ارسا میں سندھ سے وفاقی رکن کی تعیناتی کا حکم
اشاعت کی تاریخ: 18th, April 2025 GMT
----فائل فوٹو
سندھ ہائی کورٹ نے حکم میں کہا ہے کہ صوبائی اور وفاقی حکومت یقینی بنائیں کہ قومی اتحاد کو نقصان نہ پہنچے۔
عدالتی حکم کے مطابق ارسا میں سندھ سے وفاقی رکن کی تعیناتی کی جائے، یہ مسئلہ مستقل بنیاد پر حل کرنے کے لیے قانونی ترمیم کی ضرورت ہو تو کی جائے۔
عدالتِ عالیہ میں ارسا کی تشکیل اور نئی نہروں کی تعمیر کے لیے پانی کی دستیابی کے سرٹیفکیٹ کے خلاف درخواست پر سماعت ہوئی۔
دورانِ سماعت سیکریٹری ارسا، ایڈووکیٹ جنرل سندھ اور ایڈیشنل اٹارنی جنرل سمیت دیگر عدالت میں پیش ہوئے۔
سندھ ہائی کورٹ نے استفسار کیا کہ کیا ارسا میں سندھ سے وفاقی ممبر کی تقرری ہو گئی؟
سندھ ہائی کورٹ میں سہولتوں کے فقدان اور سیکیورٹی کے مسائل سے متعلق درخواست پر سماعت ہوئی۔
ایڈیشنل اٹارنی جنرل نے جواب دیا کہ عدالتی حکم نامے میں ایسی کوئی ہدایت نہیں تھی۔
جسٹس فیصل کمال عالم نے کہا کہ عدالت کا حکم پہلے سے موجود ہے، حکم پر ابھی تک عمل کیوں نہیں ہوا؟
ایڈیشنل اٹارنی جنرل نے استدعا کی کہ جواب جمع کروانے کے لیے مہلت دی جائے، سپریم کورٹ میں اپیل عدم پیروی پر مسترد ہوئی ہے، کچھ عدالتی آرڈر اور دستاویز تلاش کر رہے ہیں۔
سندھ ہائی کورٹ نے ریمارکس میں کہا کہ مہلت دے دیں گے لیکن عدالتی احکامات پر عمل کیا جائے، موجودہ صورتِ حال کو آپ ہم سے بہتر جانتے ہیں، اس مسئلے کو ایک بار ہی ختم کریں، کیا قومی اتحاد سے بڑھ کر کوئی چیز ہے؟ معاملے کی حساسیت کا آپ کو احساس ہے؟
درخواست گزار کے وکیل نے کہا کہ ارسا کا ہیڈ کوارٹر لاہور سے اسلام آباد منتقل کیا گیا ہے۔
ایڈووکیٹ جنرل سندھ نے کہا کہ ارسا کی موجودہ تشکیل سے فیصلہ کرنے کا اختیار متاثر ہوا ہے۔
عدالت نے ریمارکس میں کہا کہ قومی اتحاد کو محفوظ اور برقرار رکھنا اولین ترجیح ہونی چاہیے، یہ کوئی معمولی کیس نہیں ہے۔
سیکریٹری ارسا نے کہا کہ عدالتی فیصلے کے مطابق رکن کی تعیناتی ہمارا اختیار نہیں، آرڈیننس کے تحت ہیڈکوارٹر منتقل کیا گیا۔
درخواست گزار کے وکیل نے بتایا کہ سندھ کا پانی کم کر دیا گیا ہے۔
سندھ ہائی کورٹ نے کہا کہ ہم اس معاملے پر کچھ نہیں کریں گے، عدالتی احکامات پر عمل درآمد تک محدود رہیں گے، کیا کینالز پر کوئی کام ہو رہا ہے؟
ایڈیشنل اٹارنی جنرل نے بتایا کہ عدالتی احکامات کے بعد کینالز پر کام روکا جا چکا ہے۔
سندھ ہائی کورٹ نے وفاقی حکومت کو جواب جمع کرنے کے لیے مہلت دیتے ہوئے سماعت 29 اپریل تک ملتوی کر دی۔
واضح رہے کہ سندھ ہائی کورٹ نے ارسا کی جانب سے پانی کی دستیابی کے سرٹیفکیٹ کے خلاف حکمِ امتناع جاری کر رکھا ہے۔
.ذریعہ: Jang News
کلیدی لفظ: ایڈیشنل اٹارنی جنرل سندھ ہائی کورٹ نے نے کہا کہ کے لیے
پڑھیں:
مقبوضہ کشمیر ہائی کورٹ، ایم ایل اے معراج ملک کی نظربندی کے خلاف عرضداشت کی سماعت 18دسمبر تک ملتوی
سینئر ایڈوکیٹ راہول پنت، ایڈوکیٹ ایس ایس احمد اور دیگر نے معراج ملک کی طرف سے عدالت میں پیش ہوئے اور ان کی نظربندی کو غیر قانونی اور غیر آئینی قرار دیا۔ اسلام ٹائمز۔ بھارت کے غیر قانونی زیر قبضہ جموں و کشمیر میں ہائی کورٹ میں غیر قانونی طور پر نظربند ڈوڈہ کے ایم ایل اے معراج ملک کی درخواست ضمانت پرسماعت ہوئی۔ عدالت نے درخواست پر مزید سماعت 18دسمبر تک ملتوی کر دی۔ ذرائع کے مطابق ہائی کورٹ کے جج جسٹس محمد یوسف وانی معراج ملک کی درخواست پر سماعت کی۔ سینئر ایڈوکیٹ راہول پنت، ایڈوکیٹ ایس ایس احمد اور دیگر نے معراج ملک کی طرف سے عدالت میں پیش ہوئے اور ان کی نظربندی کو غیر قانونی اور غیر آئینی قرار دیا۔ انہوں نے اپنے دلائل میں ان کی نظر بندی کی وجوہات پر تنقید کی اور اسے انتظامی حد سے تجاوز اور ایک منتخب عوامی نمائندے کی اختلافی آواز کو دبانے کی کوشش قرار دیا۔ فریقین کے دلائل سننے کے بعد عدالت نے مقدمے پر سماعت 18دسمبر تک ملتوی کر دی۔
دلہے کا 31 لاکھ روپے جہیز لینے سے انکار، عزت کی خوبصورت مثال قائم