چیمپئینز کپ کا مستقبل خطرے میں! لاکھوں روپے لینے والے مینٹورز کا کیا ہوگا؟
اشاعت کی تاریخ: 4th, May 2025 GMT
چیمپئینز کپ کرکٹ کا مستقبل خطرے میں پڑگیا، اس کی جگہ پینٹنگولر کپ کو بحال کرنے کی باتیں ہونے لگیں۔
تفصیلات کے مطابق ڈومیسٹک کرکٹ سے مطلوبہ نتائج نہ ملنے پر پی سی بی نے گزشتہ دنوں اصلاحات کیلئے ایک کمیٹی قائم کی تھی، اس کا پہلا اجلاس گزشتہ دنوں منعقد ہوا۔
ذرائع نے بتایا کہ مطلوبہ فوائد نہ ملنے پر چیمپئینز کپ کو ختم کرنے پر غور ہونے لگا، 50 لاکھ روپے ماہانہ تنخواہیں لینے والے مینٹورز کا مستقبل کیا ہوگا اس پر ابھی کوئی فیصلہ نہیں ہوا، ایک تجویز انھیں کوئی اور کام سونپنے کی بھی ہے، ماضی کی طرح چار روزہ، ون ڈے اور ٹی20 پینٹنگولر ٹورنامنٹس کرانے پر بھی بات ہوئی۔
مزید پڑھیں: ڈومیسٹک کرکٹ اسٹریکچر میں پھر تبدیلی کے اشارے ملنے لگے
اس میں قائد اعظم ٹرافی اور ڈپارٹمنٹل ایونٹ کی دونوں فائنلسٹ سائیڈز سمیت ایک پی سی بی کی ٹیم شامل کرنے پر تبادلہ خیال کیا گیا، اس میں ملک بھر کے بہترین کرکٹرز کو لیا جائے گا،ہر ٹیم کے ساتھ پروفیشنل کوچ کا تقرر ہوگا، میٹنگ میں ریجنز کے نمائندوں نے ڈومیسٹک ٹیموں کی تعداد 18 سے 9 کرنے کی تجویز مسترد کردی۔
مزید پڑھیں: پی ایس ایل ٹیموں کے ساتھ اینٹیگریٹی آفیسرز کیوں تعینات نہیں؟
سلور اور گولڈ کی الگ کیٹیگریز میں شمولیت، چھوٹے شہروں کی ٹیموں کو یکجا یا ریجنز و ڈپارٹمنٹ کو ایک ساتھ کرنے کی باتیں بھی انھیں متاثر نہ کر پائیں، ان کا کہنا تھا کہ موجودہ ٹیمیں 3 سال تک برقرار رکھنے کا فیصلہ ہوا تھا، اسے ایک برس میں ہی تبدیل کرنے کا کوئی جواز نہیں ہے۔
مزید پڑھیں: 'کیا تم نے ٹرائل میچز کھیلے ہیں؟' عمر اکمل کی وہاب پر تنقید
ایک ریجنل آفیشل نے سلیکشن سمیت دیگر امور میں پی سی بی شعبہ ڈومیسٹک کرکٹ کی مداخلت کو مسائل کی جڑ قرار دیتے ہوئے کہا کہ ہمیں خود تمام انتظامات سنبھالنے کی اجازت ہونی چاہیے، چھوٹے شہروں سے ٹیلنٹ نہ آنے پر بھارتی رنجی ٹرافی کی مثال دیتے ہوئے کہا گیا کہ جھاڑکھنڈ سے صرف ایک سپراسٹار مہندرا سنگھ دھونی سامنے آیا مگر وہاں کی ٹیم ڈومیسٹک ایونٹ میں ہمیشہ شامل ہوتی ہے۔
آسٹریلوی کرکٹ میں اسٹیو وا کے بارے میں بھی ایسی ہی مثال دی گئی۔
شرکا نے بورڈ پر زور دیا کہ ٹیمیں برقرار رکھتے ہوئے کوالٹی بہتر بنانے پر توجہ دیں اس سے مطلوبہ نتائج حاصل ہو سکیں گے، اس حوالے سے اگلی میٹنگ میں چیئرمین پی سی بی محسن نقوی کی آمد بھی متوقع ہے۔
ذریعہ
ذریعہ: Express News
کلیدی لفظ: پی سی بی
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی