پنجاب کی جیلوں میں اسمارٹ لائبریریز کا قیام، ضابطہ اخلاق بھی جاری
اشاعت کی تاریخ: 1st, May 2025 GMT
وزیراعلیٰ پنجاب کی ہدایت پر محکمہ داخلہ پنجاب کا مثالی تعلیم دوست اقدام، پنجاب بھر کی جیلوں میں ’اسمارٹ لائبریری‘ پراجیکٹ کا آغاز کر دیا گیا۔ سیکریٹری داخلہ پنجاب نور الامین مینگل نے ڈسٹرکٹ جیل لاہور میں اسمارٹ لائبریری کا افتتاح کیا۔
یہ بھی پڑھیں:بھارت کے خلاف ہم متحد ہیں: عمران خان کا جیل سے اہم پیغام
پراجیکٹ کے تحت قیدیوں کو ان کی بیرک کے اندر کتابیں اور شیلف مہیا کیے گئے ہیں۔
ترجمان محکمہ داخلہ پنجاب کے مطابق پنجاب کی تمام 44 جیلوں میں بیرکس کے اندر اسمارٹ لائبریریز قائم کی گئی ہیں۔
سیکرٹری داخلہ پنجاب نور الامین مینگل نے کیمپ جیل لاہور میں اسمارٹ لائبریری کے افتتاح پر گفتگو کرتے ہوئے بتایا کہ تعلیم دوست منصوبے کے تحت پنجاب بھر کی جیلوں میں ایک لاکھ کتابیں پہنچائی گئی ہیں جبکہ ہر ماہ ہر جیل میں 500 نئی کتابوں کا ٹارگٹ بھی دیا گیا ہے۔
نور الامین مینگل نے کہا کہ قیدیوں کی تربیت اور اصلاح کے لیے کتب بینی کا سازگار ماحول فراہم کیا گیا ہے۔
انہوں نے بتایا کہ ایک سال میں قیدیوں کی اصلاح و فلاح کے لیے متعدد اقدامات اٹھائے گئے ہیں جن میں بہتر خوراک و ماحول کی فراہمی، جیل انڈسٹری میں تکنیکی تربیت، نفسیاتی و ذہنی صحت کی جانچ وغیرہ شامل ہیں۔
سیکریٹری داخلہ نے بتایا کہ ماہانہ بنیادوں پر ہر بیرک کی کتابیں دوسری بیرک سے تبدیل کی جائیں گی تاکہ قیدیوں کو نئی کتب پڑھنے کا موقع ملے۔
ترجمان نے بتایا کہ اسمارٹ لائبریری میں اخلاقیات، تاریخ، اصلاحی سبق آموز، ادب، کردار سازی اور اسلام بارے کتابیں رکھی گئی ہیں۔ محکمہ داخلہ پنجاب نے بیرکس میں قائم سمارٹ لائبریری کیلئے ضابطہ اخلاق بھی جاری کیا ہے۔ اس کے مطابق تعلیم یافتہ قیدی دیگر 10 اسیران کو کتاب کا خلاصہ بیان کریں گے۔
تمام خواندہ قیدی دورانِ اسیری کم از کم ایک کتاب پڑھنے کے پابند ہونگے اور ہر جیل میں ماہانہ بنیادوں پر زیادہ کتابیں پڑھنے والے قیدی کو انعام دیا جائے گا۔
یہ بھی پڑھیں:پی ٹی آئی پنجاب کی چیف آرگنائزر عالیہ حمزہ جہلم جیل منتقل
ہر بیرک کا انچارج کتابوں کی حفاظت اور قواعد و ضوابط پر عملدرآمد کا ذمہ دار ہوگا۔ اسمارٹ لائبریری پراجیکٹ کے افتتاح پر ایڈیشنل سیکرٹری داخلہ (پریزن) عاصم رضا، آئی جی جیل میاں فاروق نذیر، ڈی آئی جی جیل لاہور ریجن نوید رؤف، جیل سپرنٹینڈنٹ ظہیر احمد ورک اور دیگر حکام بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جیل جیل لائبریری سیکرٹری داخلہ پنجاب نور الامین مینگل.ذریعہ: WE News
کلیدی لفظ: جیل جیل لائبریری سیکرٹری داخلہ پنجاب نور الامین مینگل نور الامین مینگل اسمارٹ لائبریری داخلہ پنجاب جیلوں میں پنجاب کی بتایا کہ
پڑھیں:
ملک بھر میں شدید گرمی کے بعد بارشوں اور آندھی کی پیشگوئی، پی ڈی ایم اے کا الرٹ جاری
محکمہ موسمیات نے شدید گرمی کی لہر کے دوران آج شام سے 16 جون تک مختلف علاقوں میں بارش، گرد آلود ہواؤں اور آندھی کی پیشگوئی کی ہے، جو موسم میں غیر یقینی تبدیلیوں کا پیش خیمہ بن سکتی ہے۔ محکمہ موسمیات کے مطابق اسلام آباد، راولپنڈی، مری، آزاد کشمیر، خیبرپختونخوا اور بلوچستان کے مختلف علاقوں میں آندھی اور گرج چمک کے ساتھ بارش متوقع ہے۔ سندھ، جنوبی پنجاب اور بلوچستان کے کئی حصوں میں گرد آلود ہواؤں اور تیز جھکڑوں کا امکان ہے، جو شہریوں کے لیے خطرناک ہو سکتے ہیں۔ درجہ حرارت کی صورتحال: اسلام آباد: 45°C لاہور: 46°C پشاور و مظفرآباد: 44°C کراچی: 37°C کوئٹہ: 36°C گلگت: 34°C پی ڈی ایم اے کا الرٹ: پنجاب ڈیزاسٹر مینجمنٹ اتھارٹی (PDMA) نے متنبہ کیا ہے کہ پنجاب کے مختلف اضلاع میں موسم کی غیر متوقع تبدیلیوں کا خدشہ ہے۔ اضلاع جن میں بارش کے قوی امکانات ہیں: لاہور، فیصل آباد، سیالکوٹ، سرگودھا، میانوالی، ملتان، ڈیرہ غازی خان، بہاولپور، بہاولنگر۔ ڈی جی پی ڈی ایم اے کے مطابق شہری غیر ضروری سفر سے گریز کریں۔ بجلی کے کھمبوں اور کمزور درختوں کے قریب جانے سے پرہیز کریں۔ موسمی اپ ڈیٹس سے مستقل باخبر رہیں۔ ریلیف کی امید: حکام کے مطابق متوقع بارشوں کے بعد ملک بھر میں جاری ہیٹ ویو کی شدت میں کمی آئے گی، جس سے عوام کو کچھ حد تک ریلیف ملے گا۔
ایک سال میں خواندگی کی شرح 60 فیصد رہی، اقتصادی سروے