پنجاب کی ثقافت میرے دل کے قریب،دعا ہے ہمارا صوبہ ہمیشہ ہنستا بستا رہے، مریم نواز
اشاعت کی تاریخ: 17th, April 2025 GMT
لاہور: وزیراعلیٰ پنجاب مریم نواز نے کہا ہے کہ پنجاب کی ثقافت میرے دل کے قریب ہے، دعا ہے ہمارا صوبہ ہمیشہ ہنستا اوربستا رہے
صوبائی دارالحکومت کے الحمرا ہال میں پنجابی کلچر ڈے کی تقریب سے خطاب کرتے ہوئے مریم نواز کا کہنا تھا کہ پنجاب ایک خوبصورت صوبہ ہے، پنجابی بولنے والوں کو اپنی زبان پر فخر ہونا چاہیے، مجھے بھی پنجابی ہونے پر فخر ہے۔
انہوں نے کہا کہ مجھے پنجاب کی مٹی اور کلچرسے محبت ہے، مشرف دور میں ہمیں ملک سے جانا پڑا، اس وقت بھی ہمیں اپنے وطن کی بہت یاد آتی تھی، پنجاب کی ثقافت میرے دل کے قریب ہے۔
وزیراعلیٰ پنجاب کا کہنا تھا کہ 30سال بعد ملک میں ہارس اینڈ کیٹل شو کا انعقاد ہوا، کوئی بھی گانا سن لیں لیکن بھنگڑے کا کوئی متبادل نہیں ہے۔
مریم نواز نے کہا کہ مخالفین ملک ڈیفالٹ کرنے کی باتیں کررہے تھے، اب سٹاک مارکیٹ روزانہ کی بنیاد پر اوپر جا رہی ہے، ملک کے حالات بہت بہتر ہو رہے ہیں اور باہر سے سرمایہ کاری بھی آرہی ہے، مہنگائی میں کمی اور بجلی کی قیمتوں کے متعلق گفتگو کی جارہی ہے۔
ان کا مزید کہنا تھا کہ ہسپتالوں میں عوام کوصحت کی بہتر سہولتیں فراہم کر رہے ہیں، فنکاروں کے لیے جلد اقدامات کا اعلان کریں گے، دعا ہےکہ ہمارا پنجاب ہمیشہ ہنستا اوربستا رہے میری پوری کوشش ہوتی ہے آٹے کی قیمت کم رہے، حکومت عوام کوریلیف فراہمی کےلیےہرممکن اقدام کر رہی ہے۔
قبل ازیں وزیراعلیٰ پنجاب نے تین روزہ پنجابی کلچر ڈے کا افتتاح کیا ، افتتاحی تقریب میں ملکی فنکاروں اور اعلیٰ شخصیات نے بڑی تعداد میں شرکت کی ۔
علاوہ ازیں مریم نواز نے افتتاح کے موقع پر الحمرا ہال میں لگائے گئے ثقافت کے رنگوں سے سجے سٹالز کا بھی معائنہ کیا۔
ذریعہ: Daily Mumtaz
پڑھیں:
وزیراعلیٰ مریم نواز کا دسمبر تک 1115 الیکٹرو بسیں فعال کرنے کا حکم
لاہور (نیوز ڈیسک)وزیراعلیٰ پنجاب مریم نواز نے دسمبر تک پنجاب میں 1115 الیکٹرو بسیں فعال کرنے کا حکم دے دیا۔
وزیراعلیٰ پنجاب مریم نواز شریف کی زیرصدارت 4 گھنٹے طویل جائزہ اجلاس میں پنجاب کے مختلف اہم محکموں سے تفصیلی بریفنگ لی گئی اور متعدد اہم فیصلے کئے گئے۔
وزیراعلیٰ مریم نواز شریف نے سیلاب متاثرہ علاقوں میں 11.5 لاکھ افراد کی طبی سہولتوں کی فراہمی پر اطمینان کا اظہار کیا، انہوں نے بتایا کہ سیلاب کے دوران سانپ کے کاٹنے کے 174 واقعات سامنے آئے لیکن فلڈ ریلیف کیمپوں میں موجود ویکسین کی فراہمی کی بدولت تمام جانیں بچ گئیں، وزیراعلیٰ نے صحت کے شعبے کی کارکردگی پر شاباش دیتے ہوئے بروقت علاج کے باعث قیمتی انسانی جانوں کی حفاظت پر حکومت کے اقدامات کو سراہا۔
