بھارت کیلئے پہلگام بہانہ ہے، سندھ طاس معاہدہ نشانہ ہے؛ حنیف عباسی
اشاعت کی تاریخ: 26th, April 2025 GMT
سٹی 42 : وزیر ریلوے حنیف عباسی نے کہا ہے کہ بھارت اس وقت پوری دنیا میں عالمی دہشت گرد بن کر سامنے آیا ہے، سندھ طاس معاہدے کے وقت ہندوستان نے خوشیوں کے شادیانے بجائے تھے، بھارت کے لئےسندھ طاس معاہدہ نشانہ ہے پہلگام بہانہ ہے۔
وزیر ریلوے حنیف عباسی نے راولپنڈی میں پریس کانفرنس کے دوران گفتگو کرتے ہوئے کہا کہ آج تاجر برادری نے فلسطین سے اظہار یک جہتی کے لئے قابل تعریف شٹرڈاون کیا۔ انہوں نے کہا کہ بھارت کو مخاطب کرکے کہتا ہوں کہ آپ نے ہمیں کاغذوں میں دہشت گردی کی جانب دھکیلا ہے، دنیا کا سب سے بڑا دہشت گرد اسرائیل ہے، بھارت کے ہاتھ پر ایک لاکھ کشمیریوں کا قتل ہے، کشمیر ،بہار، گجرات، عیسائیوں اور سکھوں کے قتل عام میں مودی ملوث ہے، بھارت پاکستان کے بلوچستان میں دہشت گردی، کینیڈا میں سکھوں کے قتل میں ملوث ہے۔
گلیڈئیٹرز vs کے کے؛ روسو حسن علی کا تیسرا شکار بن گئے
انہوں نے کہا کہ پاکستان کئی دہایوں سے دہشت گردی کا شکار ہے، مودی سرکار ہندوستان کا چہرہ پوری دنیا میں مسخ کررہا ہے ہندوستانی عوام اس سے ہوشیار رہیں، 1500 سے زائد طلبا کو اسوقت یونیوسٹیز اور کالجز سے اٹھا لیا گیا ہے، ان تمام افراد کو فیک ان کاوئنٹر کے لئے مختلف جگہوں پر منتقل کر دیا گیا ہے۔ حنیف عباسی نے کہا کہ ابھی نندن کو ہمارے کشمیر بچوں نے ٹھڈے مارے تھے، ابھی نندن کو ہماری حکومت نے چائے پلا کر رخصت کیا تھا۔
قذافی سٹیڈیم میں کوئٹہ گلیڈئیٹرز اور کراچی کنگز کے میچ میں ڈرامائی آغاز
کشمیر میں عرصہ دراز سے مسلمانوں پر ظلم کرکے ہندووں کا بسایا جارہا ہے، پہلگام میں ،8 لاکھ فوج کی موجود میں تین دہشت گرد کیسے پہنچے، جعفر ایکسپریس کے واقعے میں آپ کے میڈیا نے کیسے چند منٹوں میں 800 تابوت کی خبر دی، مودی اس قسم کے فالس آپریشن کرکے پاکستان پر الزامات لگاتا رہتا ہے۔ انہوں نے کہا کہ کشمیر میں تجاوزات کی آڑ میں مسلمانوں سے زمین چھینی جارہی ہے ۔
انہوں نے کہا کہ سندھ طاس معاہدے کے وقت ہندوستان نے خوشیوں کے شادیانے بجائے تھے، بھارت کے لئےسندھ طاس معاہدہ نشانہ ہے پہلگام بہانہ ہے۔ وزیر ریلوے حنیف عباسی نے دو ٹوک کہا کہ آپ ہمارا پانی بند کریں گے ہم آپ کا سانس بند کریں گے، غوری شاہین غزنوی میزائل سجانے کے لئے نہیں بھارت کے لئے رکھے ہیں، ہماری طرف آنکھ اٹھا کر دیکھنا بھی نہ، آپ کو بھی ہمارے میزائلوں کی طاقت کا پتہ ہے ان کا رخ بھارت کی جانب ہے۔ انہوں نے کہا کہ ہم نے آپ کی فضائی حدود بند کرکے دو دن میں آپ کی چیخیں نکلوا دی ہیں، چند دن میں ہی بین القوامی کمپنیاں آپ کا گریبان پکڑیں گے۔
