پاکستان پر الزامات: نجم سیٹھی نے بھارتی صحافی کو لاجواب کردیا
اشاعت کی تاریخ: 30th, April 2025 GMT
اسلام آباد:
سینئر صحافی نجم سیٹھی نے حالیہ کشیدگی پر بھارتی صحافی کے الزامات پر انہیں لاجواب کردیا اور کہا کہ پانی بند کرنے پر پاکستان واقعی ایٹمی ہتھیار استعمال کرسکتا ہے، بھارت کے پاس پہلگام حملے کے ثبوت ہیں تو عالمی برادری کے سامنے پیش کیے جائیں۔
یہ بات انہوں نے سینئر بھارتی صحافی کرن تھاپر کو انٹرویو دیتے ہوئے کہی۔
بھارتی صحافی نے نجم سیٹھی سے استفسار کیا کہ کیا پہلگام واقعہ فالس فلیگ آپریشن تھا یہ بھارت پر ایک الزام ہے آپ کیا سمجھتے ہیں؟ اس پر نجم سیٹھی نے کہا کہ پہلگام واقعہ فالس فلیگ ہی تھا بھارت کے چند طاقتور اور خفیہ عناصر اس میں ملوث ہیں، اس واقعے میں سیکیورٹی فورسز کی ناکامی اور خفیہ اداروں کی ناکامی سے متعلق سوالات کے جوابات ابھی تک سامنے نہیں آئے۔
نجم سیٹھی نے کہا کہ بھارتی میڈیا وزیرِ اعظم اور حکمران جماعت سے اس حوالے سے سخت سوالات نہیں کررہا، پہلگام واقعے کے بعد بھارتی الزامات پر پاکستان کا ردعمل بالکل بھی جذباتی نہیں نہ ہی ہماری جانب سے جنگی جنون نظر آتا ہے بلکہ اگر آپ اپنے لوگوں سے کہیں کہ وہ سوشل میڈیا پر میمز دیکھیں تو انہیں اندازہ ہوگا کہ پاکستانی عوام اس معاملے کو زیادہ سنجیدہ نہیں لے رہے تاہم حکومت سنجیدہ ہے، پاکستانی عوام بھارتی میڈیا کی جانب سے بغیر تحقیقات انگلیاں پاکستان کی طرف اٹھانے پر حیران ہیں ہمیں نہیں معلوم کہ بھارت کیا کرے گا، لیکن ہم جانتے ہیں کہ جو کچھ بھی بھارت کرے گا، اس کا ہمارے پاس جواب ضرور ہے۔
صحافی نے سوال کیا کہ پانی روکنے پر پاکستان نے ایٹمی ہتھیار استعمال کرنے کی دھمکی دی کیا واقعی ایسا ہے؟ اس پر نجم سیٹھی نے کہا کہ جی بالکل یہ سنجیدہ معاملہ ہے پورے پاکستانی نیوکلیئر پروگرام کا تصور اسی بنیاد پر قائم ہے جیسا کہ ایک سابق وزیرِاعظم نے کہا تھا کہ ہم نے یہ بم کسی تہوار پر چلانے کے لیے نہیں بنایا، اگر بھارتی فوج سرحد عبور کرکے آزاد کشمیر یا پاکستانی علاقے پر قبضہ کرلے تو پاکستان اپنی ہی سرزمین پر ایٹمی ہتھیار استعمال کرسکتا ہے۔
انہوں نے مزید کہا کہ اگر بھارت کراچی کی ناکہ بندی کرنے کی کوشش کرے کیوں کہ یہ پاکستان کا معاشی گلا گھٹنے کے مترادف ہے تو پاکستان جوہری ہتھیار استعمال کرے گا، اگر پانی کا رُخ موڑنے یا پاکستان کو قحط کا شکار بنانے کی کوشش کی گئی تو پاکستان جوہری ہتھیار استعمال کرے گا۔
سینئر صحافی نجم سیٹھی نے کہا کہ ہمارے عوام کو مسلح افواج پر زبردست اعتماد ہے، اگر کوئی کشیدگی ہوئی تو ہماری افواج اس کا بھرپور جواب دیں گی، پہلگام واقعے کے کوئی ثبوت موجود ہیں تو انہیں بھارتی میڈیا کے سامنے نہیں بلکہ پاکستان اور بین الاقوامی برادری کے سامنے پیش کیا جائے۔
نجم سیٹھی نے کہا کہ اس سارے معاملے میں پاکستانی حکومت نے بہت ذمہ دارانہ انداز میں ردعمل دیا اور بھارت سے کہا کہ امریکا اور دیگر ممالک اس معاملے میں شامل کرکے واقعے کی آزادانہ تحقیقات کی جائیں، میرے خیال میں یہ معاملہ اب صرف بھارت اور پاکستان کے درمیان نہیں رہا بلکہ اب یہ بھارت، پاکستان اور چین کے درمیان بھی ہے، چین نے پاکستان میں بڑی سرمایہ کاری کی ہے، چینی بیانات اور پاکستان کو دی گئی فوجی معاونت کی پیشکش اس بات کا ثبوت ہے کہ اگر بھارت اور پاکستان کے درمیان کشیدگی بڑھتی ہے تو چین کا ردعمل کیا ہوگا۔
.
ذریعہ
ذریعہ: Express News
کلیدی لفظ: ہتھیار استعمال بھارتی صحافی کرے گا
پڑھیں:
99 ووٹ لے کر بنگلہ دیش نے دنیا کو حیران کردیا، اقوام متحدہ جنرل اسمبلی کی صدارت جیت لی
بنگلا دیش کے وزیر خارجہ خالد الرحمان اقوام متحدہ کی جنرل اسمبلی کے 81 ویں اجلاس (2026-2027) کے لیے صدر منتخب ہوگئے ہیں۔ انہوں نے ایک سخت اور قریبی مقابلے میں قبرص کے امیدوار آندریاس ایس کاکورس کو شکست دی۔
193 رکنی اقوام متحدہ کی جنرل اسمبلی میں ہونے والی رائے شماری میں خالد الرحمان نے 99 ووٹ حاصل کیے جبکہ ان کے حریف آندریاس کاکورس کو 91 ووٹ ملے۔ انتخاب میں کوئی رکن ملک غیر حاضر یا غیر جانبدار نہیں رہا۔ کامیابی کے لیے 96 ووٹ درکار تھے۔
اقوام متحدہ کے قواعد کے مطابق جنرل اسمبلی کے صدر کا انتخاب ہر سال تمام رکن ممالک کی خفیہ رائے شماری کے ذریعے کیا جاتا ہے اور ہر ملک کو ایک ووٹ کا حق حاصل ہوتا ہے۔
اگرچہ یہ انتخاب باضابطہ طور پر مسابقتی ہوتا ہے، تاہم عمومی طور پر مختلف علاقائی گروپوں کے درمیان باری باری صدارت کا اصول اپنایا جاتا ہے۔
81 ویں اجلاس کے لیے ایشیا پیسیفک گروپ کو امیدوار نامزد کرنے کا حق حاصل تھا، جس کے نتیجے میں بنگلہ دیش اور قبرص کے حمایت یافتہ امیدواروں کے درمیان مقابلہ ہوا۔
خالد الرحمان ستمبر 2026 میں جنرل اسمبلی کے 81 ویں اجلاس کے آغاز پر اپنے عہدے کا باضابطہ چارج سنبھالیں گے اور ایک سال تک اس منصب پر فائز رہیں گے۔ اس دوران وہ جنرل اسمبلی کے اجلاسوں کی صدارت، عالمی مسائل پر مباحثے کی نگرانی اور رکن ممالک کے درمیان مذاکرات کو آگے بڑھانے کی ذمہ داری ادا کریں گے۔
تجزیہ کاروں کے مطابق یہ کامیابی عالمی سفارت کاری میں بنگلا دیش کے بڑھتے ہوئے کردار کی عکاسی کرتی ہے۔ اقوام متحدہ کی جنرل اسمبلی کی صدارت کو ایک اہم سفارتی منصب سمجھا جاتا ہے جو عالمی امن، ترقی، ماحولیاتی تبدیلی اور اقوام متحدہ کی اصلاحات جیسے اہم معاملات پر اثر انداز ہونے کا موقع فراہم کرتا ہے۔
دوسری جانب پاکستان کے نائب وزیراعظم اور وزیر خارجہ اسحاق ڈار نے خالد الرحمان کو کامیابی پر مبارکباد دی۔ انہوں نے سوشل میڈیا پر اپنے پیغام میں کہا کہ خالد الرحمان کا وسیع سفارتی تجربہ اور کثیرالجہتی تعاون کے لیے ان کی وابستگی جنرل اسمبلی کی مؤثر قیادت میں اہم کردار ادا کرے گی۔
Heartiest felicitations to my dear brother, H.E. Dr. Khalilur Rahman, Foreign Minister of Bangladesh on his election as President of the 81st Session of the UN General Assembly.
Having had closely engaged with him, I am confident that his vast diplomatic experience and steadfast…
اسحاق ڈار نے امید ظاہر کی کہ اقوام متحدہ میں دونوں ممالک کے درمیان تعاون مزید مضبوط ہوگا اور عالمی امن، پائیدار ترقی اور بین الاقوامی مکالمے کے فروغ کے لیے مشترکہ کوششیں جاری رہیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