کراچی، ہیوی ٹریفک سے اموات کا سلسلہ تھم نہ سکا، ڈمپر کی ٹکر سے بچی جاں بحق
اشاعت کی تاریخ: 5th, May 2025 GMT
کراچی:
شہر قائد میں ہیوی ٹریفک سے اموات کا سلسلہ تھم نہ سکا، تازہ ترین واقعہ میں ڈمپر کی ٹکر سے ایک بچی جاں بحق ہو گئی۔
تفصیلات کے مطابق شیر شاہ گل گئی پل کے نیچے گزشتہ روز ایک ہولناک ٹریفک حادثہ پیش آیا جس میں 10 سالہ بچی جاں بحق جبکہ اس کے والدین شدید زخمی ہو گئے۔
ریسکیو ذرائع کے مطابق، حادثہ ڈمپر کی موٹر سائیکل کو ٹکر مارنے کے نتیجے میں پیش آیا، جس کے بعد زخمی افراد کو فوری طور پر اسپتال منتقل کیا گیا۔
مزید پڑھیں: کراچی: ٹریفک حادثے میں راہگیر خاتون جاں بحق
جاں بحق ہونے والی بچی کی شناخت 10 سالہ سمامہ کے نام سے کی گئی ہے، جبکہ اس کے والد 35 سالہ رضوان اور والدہ 30 سالہ لارین زخمی ہو گئے ہیں۔ دونوں کو شدید چوٹیں آئیں اور ان کی حالت نازک بتائی جاتی ہے۔
مشتعل افراد نے اس حادثے کے بعد ڈمپر کو نذر آتش کر دیا، جس کے باعث علاقے میں کشیدگی بڑھ گئی۔ پولیس اور ریسکیو ٹیموں نے فوری طور پر موقع پر پہنچ کر صورتحال کو کنٹرول کیا اور بچی کی لاش سمیت زخمیوں کو اسپتال منتقل کیا۔
.ذریعہ: Express News
پڑھیں:
ماڑی پور میں اسکول سے واپسی پرٹریفک حادثے میں طالبعلم جاں بحق
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر ) شہر کے مختلف علاقوں حادثات واقعا ت میں معصوم بچے اورخاتون سمیت 6افراد جاںبحق ہوگئے دیگر واقعات میں 8افراد زخمی ہوئے ۔تفصیلات کے مطابق ماڑی پور ٹرک اڈا گیٹ نمبر 6 کے قریب ٹرالر کی ٹکر سے موٹر سائیکل سوار ایک نوجوان جاں بحق اور دوسرا زخمی ہوگیا۔ جاں بحق ہونے والے کی شناخت 18 سالہ عصمت ولد اعجاز جبکہ زخمی کی شناخت 18 سالہ نوید ولد ستورو کے ناموں سے ہوئی۔ جاں بحق نوجوان کی لاش اور زخمی کو سول اسپتال منتقل کیا گیا۔دونوں نوجوان غلامان عباس اسکول کے طالب علم اور ہاکس بے کے رہائشی تھے۔ وہ اسکول سے چھٹی کے بعد گھر واپس جا رہے تھے ۔ کورنگی کوسٹ گارڈ چورنگی کے قریب ٹریفک حادثے میں شدید زخمی ہونے والا شخص 50سالہ رفیق ولد محمد انور جناح اسپتال میں دوران علاج زخمو ں کی تاب نہ لاتے ہوئے دم توڑ گیا ،فیصل کالونی الفلاح ملت مو ڑ پر ڈمپر کی ٹکر سے ایک بچہ3سالہ عون محمد ولد ندیم جابحق ہو گیا ، قائد آباد پل غوثیہ ہوٹل کے قریب آئل ٹینکر کی ٹکر سے موٹر سائیکل سوار27 سالہ عمران جاںبحق ہوگیا ۔ نیو کراچی سیکٹر 5 ایف دعا چوک نزد عیدگاہ گروانڈ سے45سالہ شخص کی لاش ملی، متوفی کی لاش کو متعلقہ تھانے سے قانونی کاروائی کے بعد لاش ایدھی ہوم سہراب گوٹھ ایدھی سردخانے منتقل کر دی گئی ۔
نیوزی لینڈ نے 17 سال بعد ہوم گراؤنڈ پر انگلینڈ کو ون ڈے سیریز میں شکست دی