آرمی چیف اعلان کریں پوری قوم بھارت کی اینٹ سے اینٹ بجانے کے لیے تیار ہے، بلال سلیم قادری
اشاعت کی تاریخ: 2nd, May 2025 GMT
اپنے بیان میں سیکرٹری جنرل پاکستان سنی تحریک نے کہا کہ بھارت یہ بات اچھی طرح ذہن نشین کر لے جس دن 25 کروڑ پاکستانی اس کی طرف قدم بڑھائیں گے تو وہ قدم بھارت کو نیست و نابود کیے بغیر واپس نہیں پلٹیں گے، پاکستان پر الزام لگانے کے بعد بھارت کی آواز آہستہ آہستہ بند ہو رہی ہے۔ اسلام ٹائمز۔ پاکستان سنی تحریک کے مرکزی سیکرٹری جنرل علامہ بلال سلیم قادری شامی نے بھارت کی جانب سے دی جانے والی دھمکیوں کے جواب میں کہا کہ پاکستان نے تو ابھی بھارت کو فضائی حدود میں داخل ہونے سے روکا ہے، بھارتی حکومت اگر زیادہ چھلانگیں لگائے گی تو اس کی حدود میں گھس کر پاکستانی قوم اسے جواب دے گی، بھارتی حکومت یہ اچھی طریقے سے جان لے اگر پاکستانی آرمی چیف نے جنگ کا اعلان کر دیا تو بھارتی افواج اور بھارتی حکمرانوں کو کہیں چھپنے کی جگہ نہیں ملے گی، پوری پاکستانی قوم بھارت کی اینٹ سے اینٹ بجانے کے لیے تیار ہے، پہلگام واقعے کا پاکستان پر الزام لگا کر بھارت اچھی طرح سے جان گیا ہے کہ یہ اب اس کی آخری غلطی ہے، بھارت نے اگر اب کوئی غلط حرکت کی تو پھر اس کو اس کی ہی زبان میں جواب دیا جائے گا۔
بلال سلیم قادری کا مزید کہنا تھا کہ مسلمان ہمیشہ سر پر کفن باندھ باندھ کر کفار سے لڑتا ہے، تاریخ شاہد ہے کہ مسلمان نے کبھی بھی اپنی جان کی پرواہ نہیں کی کیونکہ ہر مسلمان کی دلی خواہش ہوتی ہے کہ وہ بھی شہادت کا مرتبہ حاصل کریں، مسلمان کے لیے شہادت ایک اعزاز ہے، کفار یہ بات ہمیشہ سے جانتے ہیں کہ مسلمانوں سے لڑنے کے لیے جذبہ اور حوصلہ چاہیئے اور یہ دونوں چیز ان کے پاس نہیں ہے، پاکستانی قوم اپنی بقا اور سلامتی کے لیے کسی طرح کی قربانی سے دریغ نہیں کرے گی، پوری قوم اپنے سیکیورٹی اداروں کے شانہ بشانہ کھڑی ہے، پاکستان دنیا کے امن کو خراب نہیں کرنا چاہتا یہ سب کچھ بھارتی اوچھے ہتھکنڈے ہیں، بھارت نے ابھی تصویر کا ایک رخ دیکھا ہے جس دن پاکستان نے اسے دوسرا رخ دکھایا تو وہ دم دبا کر بھاگ جائے گا۔
ذریعہ
ذریعہ: Islam Times
پڑھیں:
پاکستان میں ڈالر مستحکم، پاؤنڈ اور یورو سمیت بڑی کرنسیوں کے تازہ ریٹس جاری
کراچی: اسٹیٹ بینک آف پاکستان نے 2 جون 2026 کے لیے مختلف عالمی کرنسیوں کے پاکستانی روپے کے مقابلے میں تازہ ریٹس جاری کر دیے ہیں۔ جاری کردہ اعداد و شمار کے مطابق امریکی ڈالر اپنی سابقہ سطح کے قریب برقرار ہے جبکہ برطانوی پاؤنڈ، یورو اور خلیجی ممالک کی کرنسیاں بھی مستحکم رجحان دکھا رہی ہیں۔
امریکی ڈالر کی قیمت
اسٹیٹ بینک کے مطابق امریکی ڈالر کی انٹربینک شرح 278.46 روپے رہی۔ مالیاتی ماہرین کے مطابق ڈالر کی قیمت گزشتہ کئی ماہ سے 278 سے 280 روپے کے درمیان گردش کر رہی ہے، جس سے زرمبادلہ مارکیٹ میں استحکام کا تاثر مل رہا ہے۔
سعودی ریال اور اماراتی درہم
سعودی ریال 74.19 روپے جبکہ متحدہ عرب امارات کا درہم 75.82 روپے پر برقرار رہا۔ خلیجی ممالک میں مقیم پاکستانیوں کی جانب سے بھیجی جانے والی ترسیلات زر کے باعث ان کرنسیوں کی اہمیت پاکستانی معیشت کے لیے بہت زیادہ ہے۔
یورو اور برطانوی پاؤنڈ
یورو کی قیمت 324.40 روپے جبکہ برطانوی پاؤنڈ 375.18 روپے ریکارڈ کیا گیا۔ یورپ اور برطانیہ میں زیر تعلیم پاکستانی طلبہ اور وہاں مقیم پاکستانی خاندانوں کے لیے ان کرنسیوں کی قیمتیں خصوصی اہمیت رکھتی ہیں۔
دیگر اہم کرنسیاں
کینیڈین ڈالر 201.19 روپے، آسٹریلوی ڈالر 200.03 روپے، قطری ریال 76.39 روپے، بحرینی دینار 738.61 روپے اور کویتی دینار 907.63 روپے کی سطح پر رہا، جو بدستور پاکستانی روپے کے مقابلے میں سب سے مہنگی کرنسیوں میں شامل ہے۔
آج کے نمایاں کرنسی ریٹس
امریکی ڈالر: 278.46 روپے
سعودی ریال: 74.19 روپے
اماراتی درہم: 75.82 روپے
قطری ریال: 76.39 روپے
یورو: 324.40 روپے
برطانوی پاؤنڈ: 375.18 روپے
کینیڈین ڈالر: 201.19 روپے
آسٹریلوی ڈالر: 200.03 روپے
کویتی دینار: 907.63 روپے
بحرینی دینار: 738.61 روپے
عمانی ریال: 723.26 روپے
ماہرین کے مطابق آئندہ دنوں میں روپے کی قدر کا انحصار ترسیلات زر، زرمبادلہ ذخائر، درآمدی ادائیگیوں اور عالمی مالیاتی رجحانات پر ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