بھارتی فوج بے گناہ کشمیریوں کے وحشیانہ قتل میں ملوث، سفاکیت کے دل دہلا دینے والے مناظر منظر عام پر
اشاعت کی تاریخ: 26th, April 2025 GMT
بھارتی فوج بے گناہ کشمیریوں کے وحشیانہ قتل اور جعلی انکاؤنٹرز میں ملوث ہے، پہلگام فالس فلیگ آپریشن کے بعد مودی جعلی انکاؤنٹرز کے نام پر معصوم کشمیریوں کا قتل عام کروا رہا ہے۔
رپورٹ کے مطابق ذرائع نے کہا کہ بھارتی فوج کی سفاکیت کے ناقابل تردید ثبوت منظر عام پر آگئے، طویل عرصے سے بھارتی فوج معصوم کشمیریوں کے خون سے ہولی کھیل رہی ہے۔
ذرائع نے کہا کہ 24اپریل 2025 کو مقبوضہ جموں و کشمیرکے اڑی سیکٹر میں 2 بے گناہ نہتے کشمیریوں کو بھارتی فوج نے دن دہاڑے شہید کر دیا، 24 اپریل کوشہید ہونے والے افراد میں محمد فاروق اور محمد دین شامل تھے، دونوں افراد کو بھارتی فوج نے جعلی انکاؤنٹر کے دوران شہید کیا۔
ذرائع کے مطابق بھارتی فوج نہ صرف فیک انکاونٹرز میں ملوث ہے بلکہ فیک انکاؤنٹر کے ذریعے شہید کئے گئے افراد کو ذبح بھی کیا، دل دہلا دینے والے ویڈیو مناظر میں دیکھا جا سکتا ہے کہ بھارتی فوجی فیک انکاؤنٹر کے ذریعے شہید کئے گئے کشمیری کی گردن پر خنجر سے وار کر رہا ہے۔
ذرائع نے کہا کہ فیک انکاؤنٹر میں شہید کرنے کے بعد اس کشمیری کو بیہمانہ طریقے سے ذبح بھی کیا جاتا ہے تاکہ ڈی ایس پی کے آنے سے پہلے لاش کو ڈرامے کے لئے تیار کیا جائے، بھارتی انٹیلی جنس ایجنسیز جبری و غیر قانونی حراست کے ذریعے معصوم کشمیریوں اور پاکستانیوں کو جعلی انکاؤنٹرز میں مسلسل شہید کر رہی ہیں۔
بھارت کی مختلف جیلوں میں غیر قانونی اور جبری طور پر حراست 732بے گناہ قیدیوں کی زندگیوں کو بھی سنگین خطرہ ہے، بھارتی ادارے ان غیر قانونی طور پر حراست میں رکھے گئے قیدیوں تک رسائی بھی نہیں دیتا۔
اسکے علاوہ 2003ء سے اب تک بھارتی خفیہ ایجنسیوں نے بھی*56 بے گناہ* پاکستانیوں کو جبری و غیر قانونی طور پر قید کر رکھا ہے، پہلگام فالس فلیگ کے ڈرامے کے بعد ، ان تمام قیدیوں کو بھارت اپنے مذموم مقاصد کے لئے استعمال کر سکتا ہے۔
بھارت جبری و غیر قانونی طور پر قید پاکستانی قیدیوں کو استعمال کر کے ایک اور فالس فلیگ کا ڈرامہ بھی رچا سکتا ہے، بھارت جبری و غیر قانونی طور پر قید پاکستانی قیدیوں سے تشدد کے ذریعےزبر دستی پاکستان کیخلاف زہر اگلوا سکتا ہے۔
ذرائع نے کہا کہ ان قیدیوں کو جعلی انکاونٹر میں دہشتگرد ظاہر کر کے شہید بھی کیا سکتا ہے۔
ذرائع نے کہا کہ مصدقہ اطلاعات کے مطابق مقبوضہ کشمیر کی جموں جیل میں جبری و غیر قانونی حراست میں رکھے گئے پاکستانی شہریوں میں سے دو سے تین کو پہلے ہی غائب کر دیا گیا ہے جسکا انکشاف 25 اپریل کو ہو گیا تھا۔
.
