ایرانی بندرگاہ پر مزید دھماکے، ہلاکتیں 14، زخمیوں کی تعداد 750 تک جاپہنچی
اشاعت کی تاریخ: 27th, April 2025 GMT
ایران(نیوز ڈیسک)ایران کے جنوبی شہر بندرعباس کی اہم بندرگاہ پر مزید دھماکے ہوئے، کل سے اب تک دھماکوں کے نتیجے میں جاں بحق ہونے والے افراد کی تعداد 14 ہوگئی، جب کہ 750 افراد زخمی ہوئے ہیں۔
ایران انٹرنیشنل کی رپورٹ کے مطابق اسلامی جمہوریہ ایران کے وزیر داخلہ اسکندر مومنی نے سرکاری ٹی وی پر اعلان کیا ہے کہ جنوبی ایران میں بندرگاہ پر ہونے والے دھماکے میں ہلاک ہونے والوں کی تعداد بڑھ کر 14 ہو گئی ہے۔
مومینی نے بتایا کہ 750 افراد زخمی ہوئے ہیں, جن میں سے 300 اب بھی بندر عباس کے ہسپتالوں میں زیر علاج ہیں۔
انہوں نے صحافیوں کو بتایا کہ کچھ مریضوں کو جن کو مزید دیکھ بھال کی ضرورت ہے، انہیں آج رات تہران منتقل کیا جائے گا۔
دوسری جانب بندرعباس کے ہسپتالوں میں ایمرجنسی نافذ کرتے ہوئے عوام کے خون کے عطیات دینے کی اپیل کی گئی ہے۔
رجائی بندرگاہ پر نئے دھماکوں کی آوازیں سنی گئیں
میڈیا رپورٹس کے مطابق ہفتے کی رات رائی بندرگاہ پر ایک بڑی آگ جلتی رہی اور جیسے ہی شعلے دوسرے کنٹینرز تک پھیلے، علاقے میں نئے دھماکے سنے گئے۔
سوشل میڈیا پر شیئر کی جانے والی ویڈیوز کے مطابق بندرگاہ کے احاطے سے دھماکوں کی آوازیں سنی گئیں۔
رجائی بندرگاہ کے گودی اور کنٹینر یارڈ میں لگی آگ اب بھی بڑی اور وسیع ہے۔
پاسداران انقلاب کی انٹیلی جنس فورسز نے شاہد رجائی بندرگاہ کے علاقے کا مکمل کنٹرول سنبھال لیا ہے، جس میں بندرگاہ کی تنصیبات اور ملحقہ کسٹم عمارتیں بھی شامل ہیں۔
ذرائع کا کہنا ہے کہ بندرگاہ کے سیکیورٹی گارڈز اور کسٹم پروٹیکشن اہلکاروں کو بھی ان علاقوں تک رسائی دینے سے انکار کردیا گیا ہے۔
ایران انٹرنیشنل کو ملنے والی ویڈیوز کے مطابق بندرعباس شہر کی شاہد رجائی بندرگاہ پر نئے دھماکے ہوئے ہیں، رپورٹس میں یہ بھی بتایا گیا کہ پاسداران انقلاب کی فورسز گاڑیوں کے مالکان کو شاہد رجائی بندرگاہ اور کسٹم تنصیبات کے محدود رسائی والے پارکنگ علاقوں میں کھڑی اپنی گاڑیوں کو بازیافت کرنے سے روک رہی ہیں۔
بندر عباس شہر میں، یہاں تک کہ بندرگاہ سے دور مشرقی اضلاع میں بھی، فضائی آلودگی کی سطح اتنی زیادہ ہے کہ رہائشی بڑے پیمانے پر جلنے کی بو کی اطلاع دے رہے ہیں۔
دھوئیں کے رنگ سے میزائل ایندھن کیمیکل کی نشاندہی
دفاعی اور سلامتی کے تجزیہ کار فرزن ندیمی نے ’ایران انٹرنیشنل‘ کو بتایا کہ بندر عباس میں رجائی بندرگاہ پر ہونے والے پہلے دھماکے کے دھوئیں کے رنگ سے بڑی مقدار میں سوڈیم کی موجودگی کا اشارہ ملتا ہے۔
ندیمی کا کہنا تھا کہ ’پہلے دھماکے کے دھوئیں کا رنگ مکمل طور پر پیلا ہے، جو دھماکے میں بڑی مقدار میں سوڈیم کی موجودگی کی نشاندہی کرتا ہے۔‘
سوڈیم، سوڈیم پرکلوریٹ پیدا کرنے کے لیے استعمال ہونے والا اہم مواد ہے، وہی کیمیکل جو اس سال فروری اور مارچ میں بندر عباس میں اتارا گیا تھا، چین سے درآمد کیا جانے والا یہ کیمیکل امونیم کلورائیڈ کے ساتھ ملا کر امونیم پرکلوریٹ تیار کرتا ہے، جو ٹھوس میزائل ایندھن کی تیاری میں استعمال ہوتا ہے۔
دوسری جانب نیویارک ٹائمز نے ایران کے پاسداران انقلاب سے تعلق رکھنے والے ایک شخص کے حوالے سے بتایا کہ ہفتے کے روز ایران کی رجائی بندرگاہ پر جو دھماکا ہوا وہ میزائلوں کے لیے ٹھوس ایندھن کا ایک اہم جزو سوڈیم پرکلوریٹ تھا۔
بھارت کا بڑھتا جنگی جنون، اٹاری میں فصلوں کی کٹائی کیلیے عوام کو دو دن کی مہلت
.
ذریعہ
ذریعہ: Daily Ausaf
کلیدی لفظ: رجائی بندرگاہ پر بندرگاہ کے کے مطابق بتایا کہ
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