وفاقی کابینہ نے نیشنل سائبر کرائم انوسٹیگیشن ایجنسی تشکیل دیدی
انہوں نے کہا کہ تمام ریلوے اسٹیشنز پر ہم نے فوجہ بھائیوں کی خدمت کے لئے ڈیسک قائم کر دئے ہیں،اب ہندوستان کی قوم نے سوچنا ہے کہ انہوں نے اس پاگل سے جان چھڑانا ہے، میرے لیڈر نے 1998 میں آپ کے پانچ دھماکوں کی جگہ چھ دھماکے کئے تھے، یہ مس ایڈونچر آپ کے گلے پڑے گا، ہماری قوم ہماری فوج تیار ہے، ہمارا نیوکلئر پروگرام ہماری حفاظت کے لئے ہے، جنگ ہوئی تو سندھی بلوچ پنجابی پختون گلگت والے سب ایک ہو کر لڑیں گے۔
صدر مملکت سے وزیر داخلہ محسن نقوی کی اہم ملاقات
وزیر ریلوے نے کہا کہ پاکستان میں اگر کسی کو اب اختلاف ہوا تو اس کے لئے زندگی تنگ کر دی جائے گی، ہم نے بہت لاشیں اٹھائیں ہیں، ہم نے کلبھوشن کے بعد آپ کا ایک اور ایجنٹ پکڑا ہے۔ انہوں نے کہا کہ بلاول بھٹو نے کہا کہ ہم چاروں بھائی اکٹھے لڑیں گے ان کے اس بیان پر خراج تحسین پیش کرتا ہوں،ہم معصوم بچوں اور عورتوں پر حملہ نہیں کریں گے ۔
.ذریعہ: City 42
کلیدی لفظ: انہوں نے کہا کہ حنیف عباسی نے وزیر ریلوے بھارت کے کے لئے
پڑھیں:
بھارت کی جانب سے سندھ طاس معاہدہ معطل کرنا بین الاقوامی قوانین کی خلاف ورزی ہے، خواجہ آصف
وزیر دفاع خواجہ محمد آصف نے کہا ہے کہ بھارت کی جانب سے سندھ طاس معاہدہ معطل کرنا عالمی قوانین کی خلاف ورزی ہے۔
نجی ٹی وی چینل سے گفتگو کرتے ہوئے انہوں نے کہا کہ بھارت سندھ طاس معاہدے کے حوالے سے یکطرفہ فیصلہ نہیں کرسکتا۔ قومی سلامتی اجلاس کے بعد ہم بھارت کو جامع جواب دیں گے۔
مزید پڑھیں: ترسیلات زر میں اضافہ، خواجہ آصف کی بائیکاٹ مہم چلانے والی پی ٹی آئی پر تنقید
پہلگام سیاحتی مقام پر حالیہ حملوں کے بارے میں پوچھے گئے سوال کے جواب میں انہوں نے کہا کہ ہم کہیں بھی ہر قسم کی دہشتگردی کی سختی سے مذمت کرتے ہیں۔ پاکستان دہشتگردی کا سب سے بڑا شکار رہا ہے۔
بھارت کی جانب سے اٹھائے گئے کسی بھی جارحانہ اقدام کے بارے میں ایک سوال کے جواب میں انہوں نے کہا کہ پاکستان کی مسلح افواج کسی بھی مہم جوئی کا جواب دینے کی مکمل صلاحیت رکھتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پہلگام خواجہ محمد آصف سندھ طاس وزیر دفاع وزیر دفاع خواجہ محمد آصف
کانگو؛ کشتی میں آگ لگنے سے 148 افراد ہلاک