’بھارتی رویہ جنوبی ایشیا کو تباہی کی طرف دھکیل سکتا ہے‘، انسٹیٹیوٹ آف اسٹریٹجک اسٹڈیز
اشاعت کی تاریخ: 3rd, May 2025 GMT
بھارت کے غیر قانونی طور پر زیر تسلط جموں و کشمیر میں پہلگام حملے کے بعد بھارت کے جارحانہ مؤقف کے تناظر میں انسٹیٹیوٹ آف اسٹریٹجک اسٹڈیزاسلام آباد (آئی ایس ایس آئی) میں ایک ڈائیلاگ کا انعقاد ہوا۔
یہ بھی پڑھیں:پاکستان کی مسلح افواج اور عوام دفاع وطن کے لیے متحد، آرمی چیف کا کور کمانڈر کانفرنس سے خطاب
اس کا مقصد بھارت کے جنگی موقف کے اندرونی اور بیرونی عوامل اور پاکستان کے خلاف اعلان کردہ اقدامات کا جائزہ لینا تھا۔ ڈائیلاگ میں سفارت کاروں، پریکٹیشنرز، ماہرین تعلیم، تھنک ٹینکس کے سربراہان اور سکیورٹی ماہرین نے شرکت کی۔
شرکا نے کہا کہ بھارت نے پاکستان پر الزامات عائد کرتے ہوئے کوئی تحقیقات نہیں کیں اور نہ ہی کوئی ثبوت پیش کیا۔بین الاقوامی میڈیا نے رپورٹ کیا تھا کہ بھارت مبینہ مداخلت کا کوئی قابل اعتبار ثبوت فراہم کیے بغیر پاکستان کے خلاف اپنا مقدمہ بنانا چاہتا ہے۔
یہ بھی پڑھیں:پاک بھارت جوہری جنگ دنیا کے لیے کتنی مہلک ہوسکتی ہے؟
شرکا نے یہ بھی کہا کہ بھارت بڑی تعداد میں ممالک کی طرف سے پہلگام حملے کی مذمت کو نئی دہلی کے جنگی اقدامات کی توثیق کے طور پر پیش کرنے کی کوشش کر رہا ہے۔ درحقیقت غیر جانبدار اور شفاف تحقیقات کے لیے پاکستان کی معقول پیشکش کو عالمی برادری میں بہت سے لوگوں نے مثبت انداز میں دیکھا ہے۔
بھارت اور پاکستان پر بھی زور دیا جا رہا ہے کہ وہ کشیدگی کم کرنے اور جنوبی ایشیا میں امن و سلامتی کو برقرار رکھیں۔ عالمی برادری میں یہ احساس بھی ہے کہ دیرینہ حل طلب مسئلہ کشمیر علاقائی امن و استحکام کو مسلسل نقصان پہنچا رہا ہے۔
یہ بھی پڑھیں:جنوبی ایشیا جوہری تصادم کی دہلیز پر، امریکا کردار ادا کرے، رضوان سعید شیخ
شرکا نے بھارت کے اس اشتعال انگیز رویے، اقدامات کا بھی ذکر کیا کہ اس نے یکطرفہ اور غیر قانونی طور پر سندھ طاس معاہدہ کو التوا میں ڈال دیا ہے۔ اس تناظر میں انہوں نے کہا کہ پانی کو ہتھیار کے طور پر استعمال کرنا معاہدہ اور بین الاقوامی قانون کی صریح خلاف ورزی ہے اور یہ کہ پاکستان اس معاملے کو ہر مناسب بین الاقوامی فورم پر لے جانے کا حق رکھتا ہے۔
24 اپریل کے این ایس سی کے بیان میں موجود بھارتی کارروائیوں پر پاکستان کے مجموعی ردعمل کی تعریف کرتے ہوئے شرکا نے کہا کہ پاکستان نے بھارت کی طرف سے کسی بھی فوجی مہم جوئی کا بھرپور جواب دینے کی اپنی صلاحیت اور عزم دونوں کا اعادہ کیا ہے۔
شرکا نے اس بات پر زور دیا کہ عالمی برادری غیر ذمہ دارانہ بھارتی رویے کا جائزہ لے جو جنوبی ایشیائی خطے کو ایک خطرناک تنازع اور انسانی تباہی کی طرف دھکیل سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس ایس آئی انسٹیٹیوٹ آف اسٹریٹجک اسٹڈیز بھارت پاکستان پہلگام جنوبی ایشیا سندھ طاس.
ذریعہ
ذریعہ: WE News
کلیدی لفظ: آئی ایس ایس آئی بھارت پاکستان پہلگام جنوبی ایشیا جنوبی ایشیا بھارت کے شرکا نے کے لیے کہا کہ کی طرف
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان