برکس ممالک کو ترقی کے نصب العین میں اہم قیادت کا کردار ادا کرنا چاہیے، چینی وزیر خارجہ
اشاعت کی تاریخ: 29th, April 2025 GMT
برکس ممالک کو ترقی کے نصب العین میں اہم قیادت کا کردار ادا کرنا چاہیے، چینی وزیر خارجہ WhatsAppFacebookTwitter 0 29 April, 2025 سب نیوز
بیجنگ : چین کے وزیر خارجہ وانگ ای نے ریو ڈی جنیرو میں برکس وزرائے خارجہ کے اجلاس کے پہلے مرحلے میں شرکت کی۔ منگل کے روزوانگ ای نے کہا کہ برکس ممالک کو بین الاقوامی سطح پر مثبت اور تعمیری قوت کے طور پر امن اور ترقی کے نصب العین میں اہم قیادت کا کردار ادا کرنا چاہیے۔اس موقع پر انہوں نے برکس تعاون میں ترقی کے حوالےسے اہم نکات پیش کئے ۔
وانگ ای نے کہا کہ سب سے پہلے صدر شی جن پھنگ کی جانب سے گلوبل سیکورٹی انیشیٹو پر عمل کرنا ہوگا،اور ایک نئے سلامتی کے راستے پر چلنا ہوگا،ایسا راستہ جو جو مذاکرات پر مبنی ہو نہ کہ تصادم پر، ساتھی بنانے پر ہو نہ کہ اتحاد بنانے پر اور باہمی فائدے پر ہو نہ کہ زیر و سم گیم پر ۔دوسرا یہ کہ ایک معروضی اور منصفانہ موقف کو برقرار رکھنا چاہیے اور مذاکرات اور گفت و شنید کے ذریعے اختلافات کو حل کرنے میں ثابت قدم رہنا چاہیے۔
تیسرا یہ کہ ترقی کے لیے ایک مضبوط بنیاد رکھنی چاہیے۔ انہوں نے کہا کہ چین غربت میں کمی، زراعت، تعلیم، صحت سمیت دیگر شعبوں میں برکس ممالک کے ساتھ عملی تعاون کو مضبوط بنانے اور گلوبل ساؤتھ کے لیے مزید عوامی مصنوعات فراہم کرنے کے لیے تیار ہے۔ اور چوتھا یہ کہ ہمیں عملی تعاون کو مضبوط کرنا چاہیے۔ برکس کاؤنٹر ٹیررازم ورکنگ گروپ کے کردار کو مکمل ادا کرنا چاہیے، برکس ویکسین ریسرچ اینڈ ڈیولپمنٹ سینٹر کے امور کو خوب فروغ دینا چاہیے، “برکس فوڈ سیکیورٹی کوآپریشن اسٹریٹجی” کو سنجیدگی سے نافذ کرنا چاہیے، گہرے سمندر، قطبی خطوں اور بیرونی خلا سمیت نئے شعبوں میں تعاون کو بڑھانا چاہیے، اور عالمی چیلنجوں سے نمٹنے کے لیے مل کر کام کرنا چاہیے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکینیڈا کے پارلیمانی انتخابات میں لبرل پارٹی کو برتری حاصل چین میں غیرملکی سرمایہ کاری کی صورتحال اور رجحان واضح ہو رہا ہے، رپورٹ چینی قوم کی عظیم نشاۃ ثانیہ کے خواب کو حقیقت میں تبدیل کریں گے ، چینی صدر امریکہ بین الاقوامی اسلحے کے کنٹرول اور عدم پھیلاؤ کے نظام میں سب سے بڑا تخریب کار ہے،چین کی وزارت خارجہ چین کی جانب سے’’تھیئَے شیئن جیاؤ، نیو عہ جاؤ کی کورل ریف ایکو سسٹم سروے رپورٹ‘‘جاری ’’کام،کام ،اور کام‘‘،اپنے ہاتھوں سے خوشحالی کی تخلیق بجلی صارفین کیلئے اچھی خبر: ماہانہ، سہ ماہی ایڈجسٹمنٹ کی مد میں قیمت مزید کم ہونے کا امکانCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: برکس ممالک کرنا چاہیے ترقی کے
پڑھیں:
اسلام آباد کی ترقی ،چیرمین سی ڈی محمد علی رندھاوا کی قیادت میں شاندار کارکردگی
اسلام آباد کی ترقی ،چیرمین سی ڈی محمد علی رندھاوا کی قیادت میں شاندار کارکردگی WhatsAppFacebookTwitter 0 27 July, 2025 سب نیوز
اسلام آباد(سب نیوز) پاکستان کا خوبصورت دارالحکومت، اپنے صاف ستھرے ماحول، منظم انفراسٹرکچر اور سرسبز و شاداب مناظر کی وجہ سے دنیا بھر میں مشہور ہے۔ حالیہ برسوں میں کیپیٹل ڈیولپمنٹ اتھارٹی نے وفاقی وزیر داخلہ محسن نقوی کے ویژن اور چیرمین سی ڈی اے محمد علی رندھاوا کی قیادت میں شہر کی ترقی، خوبصورتی اور شہری سہولیات کو بہتر بنانے میں مثالی کارکردگی کا مظاہرہ کیا ہے۔ سی ڈی اے کی منصوبہ بندی سے بھرپور اقدامات اور جدید طرز حکمرانی نے اسلام آباد کو ایک جدید، پُرامن اور رہنے کے قابل شہر بنانے میں اہم کردار ادا کیا ہے
شہری ترقی اور انفراسٹرکچر
