آئندہ 3 روز میں آسمانی بجلی گرنے کے خدشات ہیں، پی ڈی ایم اے
اشاعت کی تاریخ: 3rd, May 2025 GMT
— فائل فوٹو
لاہور سمیت پنجاب بھر میں موسم کی صورت حال پر پی ڈی ایم اے نے الرٹ جاری کر دیا۔
ترجمان پروینشل ڈیزاسٹر مینجمنٹ اتھارٹی (پی ڈی ایم اے) پنجاب کے مطابق گزشتہ شب آندھی، طوفان اور بارش کے باعث پیش آنے والے مختلف حادثات میں 2 شہری جاں بحق اور 24 زخمی ہوگئے۔
ترجمان پی ڈی ایم اے نے کہا کہ گزشتہ رات شروع ہونے والا بارش کا سلسلہ 4 مئی تک جاری رہے گا جبکہ آئندہ 3 روز میں آسمانی بجلی گرنے کے خدشات بھی موجود ہیں۔
محکمۂ موسمیات کے مطابق سسٹم کی شدت اور بارش کی درست پیشگوئی 5 مئی کے بعد کی جاسکتی ہے۔
محکمۂ موسمیات کے مطابق آج بھی پنجاب میں گرج چمک کے ساتھ طوفانی بارش کا امکان ہے۔
راولپنڈی، گوجرانوالہ، لاہور، فیصل آباد، سرگودھا، ڈی جی خان، ملتان، ساہیوال اور بہاولپور ڈویژن میں بارش متوقع ہے۔
.ذریعہ: Jang News
کلیدی لفظ: پی ڈی ایم اے
پڑھیں:
اگلے 2 سے 3 گھنٹوں میں آندھی اور گرج چمک کیساتھ بارش کا الرٹ جاری
اسلام آباد(نیوز ڈیسک)محکمہ موسمیات نے الرٹ جاری کیا ہے جس میں کہا گیا ہے کہ اگلے 2 سے 3 گھنٹوں کے دوران اسلام آباد، راولپنڈی، تلہ گنگ، اٹک، میں کچھ مقامات پر گرد آلود ہواؤں، آندھی اور گرج چمک کے ساتھ بارش کی توقع ہے ۔
محکمہ موسمیات کے مطابق چکوال، جہلم، منڈی بہاؤالدین، گجرات، سیالکوٹ، نارووال میں کچھ مقامات پر گرد آلود ہواؤں، آندھی، گرج چمک اور بارش کی توقع ہے۔ اس کے علاوہ کشمیر، مری، گلیات، گرد و نواح میں کچھ مقامات پر بھی گرد آلود ہواؤں، آندھی اور گرج چمک کے ساتھ بارش کی توقع ہے ۔
محکمہ موسمیات کا کہنا ہے کہ اسلام آباد اور راولپنڈی کے شہری محتاط رہیں، شہری موسم کی ممکنہ شدت کے دوران احتیاطی تدابیر اختیار کریں، آندھی اور بارش سے بعض علاقوں میں نظام زندگی متاثر ہو سکتا ہے۔
مزیدپڑھیں:ایرانی حکومت کا تہران میں میٹرو اسٹیشنز کو پناہ گاہوں کے طور پر کھولنے کا فیصلہ
بجلی مزید مہنگی ہوگی؟ نئے بجٹ میں صارفین پر اضافی سرچارج عائد کرنے کا فیصلہ