کھیل امن کے پیامبر‘ مودی نے سیاست کی نذر کر دیں: گورنر
اشاعت کی تاریخ: 5th, October 2025 GMT
لاہور (نیوز رپورٹر) گورنر پنجاب سردار سلیم حیدر خان نے کہا کہ کھیلوں کے میدان آباد کرنا اور نوجوان نسل کو کھیل کی طرف راغب کرنا اولین ترجیح ہے۔ روایتی کھیل نیزہ بازی پنجاب کی ثقافت کا حصہ ہے۔ نیزہ بازی کے مقابلے عالمی سطح پر ہونے چاہئیں۔ مختلف کھیلوں سے وابستہ نوجوانوںنے متعدد بار ملک و قوم کا نام بین الاقوامی پر روشن کیا۔ ان خیالات کا اظہار اْنہوں نے گورنر خیبر پی کے فیصل کریم کنڈی کے ہمراہ فتح جنگ اٹک میں جشن نیزہ بازی میلہ میں بطور مہمان خصوصی شرکت کے موقع پر شائقین سے خطاب کرتے ہوئے کیا۔ گورنر پنجاب سردار سلیم حیدر خان نے کہا کہ علاقائی روایتی کھیل پاکستان کی ثقافت کو زندہ رکھے ہوئے ہیں۔ اْنہوںنے کہا کہ نیزہ بازی،گھڑسواری اور شکار اٹک کی ثقافت کا شاندار حصہ ہیں۔ گورنر پنجاب نے کہا کہ کھیل چاہے کوئی بھی ہو دنیامیں امن کا پیغام دیتا ہے مگر مودی سرکار نے کھیل کو بھی سیاست کی نذر کر دیا۔ اْنہوں نے کہا کہ بھارت پاکستان سے جنگ ہارنے کے بعد کھلاڑیوں میں نفرت پیدا کر رہا ہے۔ گورنر پنجاب نے کہا کہ ہمارے کھلاڑیوں نے ہمیشہ کھیل کو کھیل سمجھ کر کھیلا مگر بھارت نے ہمیشہ دل میں خنک رکھی۔
.ذریعہ: Nawaiwaqt
کلیدی لفظ: گورنر پنجاب نے کہا کہ
پڑھیں:
بھارتی ثقافت اپنائیں تو مسلمان اور عیسائی بھی ہندو ہیں، آر ایس ایس چیف کا بیان
راشٹریہ سویم سیوک سنگھ (آر ایس ایس) کے سربراہ موہن بھاگوت نے کہا ہے کہ ہندو مت کو صرف مذہبی معنوں تک محدود نہ سمجھا جائے، یہ ایک جامع اور ہمہ گیر تصور ہے۔
ان کے مطابق اگر مسلمان اور مسیحی اس ملک کی عبادت کرتے ہیں، بھارتی تہذیب و ثقافت کی پیروی کرتے ہیں، تو اپنی روایات اور رسوم چھوڑے بغیر بھی وہ ہندو کہلائے جا سکتے ہیں۔
یہ بھی پڑھیں: بھارت: ’آئی لو محمدﷺ‘ کہنے پر مقدمات، مسلمانوں کے خلاف نیا کریک ڈاؤن
آسام کے دورے کے موقع پر موہن بھاگوت آر ایس ایس کی صد سالہ تقریبات کے سلسلے میں دانشوروں، اسکالروں، ایڈیٹرز، قلمکاروں اور کاروباری شخصیات سے خطاب کررہے تھے۔
#RSS chief doesn't understand the difference between #patriotism & religious extremism. A patriot can be any religion but it's not necessary that all #Hindu will be patriots. #BANRSS
"If Muslims, Christians Worship India, Then They Are Hindus": RSS Chiefhttps://t.co/vCxgmzZ8fi
— FreeBird????️ (@Serendipit27455) November 19, 2025
’جو لوگ مادرِ وطن سے محبت رکھتے ہیں، اپنے اسلاف پر فخر کرتے ہیں اور ہماری تہذیبی وراثت کو آگے بڑھاتے ہیں، وہ سب ہندو ہیں، ہندو مت کو مذہبی مفہوم میں محدود نہ کیا جائے۔‘
ان کے مطابق، ہندو ازم اور ہندو ثقافت کھانے پینے یا عبادات تک محدود نہیں، یہ ایک ہمہ گیر اور جامع تصور ہے۔
مزید پڑھیں:مودی اور آر ایس ایس کا گٹھ جوڑ انتہا پسندی کی جڑ، ریاستی وزیر کو قتل کی دھمکیاں
’یہ اپنے دائرے میں بہت سے لوگوں کو سمیٹ سکتا ہے۔ اگر مسلمان اور عیسائی اپنی عبادات اور روایات چھوڑے بغیر اس ملک سے محبت کریں، بھارتی ثقافت پر عمل کریں اور بھارتی آبا و اجداد پر فخر محسوس کریں، تو وہ بھی ہندو ہیں۔‘
موہن بھاگوت نے اس موقع پر ’پنج پَروَرتن‘ یعنی 5 سماجی تبدیلیوں پر بھی تفصیل سے گفتگو کی، جن میں سماجی ہم آہنگی، خاندانی بیداری، شہری نظم و ضبط، خود انحصاری اور ماحولیات کا تحفظ شامل ہیں۔
مزید پڑھیں: بھارتی میڈیا کی من گھڑت خبریں بے نقاب، پاکستانی شہریوں کو دہشتگرد ثابت کرنے کی کوشش ناکام
خاندان کی مضبوطی پر خاص زور دیتے ہوئے موہن بھاگوت نے کہا کہ ہر خاندان کو چاہیے کہ وہ اپنے آباؤ اجداد کی کہانیوں کو محفوظ رکھے اور نئی نسل میں ذمہ داری اور ثقافتی شعور پیدا کرے۔
موہن بھاگوت نے لچت بورفوکن اور شری مانتا شنکر دیو جیسے تاریخی شخصیات کو قومی شخصیات قرار دیتے ہوئے کہا کہ اگرچہ وہ مخصوص صوبوں میں پیدا ہوئے، لیکن ان کی اہمیت پورے بھارت کے لیے ہے۔
مزید پڑھیں:بھارتی عدالت نے ’الجزیرہ‘ کی دستاویزی فلم نشر کرنے پر پابندی کیوں لگائی؟
آر ایس ایس سربراہ نے آزادئ ہند کی تحریک میں سنگھ کے رضاکاروں کے کردار کا بھی ذکر کیا اور ڈاکٹر ہیڈگوار کی عدم تعاون تحریک، سول نافرمانی تحریک، اور 1942 کی ’بھارت چھوڑو تحریک‘ کے دوران قید و بند کی صعوبتوں کا حوالہ دیا۔
انہوں نے شمال مشرقی بھارت کو ’بھارت کی وحدت میں تنوع‘ کی روشن مثال قرار دیتے ہوئے کہا کہ لچت بورفوکن اور شنکر دیو جیسی شخصیات قومی اہمیت رکھتی ہیں۔
خطاب کے اختتام پر موہن بھاگوت نے سماج کے تمام طبقات، خصوصاً موجود معزز شخصیات پر زور دیا کہ وہ قوم کی تعمیر کے لیے مشترکہ طور پر بے لوث ہو کر کام کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آر ایس ایس بھارتی ثقافت ڈاکٹر ہیڈگوار راشٹریہ سویم سیوک سنگھ عیسائی مسلمان موہن بھاگوت ہندو
بھارت کو نئی دہلی دھماکے کی تحقیقات میں مدد کی پیشکش کی، مارکو روبیو