سعودی حکومت ہمیں مزار سیدہؑ کی تعمیر کی اجازت دے، اشرف آصف جلالی
اشاعت کی تاریخ: 10th, April 2025 GMT
تحریک لبیک یارسول اللہﷺ کے سربراہ کا کہنا تھا کہ مزارات کے انہدام جیسے واقعات سے یہودیوں کو مسجد اقصیٰ اور فلسطین میں موجود دیگر مقدسات اسلام کی بے حرمتی کرنے کا حوصلہ ملا۔ جنت البقیع اور جنت معلی کے انہدام سے شروع ہونیوالی ایک نام نہاد تحریک کے اثرات بد سے آج مسجد اقصیٰ جیسے شعائر اسلام کا تحفظ مشکل ہو چکا ہے۔ اسلام ٹائمز۔ تحریک لبیک یارسول اللہ صلی اللہ علیہ وآلہ وسلم اور تحریک صراط مستقیم کے زیراہتمام ”یوم جنت البقیع“ کے موقع پر خطاب کرتے ہوئے ڈاکٹر محمد اشرف آصف جلالی نے کہا کہ سعودی حکومت اجازت دے تو حضرت سیدہ فاطمہؑ کے مزار مقدس کی عالیشان تعمیر کیلئے تیار ہیں۔ غلبہ اسلام کی خاطر سعودی حکومت جنت البقیع کے مزارات کو از سر نوء تعمیر کرے یا ہمیں تعمیر کرنے کی اجازت دے۔ قومِ عاد اور ثمود وغیرہ کے آثار کو ازِ سر نو تعمیر کیا جا رہا ہے جبکہ آثارِ رسول ﷺ ایک ایک کر کے مٹا دیئے گئے ہیں۔ جنت البقیع کے انہدام کو ایک صدی گزر جانے کے باوجود آج بھی یہ سانحہ تازہ ہے۔ خاتون جنت حضرت سیدہ فاطمۃ الزہراءؑ و دیگر اہلبیت کرامؑ اور صحابہ کرام رضی اللہ عنہم کے مزارات کے انہدام جیسے واقعات سے یہودیوں کو مسجد اقصیٰ اور فلسطین میں موجود دیگر مقدسات اسلام کی بے حرمتی کرنے کا حوصلہ ملا۔ جنت البقیع اور جنت معلی کے انہدام سے شروع ہونیوالی ایک نام نہاد تحریک کے اثرات بد سے آج مسجد اقصیٰ جیسے شعائر اسلام کا تحفظ مشکل ہو چکا ہے۔
سربراہ ٹی ایل وائی اہلبیت اطہارؑ اور صحابہ کرام رضی اللہ عنہم کے مزارات کو مسمار کرنیوالی سوچ سے دہشتگرد قوتوں نے جنم لیا۔ جس کے نتیجے میں دنیا میں بہت دہشتگردی پھیلی جس کا نقصان صرف مسلمانوں کو ہوا ہے۔ مختلف ممالک میں انبیاء کرام علیہم السلام، آئمہ اہلبیتؑ، صحابہ کرام اور اولیاء کے مزارات پر دہشتگردی کے المناک واقعات کے ڈانڈے جنت البقیع میں ہونیوالی دہشتگردی سے ملتے ہیں۔ تقریباً ایک صدی پہلے جنت البقیع میں ہونیوالی دہشتگردی کا محاسبہ نہ ہونے کی وجہ سے آج تمام عالم اسلام لہولہان ہے۔ جنت البقیع میں فاتحہ خوانی پر پابندی عائد کرنے سے اور اس کی مقدس شخصیات کی قبور پر بوٹ پہن کر چلنے والے سعودی اہلکاروں کے رویے سے امت مسلمہ میں اضطراب پایا جا رہا ہے۔ جنت البقیع امت مسلمہ کی عقیدت کا مرکز ہے۔ ہم اس کے تقدس کی بحالی کیلئے جدوجہد کو اپنے مذہب کا حصہ سمجھتے ہیں۔ سعودی حکومت امت مسلمہ کے جذبات کا خیال رکھے۔ جنت البقیع کی بحالی کا مسئلہ ہمارے ایمان کا مسئلہ ہے۔
ذریعہ: Islam Times
کلیدی لفظ: سعودی حکومت جنت البقیع کے انہدام کے مزارات
پڑھیں:
ادارے سرحدوں کی حفاظت کریں ، صوبے میں کسی آپریشن کی اجازت نہیں دینگے،گنڈا پور
ادارے سرحدوں کی حفاظت کریں ، صوبے میں کسی آپریشن کی اجازت نہیں دینگے،گنڈا پور WhatsAppFacebookTwitter 0 24 July, 2025 سب نیوز
پشاور (سب نیوز)وزیراعلی کے پی علی امین گنڈاپور نے کہا ہے کہ صوبے میں گڈ طالبان کی کوئی گنجائش نہیں، کسی آپریشن کا کوئی نتیجہ نہیں نکلا، آپریشن نہیں چاہتے، دہشت گردوں کے خلاف اب ڈرون استعمال نہیں ہوگا، میرے صوبے کے حوالے سے محسن نقوی کو فیصلے کرنے کی کوئی اجازت نہیں، خیبرپختونخوا میں کسی بھی جانب سے ڈرون حملہ قابل قبول نہیں اور حکومت ہر قیمت پر صوبے کے امن و امان کو یقینی بنائے گی، بارڈر کی سیکیورٹی وفاق کی ذمہ داری ہے لیکن وفاقی حکومت اپنے فرائض ادا نہیں کر رہی، جس کی وجہ سے دہشتگردوں کی نقل و حرکت میں اضافہ ہو رہا ہے، وفاق خاموش تماشائی بنا ہوا ہے، خیبرپختونخوا میں امن و امان کو کنٹرول کرنے کی مکمل صلاحیت موجود ہے، لیکن صوبے کو اس کے آئینی حقوق سے محروم رکھا جا رہا ہے۔
پشاور میں آل پارٹیز کانفرنس کے بعد پریس کانفرنس کرتے ہوئے وزیراعلی کے پی علی امین گنڈاپور کا کہنا تھا کہ بارڈرایریا وفاقی حکومت کی ذمہ داری ہے، وفاقی حکومت اپنی ذمہ داری پوری نہیں کر رہی، بارڈر ایریا سے متعلق مرکزی حکومت سے بات کریں گے، صوبے میں گڈ طالبان کی کوئی گنجائش نہیں۔انہوں نے کہا کہ اس وقت ڈرونز کے ذریعے کارروائیاں کی جا رہی ہیں، ہم نے فیصلہ کیا ہے صوبے میں دہشتگردوں کیخلاف ڈرون استعمال نہیں ہوگا، کوئی بھی شخص اسلحہ کے ساتھ نظر آئے گا تو اس کیخلاف کارروائی ہوگی، ہم نے ہر ضلع میں پولیس کی بھرتی کی منظوری دی ہے۔ان کا کہنا تھا کہ صوبے کے اثاثے اور اختیار ہمارے پاس ہی ہیں اور ہمیشہ رہیں گے، کوئی ہم سے صوبے کے اثاثے اور اختیار نہیں لے سکتا، صوبے کے اندر کسی قسم کی وفاقی فورس کارروائی نہیں کر سکتی، وفاق اپنی فورسز کو بارڈر کی حفاظت کیلئے لگائے۔
علی امین گنڈاپور نے کہا کہ ہمارا صوبہ ہمیں چلانے دیں، وفاقی وزرا ہمارے صوبے سے متعلق بات نہ کریں، ہمارا صوبہ اپنے وسائل پر پیروں پر کھڑا ہوسکتا ہے، ہمارا صوبہ بجلی بنا سکتا ہے، ہمارے تمام واجبات واپس کئے جائیں، بارڈر ٹریڈ کلیئر نہ ہونے سے ہماری تجارت متاثر ہو رہی ہے، ہماری بارڈرٹریڈ کو کلیئر کیا جائے۔وزیراعلی خیبرپختونخوا کا مزید کہنا تھا کہ آپ نے افغانستان 2 نمائندے بھیجے لیکن ہمیں تحفظات ہیں، اسحاق ڈار اور محسن نقوی میرے صوبے کی بات نہیں کر سکے، میرے صوبے کے مسائل سے متعلق محسن نقوی کچھ نہیں جانتے، میرے صوبے کا فیصلہ یہاں کے عمائدین کریں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخیبرپختونخوا سے 3نومنتخب اراکین نے سینیٹ رکنیت کا حلف اٹھا لیا خیبرپختونخوا سے 3نومنتخب اراکین نے سینیٹ رکنیت کا حلف اٹھا لیا پاکستان سنجیدہ مذاکرات کی دعوت دے چکا ، اب فیصلہ بھارت کو کرنا ہوگا، دفتر خارجہ عمران کے بیٹے مہم چلا سکتے ہیں، مگر 190ملین پاونڈ کیس کا ذکر بھی کریں، عطا تارڑ پاکستان میں اصلاحات اور ڈیجیٹائزیشن سے سرمایہ کاروں کا اعتماد بڑھا ہے، اسحاق ڈار صدر مملکت سے چینی سفیر کی ملاقات، خطے میں امن کیلئے مشترکہ اقدامات کا عزم پی ٹی آئی رہنما بشارت راجہ گرفتاری کے بعد رہاCopyright © 2025, All Rights Reserved
رابطہ کریں ہمارے بارے ہماری ٹیم
علی گنڈاپور صادق و امین نہیں رہے، وزیراعلیٰ پختونخوا کیخلاف مقدمے کی درخواست