پی ٹی آئی رہنما صنم جاوید، شوہر عتیق سمیت گرفتار
اشاعت کی تاریخ: 28th, April 2025 GMT
لاہور (نیوزڈیسک)لاہور کے علاقے ٹاؤن شپ سے پی ٹی آئی رہنما صنم جاوید اور ان کے شوہر عتیق کو قانون نافذ کرنے والے اداروں نے گرفتار کرلیا ۔صنم جاوید کو اینٹی ٹیررسٹ فورس (اے ٹی ایف) نے 9 مئی کے پرتشدد واقعات کے مقدمے میں حراست میں لیا ۔
پولیس ذرائع کے مطابق صنم جاوید پر سنگین الزامات کے تحت تحقیقات جاری ہیں اور انہیں مزید تفتیش کے لیے متعلقہ تھانے منتقل کر دیا گیا ہے۔دوسری جانب، ایف آئی اے سائبر کرائم ونگ نے صنم جاوید کے شوہر عتیق کو گرفتار کیا ہے۔
ایف آئی اے حکام کا کہنا ہے کہ عتیق کو عظمیٰ بخاری جعلی ویڈیو اسکینڈل کے مقدمے میں حراست میں لیا گیا ہے۔ ابتدائی تفتیش کے مطابق عتیق پر الزام ہے کہ وہ سوشل میڈیا پر جعلی مواد پھیلانے میں ملوث رہا ہے۔
پولیس اور ایف آئی اے کے مشترکہ آپریشن کے دوران دونوں کو لاہور کے علاقے ٹاؤن شپ سے گرفتار کیا گیا۔ حکام کے مطابق گرفتار شدگان سے مزید تفتیش جاری ہے اور کیسز میں ممکنہ دیگر ملزمان کی گرفتاریوں کا بھی امکان ہے۔
پاک بھارت کشیدگی؛ سرحد پار شادیاں کرنیوالوں کیلئے خطرے کی گھنٹی بج گئی
ذریعہ: Daily Ausaf
کلیدی لفظ: صنم جاوید
پڑھیں:
کراچی، مختلف علاقوں میں مبینہ پولیس مقابلے، زخمی سمیت 4 ملزمان گرفتار
کراچی:شہر قائد کے مختلف علاقوں میں پولیس کی جرائم پیشہ افراد کے خلاف کارروائی کے دوران زخمی سمیت 4 ملزمان کو گرفتار کر لیا گیا۔
پہلا واقعہ ڈسٹرکٹ سینٹرل کے نارتھ کراچی سیکٹر ون اے شاہ نواز بھٹو کالونی میں وادی اسلام قبرستان کے قریب پیش آیا، جہاں خواجہ اجمیر نگری تھانے کی حدود میں پولیس اور ملزمان کے درمیان فائرنگ کا تبادلہ ہوا۔
پولیس حکام کے مطابق، اس مبینہ پولیس مقابلے میں 2 ملزمان گرفتار کیے گئے، جن میں سے ایک ملزم حبیب اللہ ولد شاہ علی زخمی ہوگیا۔
مزید پڑھیں: کراچی، اے وی ایل سی کا اورنگی ٹاؤن میں پولیس مقابلہ، سابق پولیس اہلکار سمیت دو ملزمان گرفتار
زخمی ملزم کو فوری طور پر عباسی شہید اسپتال منتقل کر دیا گیا، جبکہ اس کے ساتھی قاسم ولد عبداللہ سے مزید تفتیش جاری ہے۔ گرفتار ملزمان کے قبضے سے 2 پستول اور 2 موبائل فونز برآمد ہوئے ہیں۔
دوسری جانب، ڈسٹرکٹ سٹی کے علاقے لیاری میں بغدادی تھانے کی حدود میں دبئی چوک پر بھی ایک مبینہ پولیس مقابلہ پیش آیا، جس میں 2 ملزمان زخمی حالت میں گرفتار ہوئے۔
مزید پڑھیں: کراچی، اورنگی ٹاؤن میں مبینہ پولیس مقابلہ، ملزم زخمی حالت میں گرفتار
ایس ایس پی سٹی عارف عزیز کے مطابق، گرفتار ملزمان کی شناخت ارشد اور سجاد کے نام سے ہوئی ہے۔ زخمی ملزم ارشد کو اسپتال میں طبی امداد فراہم کی جا رہی ہے، جبکہ دوسرے ملزم سجاد سے تفتیش جاری ہے۔
پولیس کے مطابق، دونوں ملزمان لوٹ مار کی وارداتوں میں ملوث ہیں۔ ان کے قبضے سے ایک پستول اور مسروقہ موٹر سائیکل برآمد کی گئی ہے۔
پاکستان اور یو اے ای کے درمیان مفاہمت کی یادداشتوں پر دستخط