خیبرپختونخوا کابینہ اجلاس، اہم فیصلوں کی منظوری
اشاعت کی تاریخ: 10th, April 2025 GMT
علی امین گنڈا پور کی زیرصدرات خیبرپختونخوا کی صوبائی کابینہ کا اجلاس، اہم فیصلوں کی منظوری۔
یہ بھی پڑھیں:پنجاب بمقابلہ خیبرپختونخوا اسمبلی، کون کتنی تنخواہ لیتا ہے؟
کے پی حکومت کے مشیر اطلاعات بیرسٹر ڈاکٹر سیف کے مطابق خیبرپختونخوا کی صوبائی کابینہ کا 30واں اجلاس وزیراعلی خیبرپختونخوا علی امین خان گنڈاپور کی زیر صدارت منعقد ہوا۔ اجلاس میں کابینہ اراکین، چیف سیکرٹری، ایڈیشنل چیف سیکریٹریز، سینئر ممبر بورڈ آف ریونیو، ایڈووکیٹ جنرل خیبرپختونخوا نے شرکت کی۔
شعبہ تعلیمبیرسٹر ڈاکٹر سیف کے مطابق کابینہ اجلاس میں سرکاری اسکولوں میں مفت کتابوں کی فراہمی کے لیے فنڈ کی فراہمی کی منظوری دی گئی اور کتابوں کی معیاری چھپائی اور دوبارہ استعمال سے متعلق پلان تیار کر کے کابینہ میں پیش کرنے کی ہدایت کی گئی ہے۔
مشیر اطلاعات کے مطابق کابینہ اجلاس میں نئے تعلیمی سال میں داخلہ لینے والے بچوں کو مفت بستوں کی فراہمی کا بھی اصولی فیصلہ کیا گیا، اور حوالے سے حکام کو پلان کابینہ کے آئندہ اجلاس میں پیش کرنے کی ہدایت کی گئی ہے۔
کابینہ اجلاس میں تعلیم سے محروم رہ جانے والے بچوں کے داخلے کے لیے حکمت عملی ترتیب دینے پر غور کیا گیا، کابینہ نے ایسے بچوں کی بڑی تعداد پر تشویش کا اظہار کیا۔
پی ٹی سی کونسلز کے لیے فنڈکابینہ اجلاس میں پیرنٹ ٹیچر کونسل کے لیے سالانہ فنڈ 5 ارب سے بڑھا کر 7 ارب کرنےکی منظوری بھی دی گئی۔کابینہ اجلاس میں پی ٹی کونسلز کے ذریعے فنڈ کے مؤثر استعمال یقینی بنانے کی ہدایت کی گئی۔
صحت کارڈ ٹرانسپلانٹ و امپلانٹ اسکیم کا آغازبیرسٹر ڈاکٹر سیف کے مطابق کابینہ نے صحت سہولت کے تحت مفت ٹرانسپلانٹ و امپلانٹ سروس دینے کا فیصلہ کیا ہے۔ کڈنی، لیور، بون میرو ٹرانسپلانٹ کا خرچہ حکومت برداشت کرے گی۔
مشیر اطلاعات کے مطابق کوکلئیر انپلانٹ کا خرچہ بھی حکومت برداشت کرے گی۔ جب کہ اگلے مرحلے میں منشیات کے عادی افراد کی بحالی کو صحت کارڈ میں شامل کیا جائے گا۔
میڈیسنل کینابیسکابینہ نے علاج، تحقیق و صنعتی مقاصد کے لیے کینابیس پلانٹ کو استعمال میں لانے کے لیے رولز کی منظوری دی۔
پشاور رنگ روڈاجلاس میں پشاور رنگ روڈ وارسک ٹو ناصر باغ لنک کی تعمیر کے لیے نان اے ڈی پی اسکیم کی منظوری دی گئی۔
یہ بھی پڑھیں:علی امین بمقابلہ عاطف خان گروپ: صوبائی صدارت جانے کے بعد کیا وزیراعلیٰ کی پوزیشن کمزور ہوگئی؟
پشاور واٹر سپلائیبیرسٹر ڈاکٹر سیف کے مطابق اجلاس میں مہمند ڈیم سے پشاور کو پینے کے پانی کی فراہمی کے لئے واٹر سپلائی سکیم کی منظوری دی گئی۔
ٹی ایم اے کو مشینری کی فراہمیصوبے کے 132 تحصیل میونسپل ایڈمنسٹریشنز کو سینٹیش سروسز کے لیے مشینری کی خریداری کے لیے 3.