ذریعہ: Express News
کلیدی لفظ: ذرائع نے کہا کہ بھارتی فوج بے گناہ سکتا ہے
پڑھیں:
مودی سرکار کا مقبوضہ کشمیر میں ریاستی دہشتگردی کا گھناؤنا کھیل بدستور جاری
ہندوتوا ایجنڈے کی پیروی کرتے ہوئے مودی سرکار کا مقبوضہ کشمیر میں ریاستی دہشتگردی کا گھناؤنا کھیل بدستور جاری ہے۔
انتہا پسند سیاسی جماعت بی جے پی کے کٹھ پتلی وزیراعظم نریندر مودی کے دورِ اقتدار میں مظلوم کشمیریوں کی حراستی ہلاکتیں، گرفتاریاں اور تشدد معمول بن چکے ہیں۔
بھارتی جریدے ’’دی کاروان‘‘ کی رپورٹ کے مطابق قابض بھارتی فورسز کے بے بنیاد مظالم کا شکار کشمیریوں میں طالب لالی بھی شامل ہیں، جنہیں بغیر کسی ثبوت کے 10 سال سے دہشتگردی کے الزام میں گرفتار رکھا گیا ہے اور ان کا مقدمہ بھی تاحال تاخیر کا شکار ہے۔
دی کاروان کے مطابق بھارتی سکیورٹی اداروں کی جانب سے عام کشمیری خاندانوں کو (Over Ground Worker) OGW فہرست میں شامل کرنا معمول بن چکا ہے۔ مودی سرکار نے OGW فہرست کا سہارا لے کر تعلیم یافتہ کشمیری نوجوانوں کو بیروزگاری کی دلدل میں دھکیل دیا ہے۔
مقبوضہ کشمیر میں محض شک و شبہے کی بنیاد پر کشمیری خاندانوں سے روزگار اور شناخت چھین لی جاتی ہے۔ اسی طرح بغیر کسی عدالتی کارروائی یا تحقیقات کے کشمیریوں کے نام فہرست میں شامل کیے جاتے ہیں۔ یہی وجہ ہے کہ مودی سرکار کے حکم پر مقبوضہ کشمیر میں سیکڑوں کشمیری بلاجواز حراست میں ہیں اور دہشتگردی کے الزام میں گرفتار درجنوں بے گناہ کشمیریوں پر کوئی جرم بھی ثابت نہیں ہوا۔
دی کاروان کے مطابق مقبوضہ کشمیر میں بھارتی فوج گرفتار کشمیری نوجوانوں کے خاندانوں کو بھی ہراساں کرتی ہے۔بھارتی فوج جعلی انکاؤنٹرز میں شہید کیے جانے والے کشمیری نوجوانوں کی لاشیں بھی لواحقین کو نہیں دیتی۔
مودی سرکار کے دور میں کشمیریوں کو جعلی مقدمات میں نظربند کرنا معمول کا حصہ بن چکا ہے۔ مودی سرکار کشمیریوں کے انسانی حقوق روندنے کو قومی سلامتی کا نام دے رہی ہے۔
ذرائع کے مطابق صرف مئی 2025ء میں 474 سے زائد بے گناہ کشمیریوں کو گرفتار جب کہ 17 کو ماورائے عدالت قتل کیا گیا۔ پہلگام حملے کے بعد کشمیریوں کے خلاف 50 سے زائد مقدمات قائم کرکے گرفتار کیا گیا ہے۔
کشمیریوں کی مزاحمت کو دبا نے کے لیے مودی سرکار اور بھارتی فورسز کی ریاستی دہشتگردی جاری ہے۔ مقبوضہ کشمیر میں ’’جھوٹے انکاؤنٹرز‘‘ اور جعلی مقدمات پر متعدد بین الاقوامی اداروں نے تشویش کا اظہار کیا ہے، مگر مودی کی مجرمانہ خاموشی برقرار ہے۔
غزہ کی پٹی کیخلاف قابض اسرائیلی رژیم کے نہ ختم ہونیوالے جنگی جرائم