہے اور ان کو کسی نے مائنس نہیں کیا بلکہ ان خود ان کی ناقص کارکردگی نے مائنس کیا ہے۔
پنجاب اسمبلی میں بجٹ تقریر کے دوران وزیراعلیٰ مریم نواز نے کہا کہ تاریخ کا سب سے بڑا بجٹ دیا، تاریخ کی سب سے بڑی اسپینڈنگ کرنی ہے، پھر اس کے بعد کوئی ٹیکس نہ لگانا معجزہ ہے۔
انہوں نے کہا کہ میں پارلیمنٹ کا شکریہ ادا کرتی ہوں جس نے نہ صرف بجٹ پیش کیا بلکہ کثرت رائے سے منظور کرایا، پنجاب کا 30 سال کا ڈومیسٹک قرضہ آج ڈیڑھ سال میں اللہ کے فضل سے صفر ہو چکا ہے اور مسلسل دوسرے سال ٹیکس فری بجٹ دینے کے باوجود پنجاب کا ان سورس ریونیو 50 فیصد بڑھا ہے۔
مریم نواز کی تقریر کے دوران اسمبلی میں اپوزیشن نے اسپیکر کی رولنگ ہوا میں اڑا دی اور سیٹوں سے اٹھ کے احتجاج اور نعرے بازی کی۔
وزیراعلیٰ پنجاب نے کہا کہ بجائے ٹیکس میں اضافہ کرنے کے ٹیکس نیٹ بڑھایا ہے، مائنز اینڈ مںنرلز کے شعبے میں میں 30 ارب روپے کی بچت کی ہے، مائنز اینڈ منرلز میں انقلابی کام کرنے پر وزیر شیر علی گورچانی اور ان کی پوری ٹیم کو شاباش دیتی ہوں۔
یہ پڑھیں: میرا خیال ہے مائنس عمران خان ہوچکا، علیمہ خان
انہوں نے کہا کہ عالمی مالیاتی ادارہ (آئی ایم ایف) کی کنڈیشن کے ساتھ ہم نے بچت کی اور آئی ایم ایف کا سرپلس ٹارگٹ پورا کیا، یہ آسان کام نہیں تھا، بہترین مالی مینجمنٹ کی وجہ سے ہم اس میں کامیاب ہوئے ہیں۔
مریم نواز نے کہا کہ پہلے سال کی طرح ہم نے صرف منصوبوں کا اعلان نہیں کیا بلکہ سب سے بڑا ترقیاتی فنڈ رکھا اور اس میں ایک ہزار 13 ارب عوام پر خرچ ہوچکا ہے، میں نے پہلی تقریر میں کہا تھا میرا مقابلہ کسی اور سے نہیں اپنی کی جماعت کے جائینٹس سے ہے جن کا نام نواز شریف اور شہباز شریف ہے۔
انہوں نے کہا کہ اراکین صوبائی اسمبلی کے تعاون کے بغیر میں یہ کامیابی حاصل نہیں کر سکتی تھی،اپنے اراکین اسمبلی کے صبر اور ان کی بردباری کو سیلوٹ پیش کرتی ہوں، اس سے پہلے ہائیسٹ یوٹیلائزیشن 585 بلین تھی۔
ان کا کہنا تھا کہ میں نے پہلے سال جو وعدے کیے تھے وہ پورے کیے اور آج میں اپنے آپ کو آپ کے سامنے اور اس پارلیمنٹ کے سامنے جواب دہ ہوںے کے لیے حاضر ہوں، میں نے بغیر کسی تفریق کے کام کیا، میرے ہر منصوبے میں پنجاب کے ہر علاقے کے شہری کا وہی حصہ ہے جو لاہور کے باسیوں کا حصہ ہے۔
مریم نواز نے کہا کہ بھکر، لیہ، راجن پور، ڈی جی خان اور رحیم یار خان سب شامل ہیں، جس طرح لاہور والے شامل ہیں، جو بڑے شہروں کو ملا وہی پنجاب کے پسماندہ علاقوں کو ملا ہے، کسی بھی طرح کی تفریق مریم ںواز نہیں کر سکتی۔
انہوں نے کہا کہ یہاں جنوبی پنجاب کے نام پر کتنی حکومتیں بنائی اور گرائی گئیں اور جنوبی پنجاب کے ساتھ جھوٹے وعدے کیے گیے اور ہر وعدہ جھوٹا نکلا پینے کے صاف پانی کا سب سے بڑا منصوبہ جنوبی پنجاب سے شروع کرنے جا رہے ہیں۔
مریم نواز شریف کی تقریر کے دوران اپوزیشن اورحکومتی ارکان گھتم گتھا ہو گئے، جس پر مریم نواز نے مسکراتے ہوئے کہا کہ ان کو لگے رہنے دیں آپ مجھے دیکھیں انہیں تو دیکھتے رہتے ہیں، ان کو بولنے دیں ان کا حق ہے۔
مریم نواز نے کہا کہ آج سیاسی بات نہیں کرنا چاہتی لیکن کیا کروں پولیٹیکل اینمل ہوں، میری بہن علیمہ خان نے خود کہا تھا ان کا بھائی عمران خان مائنس ہو گیا ہے، جو کہتے تھے نواز شریف مائنس ہوگیا آج وہ خود مائنس ہوگئے ہیں، ان کو کسی نے مائنس نہیں کیا ان کو ان کی ناقص کارکردگی نے مائنس کیا ہے۔