وزیراعلیٰ نے صوبہ بھر میں پانی کی فراہمی کے حوالے سے اہم اقدامات اٹھانے کا فیصلہ کیا، دور دراز علاقوں میں پانی کی کمی کو دور کرنے کے لئے گھر گھر بوتل بند پانی فراہم کرنے کا منصوبہ شروع کرنے کا اعلان کیا گیا، اس کے علاوہ پنجاب بھر میں 5000 سے زائد واٹر فلٹریشن پلانٹس کو فعال کرنے اور ان کی کارکردگی کا جائزہ لینے کے لئے ٹائم لائن طلب کی گئی، وزیراعلیٰ نے ہدایت کی کہ محکمے واٹر فلٹریشن پلانٹس کا جائزہ لے کر ان کی تکمیل کو یقینی بنائیں۔
مریم نواز شریف نے صوبے میں سروائیکل کینسر ویکسی نیشن کی مہم میں کامیابی پر اظہار اطمینان کیا اور بتایا کہ 65 لاکھ بچیوں کو ویکسی نیشن فراہم کی جا چکی ہے جس سے پنجاب نے دوسرے صوبوں کو پیچھے چھوڑ دیا ہے، وزیراعلیٰ نے ہدایت کی کہ سپیشل افراد کے لئے خصوصی سکیمیں بنائی جائیں اور ان کے گھروں تک سہولتیں پہنچائی جائیں۔
پنجاب میں ماحول دوست ٹرانسپورٹ کی سہولت فراہم کرنے کے لئے وزیراعلیٰ نے دسمبر تک 1115 الیکٹرو بسوں کو عملی جامہ پہنانے کی ہدایت کی، ڈپٹی کمشنرز کو چارجنگ اسٹیشنز کے قیام کی ہدایت کی گئی جبکہ الیکٹرو بسوں کے لئے نئے سٹاپ ڈیزائن بھی منظور کئے گئے.
وزیراعلیٰ پنجاب مریم نواز نے اجلاس سے خطاب کرتے ہوئے کہا ہے کہ اس منصوبے نے قلیل مدت میں عوامی مقبولیت کے ریکارڈ قائم کئے ہیں۔
انہوں نے لاہور ڈویلپمنٹ پروجیکٹ کے تحت 4624 گلیوں کی تعمیر اور بحالی کے کام کو جلد مکمل کرنے کی ہدایت کرتے ہوئے کہا کہ نو تعمیر شدہ گلیوں کی حفاظت کرنا ضروری ہے اور اس سلسلے میں سخت اقدامات کئے جائیں گے۔
اجلاس میں پلیسر گولڈ پروجیکٹ کا آغاز کرنے کا فیصلہ کیا گیا ہے جس سے پنجاب کے عوام کو فائدہ پہنچے گا، وزیراعلیٰ نے ہدایت کی کہ اس منصوبے سے حاصل ہونے والا منافع عوامی فلاح کیلئے استعمال کیا جائے، اس کے ساتھ ساتھ چنیوٹ میں آئرن اور میانوالی میں پلیسر گولڈ کی کانوں کی ابتدائی سٹڈی مکمل کر لی گئی ہے اور اس منصوبے کے آغاز میں صرف 4 ماہ کی مدت باقی ہے۔
وزیراعلیٰ نے جنوبی پنجاب کے 148 دیہات کو مثالی گاؤں بنانے کا فیصلہ کیا ہے جس میں ملتان کے 62، بہاولپور کے 48 اور ڈی جی خان کے 38 دیہات شامل ہوں گے، ان گاؤں میں جدید سہولتوں جیسے پارکس، پکی گلیاں اور جوہڑوں کی صفائی کی جائے گی۔
مریم نواز شریف نے حکومتی محکموں کو سختی سے ہدایت دی کہ وہ ان منصوبوں کی تکمیل میں اپنی پوری کوشش کریں تاکہ عوام کو بہترین خدمات فراہم کی جا سکیں۔
سجاول کے عوام صحت کی بنیادی سہولیات سے محروم