سندھ طاس معاہدہ نشانہ اور پہلگام واقعہ بہانہ ہے، حنیف عباسی
اشاعت کی تاریخ: 26th, April 2025 GMT
راولپنڈی(نیوز ڈیسک)وزیر ریلوے حنیف عباسی کا کہنا ہے کہ سندھ طاس معاہدہ نشانہ اور پہلگام واقعہ بہانہ ہے۔ بھارت نے 2014 میں بہار میں دھماکے کرائے، بھارت نے 2019 میں پلواما کا ڈرامہ رچایا، بھارت نے امریکا، برطانیہ، آسٹریلیا میں سکھوں پربھی حملے کرائے۔ آپ ہمارا پانی بند کریں تو ہم آپ کی سانس بند کردیں گے۔ ایٹمی ہتھیار شوکیس میں سجانے کے لیے نہیں رکھے۔
راولپنڈی میں وفاقی وزیرریلوے حنیف عباسی نے نیوز کانفرنس کرتے ہوئے کہا کہ بھارت ایک لاکھ سے زائد کشمیروں کا قاتل ہے، بھارتی گجرات میں مسلمانوں کے قتل عام میں مودی کا ہاتھ ہے، بھارت اور اسرائیل دونوں دہشتگرد ملک ہیں۔
حنیف عباسی نے کہا کہ بھارت برما، انگلینڈ ، کینیڈا اور امریکا میں دہشت گردی میں ملوث رہا ہے، مودی نے بھارت کا چہرہ مسخ کر دیا ہے، پاکستان نے ہمیشہ دہشتگردی کی مذمت کی ہے۔ ہم نے دہشت گردی کے خلاف جنگ میں ایک لاکھ جانیں قربان کی، پاکستان میں دہشت گردی کے ہر واقعہ کے پیچھے بھارت ہے۔
وزیر ریلوے نے نیوز کانفرنس میں کہا کہ مودی سرکار نے بھارت کا بیڑا غرق کر دیا ہے، بھارتی عوام کو مودی سرکار سے ہوشیاررہنا چاہئے، 1500 سے زائد کشمیریوں کو جعلی مقابلوں میں قتل کیا گیا۔ بھارت جعلی انکاؤنٹر کرتا ہے، جو پاکستانی بھارتی جیل میں تھے انہیں غائب کردیا گیا، پندرہ سو سے زائد کشمیروں کو مختلف یونیورسٹیوں سے اٹھایا گیا۔
حنیف عباسی نے مزید کہا کہ جیلوں میں قید مسلمانوں کو جعلی مقابلوں میں قتل کیا جا رہا ہے، بھارت نے 2014 میں بہار میں دھماکے کرائے، بھارت نے 2019 میں پلواما کا ڈرامہ رچایا اور منہ کی کھائی، بھارتی پائلٹ ابھی نندن پاکستان میں گرفتار ہوا۔
حنیف عباسی نے کہا کہ جعفر ایکسپریس پر حملہ ہوا تو بھارت نے پروپیگنڈا شروع کر دیا، مقبوضہ کشمیر میں مسلمانوں کی املاک پر قبضے ہو رہے ہیں، سندھ طاس معاہدہ نشانہ اور پہلگام واقعہ بہانہ ہے۔ پہلگام واقعہ کا مقصد ہندؤوں کو کشمیر میں لاکر بسانا ہے، 8 لاکھ فوجیوں کی موجودگی میں دہشتگرد کیسے پہنچ گئے؟
انھوں نے مزید کہا کہ آپ ہمارا پانی بند کریں تو ہم آپ کی سانس بند کردیں گے۔ ایٹمی ہتھیار شوکیس میں سجانے کے لیے نہیں رکھے۔ غوری، شاہین اور غزنوی ہم نے چوکوں پر سجانے کے لیے نہیں رکھے ، ہمارے میزائلوں کا رخ بھارت کی طرف ہے، بھارت نے کوئی مس ایڈوینچر کیا تو اس کے گلے پڑ جائے گا۔
وفاقی وزیرحنیف عباسی نے کہا کہ 1960 میں سند طاس معاہدہ ہوا، معاہدے کے تحت تین دریا ہمیں اور تین دریا بھارت کو ملے، قومی سلامتی کمیٹی نے دلیرانہ فیصلہ کیا ہے، بھارت نے دھمکی دی ہم نے کر دکھایا، دس دن گزرنے دیں بھارتی ائیر لائنز اپنی حکومت کا گریبان پکڑے گی۔
مزیدپڑھیں:طوفانی بارش اور آندھی کی پیش گوئی، الرٹ جاری کردیا گیا
ذریعہ: Daily Ausaf
کلیدی لفظ: حنیف عباسی نے پہلگام واقعہ طاس معاہدہ بھارت نے کہا کہ
پڑھیں:
بھارت : مندر میں بھگدڑ مچنے سے 7افراد ہلاک‘ درجنوں زخمی
data-id="863a0a8" data-element_type="widget" data-widget_type="theme-post-content.default">
نئی دہلی (انٹرنیشنل ڈیسک) جنوبی بھارت میں ہفتے کے روز مندر میں بھگدڑ مچنے سے 7افراد ہلاک اور درجنوں زخمی ہو گئے۔ افسوسناک واقعہ آندھرا پردیش کی سری کاکولم ضلع میں واقع سوامی وینکٹیسوارا مندر میں پیش آیا، جہاں سیکڑوں عقیدت مند مذہبی تہوار میں شرکت کے لیے جمع تھے۔ پولیس نے بتایا کہ واقعہ اس وقت پیش آیا جب بڑی تعداد میں لوگ مندر کے احاطے میں داخل ہونے کی کوشش کر رہے تھے، جس سے بھگدڑ مچ گئی۔ مقامی حکام کے مطابق زخمیوں کو قریبی اسپتالوں میں منتقل کر دیا گیا ہے، جبکہ انتظامیہ نے حادثے کی وجوہات جاننے کے لیے تحقیقات شروع کر دی ہے۔
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی