پاکستانی قوم مودی کی جارحیت کے سامنے متحد، کسی بھی مہم جوئی کا جواب ملے گا، عمران خان
اشاعت کی تاریخ: 29th, April 2025 GMT
سابق وزیراعظم پاکستان و بانی پی ٹی آئی عمران خان نے کہا ہے کہ 2019 کے پلوامہ واقعہ کے بعد ایک بار پھر مودی سرکار پہلگام واقعہ کا الزام پاکستان پر عائد کررہی ہے۔ پاکستانی قوم مودی کی جارحیت کے سامنے متحد ہے۔
اڈیالہ جیل میں وکلا سے گفتگو کرتے ہوئے انہوں نے کہاکہ امن ہماری خواہش ہے لیکن اسے ہماری کمزوری نہ سمجھا جائے، پاکستان کے پاس کسی بھی بھارتی مہم جوئی کا بھرپور جواب دینے کی تمام صلاحیتیں موجود ہیں، جیسا کہ 2019 میں ہم نے بھرپور جواب دیا تھا۔
یہ بھی پڑھیں بھارت پاکستان میں ہونے والی دہشتگردی میں ملوث، فوجی ترجمان نے ثبوت پیش کردیے
انہوں نے کہاکہ میں نے ہمیشہ کشمیریوں کے حق خودارادیت کی اہمیت پر زور دیا ہے جس کی ضمانت اقوام متحدہ کی قراردادوں میں دی گئی ہے۔
عمران خان نے کہاکہ میں اس حقیقت کو بھی اجاگر کرتا رہا ہوں کہ آر ایس ایس کے نظریے کی قیادت میں ہندوستان نہ صرف خطے بلکہ دنیا کے لیے بھی سنگین خطرہ ہے۔ آرٹیکل 370 کی غیر قانونی منسوخی کے بعد کشمیر میں بھارتی جبر میں شدت نے کشمیری عوام کی آزادی کی خواہش کو مزید ہوا دی ہے۔
انہوں نے کہاکہ نریندر مودی کی جارحیت نے پاکستانی قوم کو متحد کردیا، ہم ایک پاکستانی قوم کے طور پر مضبوطی سے کھڑے ہیں اور جنگ کو ہوا دینے کے مودی کے عزائم کی مذمت کرتے ہیں۔
عمران خان نے کہاکہ یہ کہنے کی ضرورت نہیں کہ بیرونی دشمن کے خلاف جنگ جیتنے کے لیے سب سے پہلے قوم کو متحد ہونا ہوگا۔ اب وقت آگیا ہے کہ ان تمام کارروائیوں کو روکا جائے جن سے قوم تقسیم ہورہی ہے۔
یہ بھی پڑھیں بھارتی مہم جوئی کی صورت میں اپنی سالمیت کا دفاع کریں گے، وزیراعظم نے اقوام متحدہ کو آگاہ کردیا
انہوں نے کہاکہ نواز شریف اور آصف زرداری جیسی خود ساختہ شخصیات سے کسی مضبوط مؤقف کی توقع نہیں رکھنی چاہیے، وہ بھارت کے خلاف کبھی نہیں بولیں گے کیونکہ ان کی غیر قانونی دولت اور کاروباری مفادات بیرون ملک ہیں۔ وہ بیرونی سرمایہ کاری سے فائدہ اٹھاتے ہیں اور ان مالی مفادات کے تحفظ کے لیے وہ پاکستان پر غیر ملکی جارحیت اور بے بنیاد الزامات کے سامنے خاموش رہتے ہیں۔ ان کا خوف بہت سادہ ہے کہ اگر وہ سچ بولنے کی ہمت کریں تو بھارتی لابی ان کے آف شور اثاثے منجمد کر سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل بانی پی ٹی آئی سابق وزیراعظم عمران خان مودی جارحیت وی نیوز.ذریعہ: WE News
کلیدی لفظ: اڈیالہ جیل بانی پی ٹی ا ئی مودی جارحیت وی نیوز انہوں نے کہاکہ پاکستانی قوم کی جارحیت کے لیے
پڑھیں:
ٹرمپ ،عاصم منیرملاقات،تھری آئیز پر بات،بھارت میں صف ماتم ہے،مشاہدحسین سید