انہوں نے کہا کہ شرمپ فارمنگ کو اس سال پانچ ہزار ایکڑ پر شروع کرنے جا رہے ہیں، کسان کارڈ کا سب سے زیادہ فائدہ لیہ، رحیم یار خان اور بہاولپور کے کسانوں کو ملا ہے، لیپ ٹاپ اسکیم میں جنوبی پنجاب کے بچوں کو شیئر کو ملا ہے۔
ان کا کہنا تھا کہ جیسے ماں کو ہر بچہ پیارا ہوتا ہے اور ماں اپنے بچوں میں تفریق نہیں کرتی، ایسے ہی مریم نواز کے لیے پنجاب کا ہر شہر، ہر گاؤں اور ہر تحصیل ایک طرح اہمیت رکھتا ہے، چاہے وہ فیلڈ اسپتال ہوں، کلینک ان وہیل ہوں، انسولین ہوں یا مریم کی دستک منصوبہ ہوں یہ پنجاب کی لینڈ مارک بن چکا ہے۔
اس موقع پر مریم نواز ںے اسکرین پر منصوبوں کی ویڈیو چلوانے کی درخواست کر دی اور کہا کہ جتنا بڑا بجٹ اس سال پنجاب کو ملا ہے اس کی تاریخ میں کوئی مثال نہیں ملتی، 75 ملین کی لاگت سے پہلا سرکاری کینسر اسپتال تکمیل کے مراحل تک پہنچ چکا ہے اور یہ ہزار بیڈ کا اسپتال ہے جہاں عالمی معیار کے ڈاکٹر اور مشینری ہوگی۔
مریم نواز نے کہا کہ میں خوشی کے ساتھ پنجاب کے عوام کو بتانا چاہتی ہوں یہ کینسر اسپتال اس سال فنکشنل ہو جائے گا۔
.ذریعہ: Express News
کلیدی لفظ: مریم نواز نے کہا کہ انہوں نے کہا کہ نواز شریف علیمہ خان کو ملا ہے پنجاب کے مائنس ہو ہے اور
پڑھیں:
وزیراعلیٰ مریم نواز نے ہونہار طلبا و طالبات کو خوشخبری سنا دی
وزیراعلیٰ پنجاب مریم نواز شریف نے اعلان کیا ہے کہ صوبے کے طلبہ کے لیے ’ہونہار اسکالرشپ‘ پروگرام کا آن لائن پورٹل دوبارہ کھول دیا گیا ہے۔
سماجی رابطے کی ویب سائٹ ’ایکس‘ پر جاری پیغام میں انہوں نے نوجوانوں کو مخاطب کرتے ہوئے کہاکہ پیارے طلبہ! آپ کے خواب پنجاب کے روشن مستقبل کی ضمانت ہیں۔
My dear students of Punjab!
Your dreams are the heartbeat of Punjab’s future.
Through the HONAHAR Scholarship Program, Alhamdolillah, 80,000 young minds have been given the wings to thrive, 50,000 already receiving their scholarships, 30,000 more on the way, and many more to…
— Maryam Nawaz Sharif (@MaryamNSharif) August 10, 2025
انہوں نے بتایا کہ اب تک اس پروگرام کے تحت 80 ہزار سے زیادہ باصلاحیت طلبہ کو تعلیمی پرواز کے لیے پر دیے جا چکے ہیں، جن میں سے 50 ہزار نوجوان پہلے ہی اس اسکالرشپ سے فائدہ اٹھا رہے ہیں، جبکہ مزید 30 ہزار طلبہ کو وظائف دیے جائیں گے، اور مستقبل میں اس تعداد میں مزید اضافہ کیا جائے گا۔
مریم نواز کا کہنا تھا کہ ’ہونہار اسکالرشپ‘ گزشتہ برس سے 67 جدید اور مستقبل سے ہم آہنگ شعبوں میں طلبہ کے لیے تعلیم کے دروازے کھول رہا ہے، تاکہ نوجوانوں کو ان کی صلاحیتوں کے مطابق ترقی کے بھرپور مواقع فراہم کیے جا سکیں۔
انہوں نے طلبہ پر زور دیا کہ وہ اعتماد اور شوق کے ساتھ اسکالرشپ کے لیے درخواست دیں اور اپنے خوابوں کی تعبیر حاصل کریں۔ انہوں نے مزید کہا کہ نوجوانوں کی کامیابی ہی ان کا اصل فخر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews خوشخبری سنا دی مریم نواز ہونہار طلبا و طالبات وزیراعلٰی پنجاب وی نیوز
عمران خان کی گرفتاری پر 5؍ اگست کویومِ سیاہ