بیجنگ :چینی وزارت تجارت نے پہلی سہ ماہی میں غیر ملکی سرمایہ کاری کے متعلق اعداد و شمار جاری کیے ۔ پہلے تین مہینوں میں، ملک بھر میں نئے قائم غیر ملکی سرمایہ کاری والے کاروباری اداروں میں گذشتہ سال کی نسبت 4.3 فیصد اضافہ ہوا۔ غیر ملکی سرمائے کے حقیقی استعمال میں سال بہ سال 10.8 فیصد کمی واقع ہوئی۔ اگرچہ اس میں کمی آئی ہے ، لیکن یہ کمی جنوری -فروری کے مقابلے میں 9.
6 فیصد پوائنٹس کم تھی بلکہ مارچ میں استعمال ہونے والے غیر ملکی سرمائے کی مقدار میں گذشتہ سال کی نسبت 13.2 فیصد اضافہ دیکھا گیا، جس سے ظاہر ہوتا ہے کہ غیر ملکی سرمائے کواستعمال کرنے کا رجحان آہستہ آہستہ واضح ہو رہا ہے۔ ڈھانچے کے لحاظ سے ای کامرس سروسز، بائیو فارماسیوٹیکل مینوفیکچرنگ، ایرو اسپیس اور آلات کی مینوفیکچرنگ سمیت شعبوں میں غیر ملکی سرمایے کے حقیقی استعمال میں بالترتیب 100.5 فیصد، 63.8 فیصد اور 42.5 فیصد اضافہ ہوا ہے۔ اس کے ساتھ ساتھ سرمایہ کاری کے ذرائع زیادہ متنوع ہوتے جا رہے ہیں۔ پہلی سہ ماہی میں ، چین میں آسیان اور یورپی یونین کی جانب سے سرمایہ کاری میں بالترتیب 56.2فیصد اور 11.7فیصد کا اضافہ ہوا ، اور سوئٹزرلینڈ اور برطانیہ کی جانب سے سرمایہ کاری میں 60فیصد سے زیادہ کا اضافہ ہوا (بشمول آزاد بندرگاہوں کے ذریعے سرمایہ کاری کے اعداد و شمار)۔ روایتی طور پر یورپ اور امریکہ جیسے ترقی یافتہ ممالک سے سرمایہ کاری کو راغب کرنے سے لے کر اپنے”دوستوں کے دائرے” کو وسعت دینے تک ، چین بیرونی چیلنجوں سے نمٹنے میں زیادہ لچکدار اور پراعتماد ہوگیا ہے۔ سرمایہ معقول اور منافع طلب ہے۔ سب سے پہلے غیر ملکی سرمایہ کار چین میں سرمایہ کاری پر منافع کی بہتر شرح کو دیکھتے ہیں۔ حالیہ برسوں میں، چین میں براہ راست غیر ملکی سرمایہ کاری پر منافع کی شرح تقریباً 9فیصد رہی ہے، جو دنیا میں سب سے زیادہ ہے. جنوبی چین میں امریکن چیمبر آف کامرس کی جانب سے جاری کیے گئے ایک سروے کے مطابق سروے میں شامل کمپنیوں کا عام ماننا ہےکہ وہ چین میں سرمایہ کاری پر بہترین منافع حاصل کر سکتی ہیں اور تقریباً 90 فیصد امریکی کمپنیاں چین میں منافع بخش ہیں۔ سروے میں شامل 54 فیصد کمپنیوں کا کہنا تھا کہ وہ امریکی تجارتی محصولات سے منفی طور پر متاثر ہوئی ہیں جبکہ 58 فیصد غیر ملکی کمپنیوں اور 45 فیصد امریکی کمپنیوں نے چین کو سرمایہ کاری کے لئے دنیا میں اپنی سرفہرست یا سرفہرست پہلے تین درجات کے طور پر قرار دیا ہے۔ وقت ثابت کرے گا کہ “چین غیرملکی تاجروں کے لئے سرمایہ کاری کی ایک مثالی، محفوظ اور پُر امید منزل تھا ، ہے اور رہے گا۔ Post Views: 1
ذریعہ: Daily Mumtaz
کلیدی لفظ:
ملکی سرمایہ کاری
غیر ملکی سرمایہ
سرمایہ کاری کے
اضافہ ہوا
چین میں
پڑھیں:
دریاؤں اور آبی ذخائر میں پانی کی صورتحال پر رپورٹ جاری
— فائل فوٹو
واٹر اینڈ پاور ڈیولپمنٹ اتھارٹی (واپڈا) نے دریاؤں اور آبی ذخیروں میں پانی کی صورتحال بتا دی۔
ترجمان واپڈا کے مطابق دریائے سندھ میں پانی کی آمد1 لاکھ31 ہزار 300 کیوسک اور اخراج 1 لاکھ 50 ہزار 700 کیوسک ہے، دریائے جہلم میں پانی کی آمد 36 ہزار 100 کیوسک اور اخراج 27 ہزار 900 کیوسک ہے جبکہ دریائے چناب میں پانی کی آمد 48 ہزار 100 کیوسک اور اخراج 18ہزار 100 کیوسک ہے۔
دریاؤں اور آبی ذخیروں میں پانی کی صورتحال سامنے آگئی
واپڈا کے اعداد و شمار کے مطابق تربیلا کے مقام پر دریائے سندھ میں پانی کی آمد 1 لاکھ 51 ہزار 800 اور اخراج 1 لاکھ 40 ہزار کیوسک ہے
ترجمان واپڈا نے بتایا کہ چشمہ بیراج میں پانی کی آمد 1 لاکھ 88 ہزار 900 کیوسک اور اخراج 1 لاکھ 70 ہزار کیوسک ہے۔
ترجمان واپڈا کے مطابق تربیلا ریزروائر میں آج پانی کی سطح 1444.22 فٹ اور پانی کا ذخیرہ 9 لاکھ ایکڑ فٹ ہے جبکہ منگلا ریزروائر میں آج پانی کی سطح 1164.10 فٹ اور پانی کا ذخیرہ 23 لاکھ 10 ہزار ایکڑ فٹ ہے۔
وزیرِ اعلیٰ سندھ کا قیدیوں کو عیدالاضحیٰ کا تحفہ، سزا میں خصوصی معافی کا اعلان