اسلام آباد: سابق وفاقی وزیراورماہرعالمی امورمشاہدحسین سیدنے امریکی صدرڈونلڈٹرمپ اور فیلڈمارشل عاصم منیرکی ملاقات پرتبصرہ کرتےہوئے کہاہےکہ یہ ملاقات تاریخی پیشرفت ہے، پاکستان کے حاضرسروس آرمی چیف جوحکمران بھی نہیں ہیںانہیں وائٹ ہاوس مدعوکیاجانا پاکستان اورخودسید عاصم منیرکے لئے بھی اعزازکی بات ہےاس پر بھارت میں صف ماتم بچھی ہوئی ہے،ملاقات میں ’’تھری آئیز‘‘اسرائیل ،ایران اور انڈیازیربحث آئے ہوں گے،ٹرمپ پاکستان کے معترف اوراسے سنناچاہتےہیں۔
نجی ٹی وی سے گفتگو کرتےہوئے مشاہدحسین سیدنے کہاکہ صدر ٹرمپ کا فیلڈمارشل سیدعاصم منیرکو وائٹ ہاوس مدعوکرنا دراصل یہ اعتراف بھی ہے کہ یہی وہ سپہ سالار ہیں جنہوں نے بھارت کو شکست دی۔انہوں نے کہاکہ صدر ٹرمپ طاقت اور طاقت ورکی قدر کرتےہیں،اس ملاقات پر دہلی میں صف ماتم ہے کیونکہ بھارت پاکستان کو سفارتی طورپر تنہا کرنے کی کوشش کررہاتھااوروہ وہ پاک فوج کےسربراہ کے خلاف پروپیگنڈابھی کررہے تھے لیکن اب سب کچھ خاک میں مل گیا ہے۔انہوں نے کہاکہ ٹرمپ کھلے ذہین کے آدمی ہیں وہ روایتی لیڈرہیں نہ روایتی سفارتکاری کرتے ہیں،وہ پروٹوکول کی پرواہ بھی نہیں کرتےبلکہ بندہ دیکھتے ہیں ۔
انہوں نے کہاکہ ایران ہمارادوست ملک ہے، فیلڈمارشل نے امریکہ میں پاکستانی کمیونٹی سے خطاب میں کہاہےکہ ایران کے ساتھ کھڑے ہیں ،ملاقات میں اسرائیل کی کارروائیوں،پاکستان کے رویےپربھی بات ہونایقینی ہے، ٹرمپ ٹیرف کے بات کشمیر کو اہمیت دے رہے ہیں، وہ کئی باراس کی بات کرچکےہیں جس پر بھارت کو تکلیف ہے،ٹرمپ جانتے ہیں کہ وہ اس سے بات کریں گے جو فیصلہ ساز ہوگااس کے علاوہ پاکستان امریکہ تعلقات ،کرپٹوکرنسی،دہشت گردی اور معدنیات کے معاملات زیربحث آئے ہوں گے۔انہوں نے کہاکہ ٹرمپ کا آئی لو پاکستان خوش آئند بات ہے۔
ایک سوال پر مشاہدحسین سیدنے کہاکہ ٹرمپ اور فیلڈمارشل کے درمیان ملاقات میں بانی پی ٹی آئی عمران خان کے بارے میں باضابطہ ہوئی بات نہیں ہوسکتی تاہم ممکنہ ہے کہ نجی طور پر ٹرمپ نے اس بارےمیں کچھ ہوالیکن یہ وثوق سے نہیں کہاجاسکتا۔
انہوں نے کہاکہ ٹرمپ کا پاکستان ،اس کی قیادت خاص طور پر ملٹری قیادت کے بارے میں تصورمختلف ہوگا انہوں نےمودی کو ٹیلی فون کال سے ٹرخادیا۔
مشاہدحسین سیدنےکہاکہ کشمیراب عالمی مسئلہ بن چکاہے ٹرمپ نے اسے عالمی ایشوبنایا،یہ بھارت کو بہت بڑی شکست ہے ،اسے جنگی شکست پاکستان اورسفارتی شکست ٹرمپ کی وجہ سے ہوئی ہے۔
انہوں نے کہاکہ اسرائیل ایران میں رجیم چینج چاہتاہے،امریکہ نے اسرائیل کو لگام نہ لگائی تو یہ ٹرمپ کی زندگی کی سب سے بڑی غلطی ہوسکتی ہے، نیتن یاہوانہیں ڈبودےگا، ایران لڑناجانتاہے ،قیادت کے مارے جانے کے باوجود بھرپورجوابی کارروائی کررہاہے۔
خیبرپختونخوا پولیس کی تنخواہیں پنجاب پولیس کے برابر کرنے کا فیصلہ