سی ڈی اے کی بڑی کامیابیوں میں شہر کی سڑکوں، پلوں اور بنیادی ڈھانچے کی تعمیر و مرمت شامل ہے۔ پرانی اور ٹوٹی پھوٹی سڑکوں کی دوبارہ تعمیر، سگنل فری کوریڈورز، اور جدید ٹریفک سگنلز کی تنصیب سے ٹریفک کے بہاؤ میں نمایاں بہتری آئی ہے۔
اس کے علاوہ، پانی کی فراہمی، نکاسی آب، اور سیوریج کے نظام کو بھی جدید خطوط پر استوار کیا گیا ہے، جس سے شہریوں کی زندگی میں آسانی پیدا ہوئی ہے اور شہر کا ماحولیاتی توازن برقرار رکھنے میں مدد ملی ہے۔
ماحولیاتی تحفظ اور سرسبزی
سی ڈی اے نے اسلام آباد کو سرسبز اور خوبصورت رکھنے کے لیے بھرپور شجرکاری مہمات شروع کی ہیں۔ گرین بیلٹس کی بحالی، پارکوں کی تزئین و آرائش اور نئے پودوں کی تنصیب سے شہر کی فضا مزید دلکش ہو گئی ہے۔
ایف نائن پارک، روز اینڈ جیسمین گارڈن، اور لیک ویو پارک جیسے اہم مقامات کی دیکھ بھال اور بہتری کے لیے بھی مؤثر اقدامات کیے گئے ہیں۔
صفائی ستھرائی کی مہمات کے ذریعے نہ صرف کچرے کو مؤثر طریقے سے ہٹایا گیا بلکہ شہریوں میں صفائی کا شعور بھی اجاگر کیا گیا ہے۔
تجاوزات کے خلاف کارروائیاں اور خوبصورتی میں اضافہ
سی ڈی اے نے غیر قانونی تجاوزات کے خلاف مؤثر کارروائیاں کرتے ہوئے سرکاری زمینوں کو واگزار کروایا ہے۔ ان اقدامات سے نہ صرف شہر کی خوبصورتی بحال ہوئی بلکہ پیدل چلنے والوں اور عوام کے لیے سہولت بھی پیدا ہوئی۔شہر کو مزید خوبصورت بنانے کے لیے سٹریٹ لائٹس، فٹ پاتھز، اور بینچز کی تنصیب جیسے منصوبے کامیابی سے مکمل کیے گئے ہیں۔
عوامی خدمات اور ڈیجیٹائزیشن
سی ڈی اے نے شہریوں کو بہتر سہولیات فراہم کرنے کے لیے خدمات کو ڈیجیٹل پلیٹ فارمز پر منتقل کیا ہے۔ اب شہری پراپرٹی ریکارڈ، بلڈنگ اپروولز، اور ٹیکس ادائیگی جیسے امور آن لائن انجام دے سکتے ہیں، جس سے شفافیت اور وقت کی بچت ممکن ہوئی ہے۔
سی ڈی اے کی ہیلپ لائنز، موبائل ایپس اور شکایات کے فوری ازالے کا نظام عوام کی آسانی اور اعتماد میں اضافہ کر رہا ہے۔
عوامی شراکت داری اور مستقبل کا وژن
سی ڈی اے نے شہریوں کی رائے کو اہمیت دیتے ہوئے انہیں مختلف منصوبوں میں شامل کیا ہے۔ “کلین اینڈ گرین اسلام آباد”، کمیونٹی گارڈننگ، اور اربن فارمنگ جیسے منصوبوں نے شہریوں میں شعور اور شراکت داری کا جذبہ پیدا کیا ہے۔
سی ڈی اے کا وژن ہے کہ اسلام آباد کو ایک “سمارٹ سٹی” میں تبدیل کیا جائے، جہاں ٹیکنالوجی کی مدد سے جدید شہری منصوبہ بندی، توانائی کی بچت اور بہترین سہولیات کو یقینی بنایا جا سکے۔سی ڈی اے
نے اسلام آباد کو ترقی دینے، ماحول کو محفوظ رکھنے، شہری سہولیات کو بہتر بنانے، اور عوامی شراکت داری کو فروغ دینے میں شاندار کردار ادا کیا ہے۔ اس کی مسلسل محنت اور وژن کی بدولت اسلام آباد نہ صرف پاکستان بلکہ پورے خطے کا ایک مثالی دارالحکومت بن چکا ہے۔ اگر یہ سلسلہ اسی جذبے سے جاری رہا تو اسلام آباد جلد ہی دنیا کے بہترین شہروں میں شامل ہو جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسعودیہ میں 8گھنٹے طویل آپریشن کے بعد دھڑ جڑی دو شامی بچیوں کو الگ کردیا گیا سعودیہ میں 8گھنٹے طویل آپریشن کے بعد دھڑ جڑی دو شامی بچیوں کو الگ کردیا گیا مجلس وحدت مسلمین نے زیارات کیلئے زمینی راستے سے جانے پر حکومتی پابندی کو مسترد کردیا،خاتمے کا مطالبہ پیپلزپارٹی کا این اے 129لاہور کی خالی ہونے والی نشست پر ضمنی الیکشن لڑنے کا اعلان خیبرپختونخوا،محکمہ لائیوسٹاک کیلئے خریدی گئیں 80گاڑیاں غائب، آڈٹ رپورٹ نے بھانڈا پھوڑ دیا وفاقی وزیر احسن اقبال سے چینی سفیر کی ملاقات،جے سی سی میں اہم فیصلے متوقع یو اے ای اور پاکستان نے ایک دوسرے کیلئے سفارتی اور آفیشل پاسپورٹ کو ویزا فری کردیاCopyright © 2025, All Rights Reserved
رابطہ کریں ہمارے بارے ہماری ٹیم
وفاقی وزیرداخلہ محسن نقوی آج سرکاری دورے پر تہران پہنچیں گے