نوجوانوں کو فنی مہارت کے مواقع فراہم کرنے کے لیے اپرینٹائسشپ رولز کی منظوری دی گئی۔
رولز کی منظوری سے نوجوانوں کو کارخانوں میں کام سیکھنے کے مواقع فراہم ہوں گے۔
دینی مدارس کے لیے گرانٹکابینہ نے دینی مدارس کے لئے مختص گرانٹ کی رقم 30 ملین سے بڑھا کر 100ملین کرنے کی منظوری دی۔
اجلاس میں خیبرپختونخوا گورنمنٹ سرونٹس ہاؤسنگ فاؤنڈیشن ایکٹ 2025 کی منظوری دی گئی۔
انسپکشن ٹیمگورنر انسپکشن ٹیم اور صوبائی انسپکشن ٹیم کو ضم کرنے کی منظوری دی گئی۔
قبائلی اضلاع کے انضمام کے بعد گورنر انسپکشن ٹیم کی افادیت نہیں رہی تھی جس کو اب صوبائی انسپکشن ٹیم میں ضم کر دیا گیا۔
صوبائی انسپکشن ٹیم کی کارکردگی مستحکم کرنے کے لیے کمیٹی کی تشکیل کی بھی منظوری دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اہم فیصلے بیرسٹر سیف خیبرپختونخوا کابینہ علی امین گنڈاپور مشیراطلاعاتذریعہ: WE News
کلیدی لفظ: اہم فیصلے بیرسٹر سیف خیبرپختونخوا کابینہ علی امین گنڈاپور مشیراطلاعات بیرسٹر ڈاکٹر سیف کے مطابق کابینہ اجلاس میں کی منظوری دی گئی انسپکشن ٹیم کابینہ نے کی فراہمی علی امین کرنے کی کے لیے میں پی
پڑھیں:
سینیٹ اجلاس، بلوچستان میں غیرت کے نام پر ہونے والے قتل کیخلاف قرارداد منظور
سینیٹ میں غیرت کے نام پر بلوچستان میں ہونے والے قتل پر متفقہ طور پر منظور ہونے والی قرارداد میں کہا گیا کہ یہ ایوان بلوچستان میں غیرت کے نام پر قتل کی مذمت کرتا ہے، جرگہ میں ملوث افراد کو سخت سے سخت سزا دی جائے۔ متن کے مطابق اس طرح کے جرائم کی روک تھام ہونی چاہئے۔ اسلام ٹائمز۔ سینیٹ میں غیرت کے نام پر بلوچستان میں ہونے والے قتل پر قرارداد متفقہ طور پر منظور ہو گئی۔ قرارداد سینیٹر شیری رحمان نے پیش کی، جس میں کہا گیا کہ ایوان بلوچستان میں غیرت کے نام پر قتل کی مذمت کرتا ہے، جرگہ میں ملوث افراد کو سخت سے سخت سزا دی جائے۔ متن کے مطابق اس طرح کے جرائم کی روک تھام ہونی چاہئے، پاکستان کے تمام شہریوں کی قانون و آئین کے مطابق حفاظت کی ذمہ داری ریاست کی ہے۔
قرار داد کے مطابق ملزمان کو قانون کے مطابق سخت سزا دی جائے، حکومت واقعہ میں ملوث افراد کے خلاف کارروائی کرے۔ اس موقع پر سینیٹر شیری رحمان نے کہا کہ ایسے واقعات صرف بلوچستان نہیں پورے ملک میں ہو رہے ہیں، چیئرمین پیپلز پارٹی بلاول بھٹو نے بلوچستان واقعے کی مذمت کی ہے۔
اسلام آباد: این سی سی آئی اے کا جعلی کال سینٹر پر چھاپہ، 149 افراد گرفتار